Ikipe ya Patriots BBC, yaraye ikatishije itike ya 1\/2 cy’irangiza cy’irushanwa rya Basketball Africa League rikomeje kubera hano mu Rwanda, nyuma yo gutsinda Ferrovi\u00e1rio de Maputo yo muri Mozambique ku manota 73-71.<\/p>\n
Ikinyuranyo cy’amanota abiri yonyine ni cyo cyatandukanyije impande zombi muri uyu mukino ukomeye cyane wabereye muri Kigali Arena.<\/p>\n
Ni umukino wanitabiriwe na Perezida wa Repububulika, Paul Kagame wari kumwe na mugenzi we w’Ubufaransa, Emmanuel Macron uri mu ruzinduko rw’iminsi ibiri hano mu Rwanda.<\/p>\n
Patriots BBC yitwaye neza mu gace ka mbere, igatwara ku manota 24-15 ibifashijwemo n\u2019abarimo Kenny Gasana wabaye umukinnyi w’uriya mukino.<\/p>\n
Ferrovi\u00e1rio ibifashijwemo n’abakinnyi bayo nka \u00c1lvaro Masa, Demarcus Holland na Myck Kabongo wahaye akazi gakomeye cyane Patriots, yatsinze agace ka kabiri ku manota 24-18, bituma amakipe yombi ajya kuruhuka Patriots iri imbere n’amanota 42-39.<\/p>\n
Iyi kipe yakomeje kwitwara neza mu ntangiriro z’agace ka gatatu yemwe inashyiramo ikinyuranyo cy’amanota 11, gusa birangira gatwawe na Ferrovi\u00e1rio de Maputo ku manota 57 kuri 55.<\/p>\n
Byasabye imbaraga z’umurengera abasore ba Patriots mu gace ka nyuma k’umukino kugira ngo begukane intsinzi.<\/p>\n
Amanota icyenda ya Mugabe Aristide watsinze atatu inshuro eshatu yikurikiranya, yafashije Patriots BBC kongera kuyobora umukino ku manota 66-61 habura iminota itanu ngo umukino urangire.<\/p>\n
\u00c1lvaro Masa wa Ferrovi\u00e1rio de Maputo, Aristide Mugabe na Kenneth Gasana ba Patriots BBC, bagize uruhare mu gutuma amakipe yombi ajya mu minota ibiri ya nyuma anganya amanota 70-70.<\/p>\n
Habura amasegonda atatu ngo umukino urangire, Adjehi Baru wa Ferrovi\u00e1rio de Maputo yahawe lancer franc ebyiri, ahushamo imwe, bituma umukino urangira ikipe idashoboye gukuramo amanota abiri yarushwaga.<\/p>\n
Kenny Gasana watsinze amanota 23 muri uyu mukino, ni we winjije menshi, akurikirwa na kapiteni we, Mugabe Aristide, watsinze 18.<\/p>\n
Patriots izahura muri 1\/2 cy’irangiza cya BAL 2021 na US na US Monastir yo muri Tunisia, yo yabigezeho inyagiye AS Douanes yo muri S\u00e9n\u00e9gal amanota 86-62.<\/p>\n
Iyi Monastir yari iri kumwe na Patriots mu tsinda, ndetse ikaba yarayitsinze (Monastir) amanota 91-75 mu mukino wa nyuma wo mu tsinda.<\/p>\n
Andi makipe azakina umukino wa 1\/2 cy’irangiza cya BAL ni Petro Atletico de Luanda muri Angola igomba guhura na Zamalek yo mu Misiri.<\/p>\n
Kurikira ibiganiro n\u2019amavidewo binyura kuri Bwiza TV<\/strong><\/p>\n