{"id":36173,"date":"2021-05-17T09:31:49","date_gmt":"2021-05-17T09:31:49","guid":{"rendered":"https:\/\/new.bwiza.com\/2021\/05\/17\/uko-uwari-amb-wa-tanzania-mu-rwanda-yarusimbutse-ubwo-habyarimana-na-ntaryamira\/"},"modified":"2021-05-17T09:31:49","modified_gmt":"2021-05-17T09:31:49","slug":"uko-uwari-amb-wa-tanzania-mu-rwanda-yarusimbutse-ubwo-habyarimana-na-ntaryamira","status":"publish","type":"post","link":"https:\/\/bwiza.com\/?p=36173","title":{"rendered":"Uko uwari Amb. wa Tanzania mu Rwanda yarusimbutse ubwo Habyarimana na Ntaryamira bicwaga"},"content":{"rendered":"

Ali Hassan Mwinyi wayoboye Tanzania avuga ko ambasaderi w’igihugu cye mu Rwanda mu 1994, Saleh Boi Tambwe yari mu bantu bari kugenda mu ndege yarimo Perezida w’ u Rwanda, Juvenal Habyarimana gusa ngo bikarangira ku munota wa nyuma atayigiyemo bityo akarokoka urupfu rwamuhitanye, rudasize na mugenzi we w’ u Burundi, Cyprien Ntaryamira.
\n<\/h2>\n

Mu gitabo cye, Safari ya Maisha Yangu<\/strong> bivuze \u2019Urugendo rw\u2019ubuzima bwanjye\u2019. avuga ko kuba Amb. Tambwe yararusimbutse, byaratewe n’ubusabe bwa Perezida Ntaryamira. Muri iki gitabo agaruka ku ngingo nyinshi zifite aho zihuriye n’ u Rwanda. <\/p>\n

Byagenze bite ngo Amb. Tambwe arusimbuke?
\n<\/strong><\/p>\n

Muzehe Mwinyi yanditse ko ubusanzwe muri Dassault Falcon 50 ya Habyarimana byari byitezwe ko hagendamo n\u2019uwari Ambasaderi wa Tanzania mu Rwanda, Saleh Tambwe. Birumvikana ko yari kuba agarutse i Kigali mu kazi ke.<\/p>\n

Nyuma y’inama, Perezida Ntaryamira w’ u Burundi yasabye ko yataha mu ndege ya Habyarimana kuko ngo yo yihutaga mu gihe iye yagendaga buhoro. Ibi Habyarimana yarabimwemereye bityo biba ngombwa ko Saleh Tambwe asigara muri Tanzania gusa kuwa 6 Mata 1994, saa mbli n’igice z’umugoroba, iyi ndege yararashwe, mu bari bayirimo nta n’umwe warokotse.<\/p>\n

Hassan Mwinyi avuga ko byabaye gusimbuka urupfu kuko iyo Tambwe aza kuba ari muri iyo ndege na we yari kuba yarapfuye. Ati: \u201cUyu wari umunsi w\u2019amahirwe kuri Ambasaderi wacu mu Rwanda, ubwo indege itwaye abakuru b\u2019ibihugu babiri yarasagwa igashwanyagurika mu gihe yiteguraga kugwa ku Kibuga cy\u2019Indege cya Kigali, abari barimo bose barapfuye\u201d<\/p>\n

Uyu mukambwe yakomeje avuga ko bwari ubwa mbere biba ko abakuru b\u2019ibihugu babiri bapfira rimwe bavuye muri Tanzania. Ati \u201cIkibabaje ni uko abakuru b\u2019ibihugu byombi bari mu gihugu cyacu bashaka igisubizo cyo kurangiza ubwicanyi bwari mu bihugu byabo, bakazana amahoro n\u2019ubufatanye mu baturage bose\u201d.<\/p>\n

Uretse Habyarimana na Ntaryamira, iyi ndege yanaguyemo Jean-Michel Perrine wayikoraga kandi akanayikurikiranira hafi ngo itagira ikibazo, Gen D\u00e9ogratias Nsabimana (Castar), wari Umugaba Mukuru w\u2019Ingabo z\u2019u Rwanda, Major Thadd\u00e9e Bagaragaza wari ushinzwe kumurinda akaba yari anungirije Umukuru w\u2019Ingabo zishinzwe kurinda Perezida (Garde Presidentielle).<\/p>\n

Abandi baguye muri iyi ndege barimo Colonel Elie Sagatwa wari Umunyamabanga wihariye wa Habyarimana akaba na muramu we, Ambasaderi Juv\u00e9nal Renzaho wari Umujyanama wa Habyarimana mu bijyanye na Politiki, Dr Emmanuel Akingeneye wari muganga wihariye wa Habyarimana, Bernard Ciza wari Minisitiri w\u2019Itumanaho mu Burundi na mugenzi we Cyriaque Simbizi wari Minisitiri w\u2019Igenamigambi w\u2019u Burundi.<\/p>\n

Saleh Tambwe yabaye Amabasaderi wa Tanzania mu Rwanda kuva mu 1978 kugeza mu 1983 nyuma ajya muri Zambia aho yavuye mu 1988 agaruka i Kigali mu 1991 kugeza mu 1994.<\/p>\n

\"saleh_boi_tambwe_360_453shar-50brig-20_c1_c_t.jpg\"
\nSaleh Boi Tambwe
\n<\/h2>\n

Ali Hassan Mwinyi yavutse ku wa 8 Gicurasi 1925, avukira mu gace ka Kivure muri Pwani. Yabaye Perezida wa kabiri wa Tanzania, ayobora kuva mu 1985 kugeza mu 1995. Uretse kuba Perezida wa Tanzania yanabaye Minisitiri w\u2019Umutekano na Visi Perezida.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n