Ikipe ya Rayon Sports imaze gutangaza ko Kayiranga Jean Baptiste ari we ugomba kuyibera umutoza w’inzibacyuho, nyuma yo kwegura kwa Guy Bukasa wari umutoza wayo mukuru.<\/p>\n
Ku wa Gatatu w’iki cyumweru ni bwo Umukongomani Guy Bukasa wari umutoza Mukuru wa Rayon Sports yeguye ku mirimo ye, nyuma y’umukino wa shampiyona ikipe ye yari imaze gutsindwamo na APR FC igitego 1-0.<\/p>\n
Rayon Sports ibinyujije kuri Twitter yayo yemeje ko Baptiste ari we ugomba gusimbura Bukasa, akazatoza Rayon Sports mu mikino ibiri ya shampiyona isigaje.<\/p>\n
Iti: “Kayiranga Jean Baptiste yagizwe umutoza mushya w’inzibacyuho, nyuma y’iyegura rya Guy Bukasa ku wa Gatatu. Imikino ibiri isigaye izatozwa n’umunyabigwi wacu Kayiranga.”<\/p>\n
Kayiranga Baptiste asanzwe ari Umuyobozi wa Tekinike muri Rayon Sports n\u2019umutoza w\u2019amakipe y\u2019abato batarengeje imyaka 15 na 17.<\/p>\n
Uyu mugabo wakiniye Rayon Sports igihe kirekire, yaherukaga kuyibera umutoza mu mwaka w\u2019imikino wa 2014\/15 ubwo yasimburaga Andy Mfutila wari umaze imikino 10 adatsinda.<\/p>\n
Yayitoje kandi kuva mu 2000 kugera mu 2005, ayisubiramo mu 2007 kugera mu 2010.<\/p>\n
Imikino agomba gutozamo iyi kipe irimo uwo izahuriramo na Rutsiro FC ku munsi w’ejo, ndetse n’uwo izahuriramo na Espoir FC ku wa Kabiri w’icyumweru gitaha uzaba ari uwa nyuma muri shampiyona.<\/p>\n
Kurikira ibiganiro n\u2019amavidewo binyura kuri Bwiza TV<\/strong><\/p>\n