{"id":35869,"date":"2021-05-06T07:53:31","date_gmt":"2021-05-06T07:53:31","guid":{"rendered":"https:\/\/new.bwiza.com\/2021\/05\/06\/birangora-kumva-ko-umuntu-yatanze-ingwate-kandi-ifatika-ugakomeza-ukamufunga\/"},"modified":"2021-05-06T07:53:31","modified_gmt":"2021-05-06T07:53:31","slug":"birangora-kumva-ko-umuntu-yatanze-ingwate-kandi-ifatika-ugakomeza-ukamufunga","status":"publish","type":"post","link":"https:\/\/bwiza.com\/?p=35869","title":{"rendered":"Birangora kumva ko umuntu yatanze ingwate kandi ifatika ugakomeza ukamufunga-Ingabire M. Immacul\u00e9e"},"content":{"rendered":"

Umuyobozi w\u2019Umuryango urwanya ruswa n’akarengane, Transparency International Rwanda, Ingabire Marie Immacul\u00e9e, avuga ko hari icyagakozwe mu kugabanya ubucucike mu magereza yo mu Rwanda birimo no gufungura abantu baba batanze ingwate.
\n<\/h2>\n

Komisiyo y’Igihugu y’Uburenganzira bwa muntu muri raporo ya 2019\/2020, yerekanye ko ubucucike mu magereza 12 yo hirya no hino mu gihugu yagenzuwe buri ku 136%. Ivuga ko izi gereza zifungiyemo abasaga ibihumbi 66 kandi zifite ubushobozi bwo kwakira abasaga gato ibihumbi 48.<\/p>\n

Ingabire avuga ko ubu bucucike bugirwamo uruhare no kumva ko buri igihe uburana wese aba agomba gufungwa n’iyo yatanga ingwate ifatika.<\/p>\n

Yabwiye igitangazamakuru cya Leta, RBA ati \u201cInzego z’ubutabera nk’ubushinjacyaha kimwe n’inkiko si shyashya kuko zishyira imbere gufunga kandi ubusanzwe ihame ari uko ucyekwaho icyaha akurikiranwa adafunze.\u201d<\/p>\n

Avuga ko hari ibyo atiyumvisha neza. Ati \u201cNjyewe kugeza uyu munsi birangora kumva ko umuntu yatanze ingwate kandi ifatika ugakomeza ukamufunga kandi ukamufungana n’umutungo we. Ubwo se ibyo bintu birumvikana?<\/p>\n

Uyu muyobozi ariko avuga ko abantu bose bataburana bari hanze. Ati ” Ntabwo nafata nk’umuntu ushinjwa iterabwoba ni urugero, uwishe umuntu cyangwa umuntu uhungabanya umutekano mu nzego z’igihugu ngo mvuge ngo nimumufungure! Mbese hari ibyaha bikomeye cyane ariko hari n’ibindi ureba ugasanga atari ngombwa.\u201d<\/p>\n

Umuvugizi w\u2019Ubushinjacyaha, Faustin Nkusi ashimangira ko hari impamvu zikomeye zituma benshi batarekurwa ngo bakurikiranwe badafunze.<\/p>\n

Ati \u201cUshobora kumurekura akajya hanze akaba yasibanganya ibimenyetso cyangwa akaba yashyira igitutu ku batangabuhamya. Ibi bibaho kenshi mu manza zimwe na zimwe aho urekura umuntu by\u2019agateganyo ariko yajya hanze akagira ibyo akora bizana igitutu ku batangabuhamya.”<\/p>\n

Umuvugizi w\u2019Inkiko, Harrisson Mutabazi we avuga ko n’ubwo mu mwaka wa 2019\/2020 inkiko zarekuye by\u2019agateganyo abagera kuri 283 bagakomeza gukurikiranwa badafunze, hari ibikinozwa kugirango abahabwa ubwo burenganzira n\u2019ubutabera bw\u2019u Rwanda biyongere.<\/p>\n

Ikibazo cyo kureka abantu bakaburana badafunzwe cyagarutsweho mu ibaruwa Umuyobozi w’Ishyaka RPD, Dr Kayumba Christopher yandikiye Perezida Kagame. avuga ko ari ingume mu butabera bwo mu Rwanda.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n