{"id":36167,"date":"2021-05-17T08:26:39","date_gmt":"2021-05-17T08:26:39","guid":{"rendered":"https:\/\/new.bwiza.com\/2021\/05\/17\/uko-ubwirinzi-bwa-iron-dome-bwa-israel-bwayifashije-gushwanyaguza-ibisasu-3-000\/"},"modified":"2021-05-17T08:26:39","modified_gmt":"2021-05-17T08:26:39","slug":"uko-ubwirinzi-bwa-iron-dome-bwa-israel-bwayifashije-gushwanyaguza-ibisasu-3-000","status":"publish","type":"post","link":"https:\/\/bwiza.com\/?p=36167","title":{"rendered":"Uko ubwirinzi bwa ‘Iron Dome’ bwa Israel bwayifashije gushwanyaguza ibisasu 3,000 bivuye muri Gaza"},"content":{"rendered":"

Imirwano ikomeye itaherukaga kuboneka mu myaka myinshi hagati ya Israel na Gaza ubu iri gutuma haboneka amashusho akomeye y’ibisasusu binyuranamo mu kirere.
\n<\/h2>\n

Igisirikare cya Israel kivuga ko intagondwa z’Abanye-Palestina zarashe rokete zirenga 3000 kuri Israel mu gihe cy’icyumweru gishize.<\/p>\n

Ariko hafi 90% y’izo rokete zashwanyujwe n’ubwirinzi bwa za misile buzwi nka ‘Iron Dome missile defence system’ zitaragera aho zirashwe, nk’uko ingabo za Israel zibivuga.<\/p>\n

Iron Dome yakozwe by’umwihariko ngo ikingire ibintu biturika birasiwe bugufi nk’uko BBC dukesha iyi nkuru ibitangaza.<\/p>\n

Icyo gihe ibisasu bya rokete byarashwe muri Israel – byangiza byinshi cyane, bitera abantu benshi guhunga n’abandi babarirwa muri za mirongo barapfa.<\/p>\n

Nyuma y’ibyo Israel yavuze ko igiye gukora uburyo bushya bukoresha za misile bwo kwirinda akaga nk’ako.<\/p>\n

Uruganda rwa Israel Rafael Advanced Defense Systems na Israel Aerospace Industries, hamwe na bumwe mu bufasha bwa Amerika, bakoze ubuhanga bwa Iron Dome itangira gukora mu 2011.<\/p>\n

Iron Dome, ifatwa nka bumwe mu buryo buteye imbere cyane bwo kwirinda ibisasu ku isi, ikoresha za radar mu kubona no gushwanyaguza ibintu birashwe mbere y’uko bigira icyo byangiza.<\/p>\n

Ubu buryo bukora mu bihe byose by’ikirere, bubasha kurwanya ibisasu byose birasiwe bugufi nka za rokete zirashwe ziturutse muri Gaza.<\/p>\n

Iron Dome yari ihenze cyane kuyikora, ariko abayikoze bo bavuga ko ikwiye agaciro ifite kuko ifite ikoranabuhanga ribasha gutandukanya misile zishobora kugwa ahatuwe cyane n’izitahagera.<\/p>\n

Mu kanya gato cyane, imbunda ziri hamwe n’izishobora kwimurwa zihita zirasa misile zo gushwanyaguza ikintu cyose iryo koranabuhanga rizeretse ko kiri kuza kandi giteye inkeke.<\/p>\n

Imyaka irenga 10 kuva Iron Dome zitangiye gukoreshwa, Israel ubu ifite izigera ku 10.<\/p>\n

Izi zashyizwe ahanyuranye mu gihugu, buri imwe ifite imbunda nini eshatu cyangwa enye zishobora kurasa misile 20 icya rimwe zo gushwanyaguza ibirashwe.<\/p>\n

Mu cyumweru gishize, umuvigizi w’igisirikare cya Israel Lt Col Jonathan Conricus yagize ati:<\/p>\n

“Umubare w’abanya-Israel bari kuba barapfuye wari kuba uri hejuru cyane iyo hataba Iron Dome, zakijije ubuzima nk’uko zabikoze buri gihe.”<\/p>\n

Gusa bamwe mu basesenguzi bavuga ko abarwanyi bo muri Gaza muri iki gihe bari kohereza rokete nyinshi cyane mu buryo bwo kunaniza no kunyuranyiriza Iron Dome.<\/p>\n

Ibi bituma ubu hibazwa aho ubushobozi bwazo bugarukira.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n