{"id":37845,"date":"2021-07-03T06:30:00","date_gmt":"2021-07-03T06:30:00","guid":{"rendered":"https:\/\/new.bwiza.com\/2021\/07\/03\/abasenateri-n-abadepite-ba-amerika-batse-ibisobanuro-min-blinken-kuri\/"},"modified":"2021-07-03T06:30:00","modified_gmt":"2021-07-03T06:30:00","slug":"abasenateri-n-abadepite-ba-amerika-batse-ibisobanuro-min-blinken-kuri","status":"publish","type":"post","link":"https:\/\/bwiza.com\/?p=37845","title":{"rendered":"Abasenateri n’abadepite ba Amerika batse ibisobanuro Min. Blinken kuri Rusesabagina"},"content":{"rendered":"

Itsinda ry\u2019abasenateri n\u2019abadepite ba Leta Zunze Ubumwe z\u2019Amerika bagera kuri 41 ryongeye kugaragaza impungenge batewe n\u2019ifungwa rya Paul Rusesabagina, risaba Minisitiri w’Ububanyi n’Amahanga, Antony Blinken gutanga ibisobanuro kuri iki kibazo.
\n<\/h2>\n

Mu ibaruwa bandikiye Antony Blinken, bamusaba gukoresha inzira za dipolomasi zose zishoboka Rusesabagina agasubizwa muri Amerika amahoro nk\u2019umuturage wemewe w\u2019icyo gihugu.<\/p>\n

VOA ivuga ko iyo baruwa bigaragara ko yanditswe mu mpera z\u2019ukwezi gushize kwa Kamena, igashyirwaho umukono na ba basenateri n\u2019abadepite bose hamwe 41. <\/p>\n

Iributsa ko mu Kuboza 2020, hari indi baruwa abadepite n\u2019abasenateri 36 bandikiye Perezida w\u2019u Rwanda Paul Kagame bamusaba gusubiza Paul Rusesabagina muri Amerika akongera guhura n\u2019umuryango we.<\/p>\n

Bagaragaza ko na n\u2019ubu bagitewe impungenge n\u2019uburyo bunyuranyije n\u2019amategeko leta y\u2019u Rwanda yakoresheje mu gufata no gufunga Rusesabagina, n\u2019amakuru aturuka mu muryango no muri Fondasiyo ye ko leta y\u2019u Rwanda yamwangiye kubona ubwunganizi mpuzamahanga, ikanakomeza guhonyora uburenganzira bwe ku biganiro agirana n\u2019abamwunganira b\u2019imbere mu gihugu.<\/p>\n

Bati: “Benshi muri twe twahuye n\u2019abo mu muryango we ndetse n\u2019abamushyigikiye batubwiye ko Rusesabagina yaba yarakorewe ibikorwa bibabaza umubiri mu gihe cy\u2019ibazwa rye.\u201d<\/p>\n

Aba basenateri n\u2019abadepite baributsa Antony Blinken ko yari yabijeje mu nyandiko ko ubutegetsi bwa Biden na Harris buzakora ibishoboka Bwana Rusesabagina akaburanishwa mu buryo buboneye kandi bunyuze mu mucyo. Bati:\u201dTukwandikiye tugusaba ibisobanuro birambuye ku byo ubutegetsi bwaba bumaze gukora ku iburanishwa riboneye rya Rusesabagina kugeza ubu, n\u2019igisubizo cy\u2019abategetsi b\u2019u Rwanda.\u201d<\/p>\n

Abo bakavuga ko mu kibazo cya Rusesabagina hari byinshi na n\u2019ubu bitarasobanuka. Bati: \u201cNiba intumwa idasanzwe y\u2019ibiro bya Perezida ku birebana n\u2019ibikorwa by\u2019ifatwa-bugwate ikiyoboye ibikorwa bya Minisiteri y\u2019ububanyi n\u2019amahanga mu gushaka uko Rusesabagina yarekurwa, dukeneye kumenya umusaruro ibikorwa by\u2019iyo ntumwa idasanzwe bimaze gutanga ku muhate wa Leta Zunze Ubumwe z\u2019Amerika kugeza ubu.\u201d<\/p>\n

\"antony-blinken-gty-jt-201123_1606166749745_hpmain_16x9_992.jpg\"
\nMinisitiri w’Ububanyi n’Amahanga Antony Blinken
\n<\/h2>\n

Izo ntumwa za rubanda muri Amerika zivuga ko \u201cbitewe n\u2019uko ubutabera bw\u2019u Rwanda bukomeje guhonyora uburenganzira bwa Rusesabagina bwirengagije ibyo bwasabwe n\u2019ubutegetsi bw\u2019Amerika ko agomba guhabwa ubutabera buboneye, zikeneye kumenya niba, mu gusubiza kuri ibyo hari icyo Leta y\u2019Amerika iteganya gukora cyane cyane mu mibanire y\u2019icyo gihugu n\u2019u Rwanda.\u201d<\/p>\n

Basaba Blinken gutanga ibisobanuro ku bikorwa Minisiteri y\u2019ububanyi n\u2019Amahanga y\u2019Amerika-ku bufatanye n\u2019izindi minisiteri- yaba irimo gukora mu gukumira iterabwoba, ibuzwa amahwemo, n\u2019ihohoterwa byakwibasira abandi banyarwanda baba muri Amerika.<\/p>\n

Abategetsi banyuranye b’ u Rwanda mu bihe bitandukanye bagiye basobanura ko gufata Rusesabagina byakurikije amategeko, ko azabona ubutabera buboneye, ko abayeho neza muri gereza aho ahabwa uburenganzira bwe bwose.<\/p>\n

Aba bavuze ko kandi icyo gihugu kitamurekura kuko kwaba ari ukuvangira akazi k’ubutabera. Rusesabagina akurikiranweho ibyaha by’iterabwoba, we ahakana. Yasabiwe gufungwa burundu mu gihe we yikuye mu rubanza ku bwo gukemanga ubutabera bw’ u Rwanda.<\/p>\n

Kurikira ibiganiro n\u2019amavidewo binyura kuri Bwiza TV<\/strong>->https:\/\/www.youtube.com\/channel\/UC_Wx4Sy2IawVLtp5-QMRhnQ]<\/p>\n