{"id":36785,"date":"2021-06-01T19:00:00","date_gmt":"2021-06-01T19:00:00","guid":{"rendered":"https:\/\/new.bwiza.com\/2021\/06\/01\/hari-imbogamizi-mu-gucungira-umutekano-abashobora-gushinjura-kabuga-bari-mu\/"},"modified":"2021-06-01T19:00:00","modified_gmt":"2021-06-01T19:00:00","slug":"hari-imbogamizi-mu-gucungira-umutekano-abashobora-gushinjura-kabuga-bari-mu","status":"publish","type":"post","link":"https:\/\/bwiza.com\/?p=36785","title":{"rendered":"Hari imbogamizi mu gucungira umutekano abashobora gushinjura Kabuga bari mu Rwanda- Umwavoka"},"content":{"rendered":"

Umwunganizi wa F\u00e9licien Kabuga, Me Altit yasabye urukiko rwa ONU\/UN ikindi gihe cyo gutegura urubanza mu mizi rw’uwo yunganira, agaragaza ko hari imbogamizi ku ngingo yo gucungira umutekano abashobora gushinjura umukiliya we bari mu Rwanda.
\n<\/h2>\n

Iburanisha ryasubukuwe kuwa kabiri nimugoroba, nyuma y’amezi atandatu risubitswe bisabwe n’impande zombi ngo zitegure urubanza.<\/p>\n

Me Emmanuel Altit wunganira Kabuga yavuze ko bakeneye igihe cy’inyongera cyo gutegura urubanza mu mizi, kuko hari ibyo basabye batarabona ndetse hari ingorane mu iperereza ryabo.<\/p>\n

Yavuze ko uruhande rwunganira uregwa “rufite imbogamizi mu gucungira umutekano abashobora gushinjura uregwa bari mu Rwanda, ndetse n’imbogamizi zo gukorera mu cyorezo cya Covid.”<\/p>\n

Me Altit ati: “Uruhande rwacu ruri mu bihe bigoye gukoreramo, mu gihe ubushinjacyaha bwagize imyaka myinshi yo gutegura urubanza twebwe ubu dufite ingorane zirimo n’ikipe ntoya.”<\/p>\n

Yavuze ko itariki yumvise ya 22 Ukwakira 2021yo gutangiza iburanisha mu mizi ishobora kuba ari hafi agereranyije n’akazi batarakora ngo babe biteguye kuburana.<\/p>\n

Urukiko ruzatangaza nyuma itariki iburanisha mu mizi rizatangirira.<\/p>\n

Gusa umucamanza Iain Bonomy uyoboye iburanisha yavuze ko uruhande rwunganira uregwa rukwiye gukora ibishoboka rukaba rwiteguye mu gihe gisigaye cy’uyu mwaka.<\/p>\n

Kabuga afungiye i La Haye mu Buholandi kuva mu kwezi kwa cumi nyuma yo gufatirwa mu Bufaransa mu kwezi kwa gatanu 2020, akurikiranyweho ibyaha bya jenoside.<\/p>\n

Umucamanza yavuze ko uyu munsi urukiko rwangiye Kabuga, w’imyaka 86, ubusabe bwo kurekurwa by’agateganyo ku mpamvu z’uburwayi kuko ngo amagara ye akurikiranirwa hafi.<\/p>\n

BBC dukesha iyi nkuru ivuga ko Kabuga yumvikanye mu ijwi ry’umuntu ushaje kandi unaniwe ubwo yasubizaga ikibazo niba ari kumva ibyo umucamanza avuga mu rurimi rwe. <\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n