{"id":36200,"date":"2021-05-18T08:44:19","date_gmt":"2021-05-18T08:44:19","guid":{"rendered":"https:\/\/new.bwiza.com\/2021\/05\/18\/rutsiro-abagana-akagari-ka-bugina-kwiherera-ni-ukwiyeranja\/"},"modified":"2021-05-18T08:44:19","modified_gmt":"2021-05-18T08:44:19","slug":"rutsiro-abagana-akagari-ka-bugina-kwiherera-ni-ukwiyeranja","status":"publish","type":"post","link":"https:\/\/bwiza.com\/?p=36200","title":{"rendered":"Rutsiro: Abagana Akagari ka Bugina kwiherera ni ‘ ukwiyeranja’"},"content":{"rendered":"

Bamwe mu baturiye ibiro by\u2019akagari ka Bugina ko mu murenge wa Gihango mu karere ka Rutsiro n\u2019abahasaba serivisi, barinubira ko ubwiherero bw\u2019ako kagari bwaguye ntihihutirwe gushaka ubundi,bityo ubu bikaba bisaba kwiyeranja (kwirwanaho).
\n<\/h2>\n

Ibiro by\u2019akagari ka Bugina byubatse mu mudugudu wa Karambi ,aho bamwe mu bahasaba serivisi kimwe n\u2019abahaturiye bahuriza ku mbogamizi baterwa no kuba hashize igihe bo bita kinini, ubwari ubwiherero bw\u2019akagari ka Bugina burindimukiriye hasi ariko kugeza ubu hakaba nta bundi bwubatswe. Ni ibintu bavuga ko biteza umwanda mu buryo bunyuranye bagasaba ko hakubakwa ubundi.<\/p>\n

Uwitwa Siborurema Emmanuel yatangarije Radio Isangano ngo \u201cDufite ikibazo duterwa n\u2019umwanda uturuka ku kuba kuri biro by\u2019aka kagari [ka Bugina]ntabwiherero buhari, bigatuma abaza kuhaka serivisi bajya gushakisha uko biyaranja kuko ubwiherero bwa hano ku kagari bwarasenyutse kuva mu kwezi kwa Mbere. Rwose twifuza ko akagari kakora iyo bwabaga hakaboneka ubundi bwiherero bwako.\u201d<\/p>\n

Mugenzi we utarashatse ko amazina ye atangazwa yunzemo ati: \u201cHari nka saa Kumi z\u2019umugoroba tugiye kumva twumva WC y\u2019akagari irarindimutse yose igwa hasi. Icyo gihe na gitifu yari ahari avuyemo [mu bwiherero] ahubwo, ndumva ari nko mu mpera z\u2019ukwezi kwa Mbere. Birabangamye cyane kuba akagari katagira ubwiherero kuko nk\u2019abantu bahaza nta ho kwiherera babona ahubwo bajya gutira mu batuye hano hafi, ubwo iyo babuze ababatiza urumva ko birwanaho mu bundi buryo buteza umwanda.\u201d<\/p>\n

Ni mu gihe Rurangirwa Fid\u00e8le, umunyamabanga nshingwabikorwa w\u2019akagari ka Bugina we avuga ko ubwo bwiherero bwasenyutse ahagana hagati muri Mata uyu mwaka wa 2021, bitewe n\u2019uko bwubatswe mu buryo we yita bubi. Icyakora yongeraho ko nta gihindutse mu byumweru bibiri uhereye ku itariki 10 Gicurasi 2021, iki kibazo cyaba cyakemutse.<\/p>\n

Ati: \u201cUbu bwiherero bwaguye bwubatswe kera muri 2006 cya gihe hubakwaga ibiro by\u2019imirenge. Igihe rero babwubakaga bamennye beto (b\u00e9ton) nabi ntiyagera aho bikwiye hose bituma ejobundi mu byumweru nka bitatu bishize burindimuka byose bigwamo mu mwobo. Twagize amahirwe ahubwo bwari kuzagwa nko ku muntu. Twatangiye kubaka ubundi bwiherero hano imbere y\u2019akagari ahubwo ni uko twahuye n\u2019imvura ikatudindiza naho ubundi tubonye imicyo mu byumweru bibiri twaba tubwujuje.\u201d<\/p>\n

Ubu bwiherero bwahoze ari ubw\u2019akagari ka Bugina, abaturage n\u2019ubuyobozi bw\u2019ako kagari ntibavuga rumwe ku gihe bwasenyukiye. <\/p>\n

Ubuyobozi bw\u2019akagari buvuga ko ku itariki 10 Gicurasi umwaka wa 2021 hari hashize ibyumweru nka bitatu busenyutse, mu gihe bamwe mu bahatuye bo bavuga ko byabaye muri Mutarama 2021.<\/p>\n

Ni ubwiherero bwubatswe mu mwaka wa 2006 aho bwari bwubakishijwe amatafari ahiye bakunze kwita impunyu, mu gihe ubw\u2019ubuyobozi bw\u2019akagari buvuga ko buri kubaka ubu, bwo igice kinini cyabwo kizaba cyubakishije amatafari adahiye bakunze kwita aya rukarakara.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n