{"id":35883,"date":"2021-05-06T18:23:14","date_gmt":"2021-05-06T18:23:14","guid":{"rendered":"https:\/\/new.bwiza.com\/2021\/05\/06\/abasirikare-bagizwe-abayobozi-ba-kivu-y-amajyaruguru-na-ituri-bigeze-kuba-mu\/"},"modified":"2021-05-06T18:23:14","modified_gmt":"2021-05-06T18:23:14","slug":"abasirikare-bagizwe-abayobozi-ba-kivu-y-amajyaruguru-na-ituri-bigeze-kuba-mu","status":"publish","type":"post","link":"https:\/\/bwiza.com\/?p=35883","title":{"rendered":"Abasirikare bagizwe abayobozi ba Kivu y\u2019Amajyaruguru na Ituri bigeze kuba mu mitwe y\u2019inyeshyamba_RFI"},"content":{"rendered":"

Radiyo mpuzamahanga y\u2019Abafaransa, RFI, kuri uyu wa 5 Gicurasi 2021 yatangaje ko abasirikare babiri n\u2019umupolisi bagizwe abayobozi mu Ntara ya Kivu y\u2019Amajyaruguru na Ituri muri Repubulika ya Demukarasi ya Congo (RDC) bigeze kuba mu mitwe yitwaje intwaro, bamwe bakunze kwita inyeshyamba.<\/strong><\/p>\n

Ni inkuru yasohotse nyuma y\u2019iminsi itanu Perezida w\u2019iki gihugu, F\u00e9lix Tshisekedi atangaje ko izi ntara zigiye kujya mu bihe bidasanzwe by\u2019iminsi 30, muri iki gihe ubuyobozi bwazo bwa gisivili bugasimburwa n\u2019ubw\u2019igisirikare ku bufatanye n\u2019igipolisi.<\/p>\n

Lt. Gen. Constant Ndima yagizwe Guverineri w\u2019Intara ya Ituri. RFI ivuga ko uyu musirikare wari usanzwe ayobora zone ya gisirikare ya 3 yigeze kuba umurwanyi w\u2019umutwe witwaje intwaro wa MLC (ouvement de Lib\u00e9ration du Congo) wa Jean Pierre Bemba, utarahinduka ishyaka rya politiki.<\/p>\n

Iki gitangazamakuru kandi kivuga ko Gen. Ndima ari mu barwanyi ba MLC Umuryango w\u2019Abibumbye wigeze gukoraho iperereza ku ruhare bakekwagaho muri operasiyo yiswe ‘Effacer le Tableau\u2019 yiciwemo abo mu bwoko bwa \u2018Nandes\u2019 na \u2018Pygmes\u2019 mu ntara ya Ituri mu mwaka w\u20192002 n\u20192003.<\/p>\n

Gusa MLC ubwayo yahakanye uruhare rwa Gen. Ndima muri iyi operasiyo, ndetse ntari mu barwanyi 19 bahamijwe n\u2019urukiko uruhare muri yo, mu rubanza rwabaye muri Gashyantare 2003.<\/p>\n

Umusirikare wagizwe Guverineri w\u2019Intara ya Kivu y\u2019Amajyaruguru ni Lt. Gen. Luboya Nakashama wayoboraga akarere ka gisirikare ka 13 kari mu Ntara ya Equateur. RFI ivuga ko na we yigeze kuba umurwanyi mu mutwe witwaje intwaro wa RCD (Rassemblement Congolais pour la D\u00e9mocratie) wakoreraga muri iyi ntara kuva mu 1998 kugeza mu 2003.<\/p>\n

Uwungirije Gen. Luboya ni umupolisi witwa Benjamin Alonga Boni wigeze kungiriza Gen. Numbi ku nshingano y\u2019Umuyobozi Mukuru wa Polisi ya RDC mu 2010, uyu na we ngo akaba yarabaye umurwanyi wa MLC.<\/p>\n

Ibihe bidasanzwe muri izi ntara byatangiye uyu munsi. Ingabo z\u2019igihugu ziraba zihangana n\u2019imitwe yitwaje intwaro iteza umutekano muke, bikaba byitezwe ko bizarangira umutekano umaze kuboneka mu buryo burambye.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n