{"id":38177,"date":"2021-07-15T19:02:44","date_gmt":"2021-07-15T19:02:44","guid":{"rendered":"https:\/\/new.bwiza.com\/2021\/07\/15\/mu-bayobozi-bakuru-ba-adf-harimo-abava-mu-rwanda-uwafashwe\/"},"modified":"2021-07-15T19:02:44","modified_gmt":"2021-07-15T19:02:44","slug":"mu-bayobozi-bakuru-ba-adf-harimo-abava-mu-rwanda-uwafashwe","status":"publish","type":"post","link":"https:\/\/bwiza.com\/?p=38177","title":{"rendered":"Mu bayobozi bakuru ba ADF harimo abava mu Rwanda-Uwafashwe"},"content":{"rendered":"

Ibiro Ntaramakuru by’Abafaransa (AFP) bitangaza ko bamwe mu bayobozi bakuru b’inyeshyamba za ADF zisigaye zigendera ku mahame ya kiyisilamu, harimo n’abava mu Rwanda.
\n<\/h2>\n

Mu nkuru ya AFP, yavuganye n’abantu babiri; Arafat na Moshoud, amazina yabo yarahinduwe. Berekanwe n’igisirikare cya Congo (FARDC) kivuga ko cyabafatiye i Beni akaba ari naho bafungiwe na polisi.<\/p>\n

Aba babiri ni Abakongomani bavuga Lingala. Bafashwe mu Kuboza 2020 na Gashyantare 2021 bafungirwa mu nzu z’ibanga.<\/p>\n

FARDC inavuga ko bayihaye amakuru yiswe ay’ingenzi kuri ADF n’uburyo bwo kwinjiza abarwanyi kw’uyu mutwe urwanya Leta ya Uganda kuva mu myaka ishize.<\/p>\n

Uwahawe izina rya Arafat yavuze ko ” Mu buyobozi bukuru harimo abagabo bava muri Uganda, u Rwanda, Tanzania, Kenya, Somalia ba vuba aha haje abava muri Mozambique.”<\/p>\n

Arafat avuga ko yari umutetsi w’umuyobozi mukuru ADF, Seka Musa Baluku. Arafat w’imyaka 19, avuga ko Baluku ari “umugabo w’umunyagitugu kandi ufite ikinyabupfura, ukunda kurya ihene cyane inyama zo mu nda.”<\/p>\n

Avuga ko Abasomali bari mu bashinzwe kwigisha abana bato gukora ibisasu mu gihe Abanya-Uganda na Tanzania batanga imyotozo ya gisirikare, bakanigisha Koran.<\/p>\n

Arafat yinjiye muri ADF mu 20217, avuye iwabo Oicha hafi na Beni. Yagizwe umuyobozi wa kompanyi ya 85, akaba yari ashinzwe guha amafaranga abakorana na ADF mu kwinjiza abarwanyi.<\/p>\n

\"latest02-pix-data.jpg\"
\nSeka Musa Baluku
\n<\/h2>\n