{"id":36329,"date":"2021-05-21T14:05:43","date_gmt":"2021-05-21T14:05:43","guid":{"rendered":"https:\/\/new.bwiza.com\/2021\/05\/21\/rdc-irateganya-guha-kenya-inkingo-za-covid-19-zibarirwa-mu-150-000\/"},"modified":"2021-05-21T14:05:43","modified_gmt":"2021-05-21T14:05:43","slug":"rdc-irateganya-guha-kenya-inkingo-za-covid-19-zibarirwa-mu-150-000","status":"publish","type":"post","link":"https:\/\/bwiza.com\/?p=36329","title":{"rendered":"RDC irateganya guha Kenya inkingo za Covid-19 zibarirwa mu 150,000"},"content":{"rendered":"

Repubulika ya Demukarasi ya Congo (RDC) irateganya guha Kenya inkingo za Covid-19 zo mu bwoko bwa AstraZeneca zibarirwa mu bihumbi 150 mu minsi mike iri imbere.<\/strong><\/p>\n

Byatangajwe na Minisitiri w\u2019Ubuzima wa Kenya, Mutahi Kagwe mu kiganiro yagiranye na CNN ejo tariki ya 20 Gicurasi 2021.<\/p>\n

Kagwe yavuze ko mu nkingo miliyoni 1.12 za AstraZeneca Kenya yahawe muri gahunda ya Covax igamije kuzigeza mu bihugu biri mu nzira y\u2019iterambere muri Werurwe 2021, ubu hasigaye izigera ku bihumbi 100 gusa.<\/p>\n

Yemera ko izo basigaranye ari nkeya ku buryo nta kinini zabafasha muri gahunda yo gukingira bwa kabiri abazihawe bwa mbere, abahumuriza ko iki gihugu kigiye guhabwa izindi n\u2019ibihugu by\u2019ibituranyi, birimo RDC izagiha ibihumbi 150.<\/p>\n

Impamvu RDC izatanga izi nkingo ngo ni uko idafite ubushobozi bwo kuba yamaze kuzikoresha ikingira abaturage bayo kugeza muri Kamena 2021 ubwo zizaba zashaje.<\/p>\n

RDC yari yarahawe inkingo miliyoni 1.7 binyuze muri gahunda ya Covax, tariki ya 3 Werurwe 2021.<\/p>\n

N\u2019ubwo Kagwe yahumurije Abanyakenya, bigaragara ko iki gihugu kizaba kigikeneye inkingo za Covid-19 zibarirwa muri miliyoni imwe. <\/p>\n

Iki kibazo kiriyongera ku kuba inkingo Kenya yateganyaga kwakira zizakererwa, kuko zagombaga guturuka mu ruganda rwa Serum mu Buhinde; igihugu cyugarijwe bikomeye n\u2019iki cyorezo, kizikeneye ubwacyo kurusha ibindi.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n