Ejo ku Cyumweru ikipe ya APR FC ni bwo izashyikirizwa igikombe cya shampiyona ya 2019\/2020, nyuma yo gucyegukana idatsinzwe umukino n’umwe.<\/p>\n
Ku wa 22 Gicurasi umwaka ushize ni bwo iyi kipe y’Ingabo z’igihugu yegukanye igikombe cya shampiyona cya 18 mu mateka yayo, nyuma y’uko FERWAFA yari ifashe umwanzuro wo kurangiza shampiyona imburagihe kubera Coronavirus yari yarakamejeje.<\/p>\n
Ubwo Shampiyona yahagararaga Tariki 10 Werurwe 2020, APR FC yari ku mwanya wa mbere n\u2019amanota 57 mu mikino 23. Yari Ikurikiwe na Rayon Sports yari ifite amanota 50 ndetse na Police ku mwanya wa gatatu na 43.<\/p>\n
APR FC yagombaga gushyikirizwa iki gikombe mu Ukuboza ubwo shampiyona ya 2020\/2021 yatangiraga, gusa ibirori byo kuyiha igikombe biza guhagarikwa nanone n’icyorezo cyatumye shampiyona isubikwa.<\/p>\n
Nyuma y’igihe gikabakaba umwaka APR FC itarahabwa igikombe cyayo, izagishyikirizwa kuri iki cyumweru mbere y’umukino wa shampiyona izahuriramo na Gorilla FC.<\/p>\n
Ni umukino wo mu tsinda rya mbere uzabera kuri Stade ya Huye.<\/p>\n
APR FC magingo aya iri mu makipe ahabwa amahirwe yo kwisubiza igikombe cya shampiyona isubukurwa kuri uyu wa Gatandatu, gusa ikaba igomba gukinwa mu buryo bw’amatsinda.<\/p>\n
Kurikira ibiganiro n\u2019amavidewo binyura kuri Bwiza TV<\/strong><\/p>\n