{"id":38055,"date":"2021-07-10T09:38:26","date_gmt":"2021-07-10T09:38:26","guid":{"rendered":"https:\/\/new.bwiza.com\/2021\/07\/10\/natsinze-amatora-n-amajwi-62-11-tshisekedi-ashyirwaho-na-kabila_martin-fayulu\/"},"modified":"2021-07-10T09:38:26","modified_gmt":"2021-07-10T09:38:26","slug":"natsinze-amatora-n-amajwi-62-11-tshisekedi-ashyirwaho-na-kabila_martin-fayulu","status":"publish","type":"post","link":"https:\/\/bwiza.com\/?p=38055","title":{"rendered":"Natsinze amatora n’amajwi 62.11%, Tshisekedi ashyirwaho na Kabila_Martin Fayulu"},"content":{"rendered":"

Umunyapolitiki Martin Fayulu utavuga rumwe n’ubutegetsi bwa Repububulika Iharanira Demokarasi ya Congo, yongeye gutangaza ko ari we watsinze amatora y’Umukuru yo muri 2018 gusa birangira intsinzi ye ihawe F\u00e9lix Tshisekedi.<\/strong> <\/em><\/p>\n

Martin Fayulu yabitangaje mu ijoro ryakeye ubwo yaganiraga na Radiyo Top Congo FM yo muri RDC.<\/p>\n

Ubwo Repubulika Iharanira Demokarasi ya yabagamo amatora y’Umukuru w’igihugu muri 2018 yo gushaka umusimbura wa Joseph Kabila, Martin Fayulu ni umwe mu bari bayahatanyemo, yemwe anahabwa amahirwe yo kwegukana intsinzi.<\/p>\n

Cyakora cyo ubwo Komisiyo y’amatora (CENI) yatangazaga ibyavuye muri ariya matora ku itariki ya 01 Mutarama 2019, yemeje ko F\u00e9lix Tshisekedi ari we watsinze amatora ku majwi 38.57% mu gihe Fayulu yabaye uwa kabiri n’amajwi 34.83%.<\/p>\n

Kuva icyo gihe Martin Fayulu ntarahwema kugaragaza ko ari we watsinze ariya matora, gusa intsinzi ye Kabila akayiha Tshisekedi.<\/p>\n

Aganira na Top Congo FM yongeye kubishimangira agira ati: “F\u00e9lix Tshisekedi ntabwo yatowe. Ni njye Perezida watowe wa RDC. Natsinze amatora y’Umukuru w’igihugu n’amajwi 62,11%. F\u00e9lix Tshisekedi ntabwo yigeze atorwa, yashyizweho na Kabila.”<\/p>\n

Martin Fayulu yavuze ko Perezida Tshisekedi nanone afatanyije n’abarimo Kabila bari gutegura uburyo bakwigiza inyuma amatora yo muri 2023, avuga ko bitazabakundira.<\/p>\n

Ati: “Barimo gushakisha umwanya wo kunyerera, ariko ibyo ntibizabaho. Ntidushobora kurenga ku ya 23 Ukwakira 2023, ku ya 24 Mutarama 2024, dukeneye perezida mushya wa Repubulika.”<\/p>\n

Fayulu yunzemo ko yibona nk’urufunguzo rw’impinduka ku bibazo bitandukanye byugarije Congo Kinshasa.<\/p>\n

Perezida Tshisekedi aherutse kubwira Jeune Afrique ko nta gihindutse aziyamamariza kuyobora RDC muri manda ya kabiri, ibishimangira ko azongera guhatana mu matora na Martin Fayulu batavuga rumwe.<\/p>\n