{"id":36600,"date":"2021-05-28T18:56:47","date_gmt":"2021-05-28T18:56:47","guid":{"rendered":"https:\/\/new.bwiza.com\/2021\/05\/28\/ifoto-yakunzwe-umubyeyi-w-i-goma-wahungaga-yakoze-ibishoboka-ngo-atabura-umwana\/"},"modified":"2021-05-28T18:56:47","modified_gmt":"2021-05-28T18:56:47","slug":"ifoto-yakunzwe-umubyeyi-w-i-goma-wahungaga-yakoze-ibishoboka-ngo-atabura-umwana","status":"publish","type":"post","link":"https:\/\/bwiza.com\/?p=36600","title":{"rendered":"Ifoto yakunzwe: Umubyeyi w’i Goma wahungaga, yakoze ibishoboka ngo atabura umwana we"},"content":{"rendered":"

Kuva ku mugoroba wa tariki ya 22 Gicurasi 2021, abatuye mu mujyi wa Goma muri Kongo (RDC) bagwiririwe n\u2019ibyago by\u2019iruka rya Nyiragongo, ikirunga kitari kure yabo, amahindure yacyo yibasira ibiturage nka Buhene, mu nkengero yawo.<\/strong><\/p>\n

Bitewe n\u2019uko babonaga ibimenyetso ko ikirunga kigiye kuruka kuko cyari cyatukuye cyane, abaturage b\u2019i Goma barenga 25,000 bahungiye mu bice birimo Sake, Bukavu, abandi bajya i Gisenyi mu Rwanda.<\/p>\n

Icyo gihe, ishami ry\u2019Umuryango w\u2019Abibumbye ryita ku bana, UNICEF, tariki ya 23 Gicurasi 2021 ryatakangaje ko muri uku guhunga, abana 150 batandukanye n\u2019ababyeyi babo, bikaba byari binateye impungenge ko abandi 170 babuze.<\/p>\n

UNICEF yagize iti: \u201cAbana barenga 150 batandukanye n\u2019imiryango yabo, abandi 170 hari ubwiba bw\u2019uko babuze ubwo abaturage bo mu mujyi wa Goma bahungaga bitewe n\u2019iruka rya Nyiragongo.\u201d<\/p>\n

Ab\u2019i Goma bongeye guhunga<\/strong><\/p>\n

Ku munsi wakurikiye uwo Nyiragongo yarukiyeho, abaturage bari bahunze Goma batangiye gusubirayo, gusa ntibahamaze akanya kuko hatangiye kumvikana imitingito ya hato na hato, yangiza inyubako zabo, no muri Gisenyi.<\/p>\n

Byatumye bamwe muri bo basubira aho bari bahungiye, abandi biyemeza gusasa ibiryamirwa hanze, barara aho ngaho kugeza ubwo Isi izaba ituje.<\/p>\n

Gusa mu gihe bakiri muri uyu muhangayiko, Guverineri w\u2019Intara ya Kivu y\u2019Amajyaruguru umujyi wa Goma uherereyemo, Gen. Constant Ndima yasabye abo muri uyu mujyi batuye mu biturage 10 guhunga irindi ruka rya Nyiragongo rishobora kongera kuba.<\/p>\n

Byumvikanisha ko abatuye muri ibi biturage babarirwa mu 400,000, bose basabwaga kuhava, bakimukira muri Sake nk\u2019uko Gen. Ndima yari yabibasabye, ndetse batangiye kubishyira mu bikorwa mu kwirinda ibyago barerwa n\u2019iruka rya Nyiragongo ryongeye kubaho.<\/p>\n

UNICEF kuri uyu wa 27 Gicurasi 2021 yatangaje ko mu 400,000 bava i Goma bajya i Sake, harimo abana bagera ku 280,000, mu butumwa busa n\u2019ubusaba mu buryo bw\u2019amarenga ko aba bana bakwiye guhangwa amaso, ntihagire ubura, utandukana n\u2019umuryango we cyangwa se uhungabana.<\/p>\n

Umubyeyi yiziritseho umwana we<\/strong><\/p>\n

Mu bahunze iruka rya Nyiragongo rishobora kongera kuba, harimo umubyeyi w\u2019abana ufite abana babiri bakiri bato, umukuru bisa n\u2019aho ari mu kigero cy\u2019imyaka cyangwa itanu, umutoya afite nk\u2019imyaka ikabakaba ibiri.<\/p>\n

Ifoto y’uyu mubyeyi ikomeje guhererekanwa ku mbuga nkoranyambaga, yakuruye amarangamutima ya benshi bibutse urukundo rwa nyina w’umuntu. Uyu mubyeyi ahetse umufuka urimo ibikoresho bitandukanye, umwana mutoya yamushyize ku rutugu. <\/p>\n

Umwana mukuru, yamuziritse umushumi w\u2019igitenge ku kaboko k\u2019ibumoso, naze amwizirikaho umushumi awucishije ku gihimba.<\/p>\n

Nta kindi yabikoreye, yirinze ko yabura umwana yibyariye nk\u2019uko byagendekeye imwe mu miryago y\u2019abahunze tariki ya 22 Gicurasi 2021 ubwo Nyiragongo yari igiye kuruka.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n