{"id":37445,"date":"2021-06-22T15:00:00","date_gmt":"2021-06-22T15:00:00","guid":{"rendered":"https:\/\/new.bwiza.com\/2021\/06\/22\/narabibabwiye-ko-nta-bucamanza-muzampa-iyi-nteko-ndayihannye-idamange\/"},"modified":"2021-06-22T15:00:00","modified_gmt":"2021-06-22T15:00:00","slug":"narabibabwiye-ko-nta-bucamanza-muzampa-iyi-nteko-ndayihannye-idamange","status":"publish","type":"post","link":"https:\/\/bwiza.com\/?p=37445","title":{"rendered":"Narabibabwiye ko nta bucamanza muzampa, iyi nteko ndayihannye-Idamange"},"content":{"rendered":"

Iryamugwiza Yvonne Idamange mu rukiko rukuru i Nyanza mu yihannye inteko y’abacamanza bamuburanishaga nyuma y’aho yari itegetse ko urubanza rwe rwaburanishirizwa mu muhezo nk’uko ubushinjacyaha bwari bubisabye abacamanza.
\n<\/h2>\n

Ubushinjacyaha bwavuze ko ” bufite impungenge ko iri buranisha rikomeje mu ruhame ryabera Idamange urubuga rwo gukomeza ibikorwa bye byo “gupfobya jenoside, kwamamaza ibihuha no gukomeza propaganda ye yo kwangisha abaturage leta.”<\/p>\n

Idamange abonye ko ibyo ubushinjacyaha busabye, bubyemerewe, yahise yihana inteko y’abacamanza bamuburanisha.<\/p>\n

Yvonne Idamange yavuze ko atakwemera kuburanira mu muhezo kuko “bandeze mu ruhame”.<\/p>\n

Maitre Bruce Bikotwa wunganira Idamange yavuze ko icyifuzo cy’ubushinjacyaha kinyuranyije n’Itegekoshinga riteganya ko imanza ziburanishwa mu ruhame, uretse iyo urukiko rwemeje ko rujya mu muhezo rushingiye ku mategeko.<\/p>\n

We asanga nta mategeko yisunzwe mu gusaba ko uregwa yaburanira mu muhezo.<\/p>\n

Mu magambo ye, Idamange yahise yihana inteko yaburanishaga urubanza rwe. Ati ” Narabibabwiye ko nta bucamanza muzampa, iyi nteko ndayihannye.”<\/p>\n

Kwihana inteko cyangwa umucamanza mu rubanza ni ukwanga ko arugarukamo kubera impungenge umufiteho mu gutanga ubutabera. Ni bumwe mu burenganzira bw’ababuranyi.<\/p>\n

Umucamanza yasubije uregwa ko nta muntu wemerewe kwamagana icyemezo cy’urukiko ahubwo akijuririra.<\/p>\n

Gusa urukiko rwavuze ko ubwo yihannye inteko iburanisha uru rukiko ruzagena indi nteko izaburanisha uru rubanza, ishobora kurutangira bushya.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n