{"id":36902,"date":"2021-06-05T16:25:44","date_gmt":"2021-06-05T16:25:44","guid":{"rendered":"https:\/\/new.bwiza.com\/2021\/06\/05\/abo-kwa-ntamuhanga-bavuga-ko-mu-bamufashe-harimo-abavuga-ikinyarwanda-bigize-nk\/"},"modified":"2021-06-05T16:25:44","modified_gmt":"2021-06-05T16:25:44","slug":"abo-kwa-ntamuhanga-bavuga-ko-mu-bamufashe-harimo-abavuga-ikinyarwanda-bigize-nk","status":"publish","type":"post","link":"https:\/\/bwiza.com\/?p=36902","title":{"rendered":"Abo kwa Ntamuhanga bavuga ko mu bamufashe harimo abavuga Ikinyarwanda bigize nk’abaguzi b’ingurube"},"content":{"rendered":"

Umuryango w’Umunyamakuru, Cassien Ntamuhanga bavuga ko mwenewabo yafatiwe ku kirwa cyitwa Inhaca muri Mozambique n’abantu bagera ku 10 barimo bane bavuga Ikinyarwanda bari bigize nk’abaje kugura ikibwana cy’ingurube.
\n<\/h2>\n

Ntamuhanga yafashwe kuwa 23 Gicurasi 2021 nk’uko bisobanurwa na James Kabagyema, mwenenyina, wahunze u Rwanda mu 20218. Mu nkuru ya Daily Monitor, Kabagyema asaba Leta ya Mozambique kuvuga impamvu yafashe Ntamuhanga ndetse no kumufungura.<\/p>\n

Mu kuvuga ku ifatwa rya mwenewabo Ntamuhanga, Kabagyema ati ” Dushaka kumenya niba akiri muzima kuko kuva bamukura iwe, ntituzi aho aherereye. Abantu 10 bambaye sivili barimo bane bavuga Ikinyarwanda baje bigize nk’abaje kugura ingurube mu mushinga w’ubworozi bw’ingurube, baramufata.”<\/p>\n

Kabagyema ubana na nyina muri Uganda yabwiye icyo kinyamakuru ko ” Abafase Ntamuhanga batwaye na mudasobwa ye, telefoni, ikarita y’impunzi, pasiporo n’izindi nyandiko zari mu nzu ye.”<\/p>\n

Uyu avuga ko babonye amakuru atizewe ko mwenewabo yajyanwe kuri Ambasade y’ u Rwanda muri Mozambique, ngo ” Byaba bibabaje kuko ubwo haba hari umugambi wo kumujyana mu Rwanda bitemewe n’amategeko.”<\/p>\n

Amakuru y’ifatwa rya Ntamuhanga yemejwe n’abo bakoranaga, RANP-Abaryankuna bavuze ko yafahwe na Polisi ya Mozambique gusa nta byinshi bigeze batangaza gusa ngo ” Turi kubikurikiranira hafi.”<\/p>\n

Umunyamategeko we yari yavuze ko bafite ubwoba ariko bari gushaka amakuru.<\/p>\n

Inzego z’ubutegetsi muri Mozambique n’ u Rwanda ntacyo ziravuga ku ifatwa rya Ntamuhanha cassien.<\/p>\n

Ntamuhanga yatorotse Gereza ya Mpanga, ahita ahunga. Ni nyuma yo guhamwa n’ibyaha by’iterabwoba aho yari yarakatiwe igifungo cy’imyaka 25.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n