{"id":38414,"date":"2021-07-23T19:10:00","date_gmt":"2021-07-23T19:10:00","guid":{"rendered":"https:\/\/new.bwiza.com\/2021\/07\/23\/karasira-aimable-yavuze-ko-hari-umukozi-wa-rib-wamuhaye-frw-arenga-miliyoni\/"},"modified":"2021-07-23T19:10:00","modified_gmt":"2021-07-23T19:10:00","slug":"karasira-aimable-yavuze-ko-hari-umukozi-wa-rib-wamuhaye-frw-arenga-miliyoni","status":"publish","type":"post","link":"https:\/\/bwiza.com\/?p=38414","title":{"rendered":"Karasira Aimable yavuze ko hari umukozi wa RIB wamuhaye Frw arenga miliyoni"},"content":{"rendered":"

Kuri uyu wa Gatanu Uzaramba Karasira Aimable wahoze ari umwarimu muri Kaminuza y’u Rwanda, yitabye Urukiko Rwisumbuye rwa Nyarugenge ahakana ibyaha ashinjwa birimo gupfobya Jenoside yakorewe Abatutsi.<\/strong> <\/em><\/p>\n

Karasira akurikiranyweho n’ubushinjacyaha ibyaha birimo guhakana Jenoside yakorewe Abatutsi, kuyiha ishingiro no kubiba amacakubiri, ibyaha byiyongeraho icyo gutunga amafaranga atagaragariza inkomoko.<\/p>\n

Ni ibyaha ubushinjacyaha buvuga ko byakozwe muri Gicurasi binyuze mu biganiro Karasira Aimable yanyujije ku rubuga rwe rwa YouTube “Ukuri mbona” ndetse no mu byo yahaye ibitangazamakuru bitandukanye.<\/p>\n

Ubushinjacyaha bumurega kuba yaremeje ko Jenoside itateguwe, ko yatewe n’ihanurwa ry’indege ya Habyarimana.<\/p>\n

Ubushinjacyaha bwabuze ko Karasasira ku bwe asanga ubutegetsi bwa Habyarimana bwarakoze jenoside byo kwirwanaho, kuko Inkotanyi zamuteraga ibisasu bya bombe.<\/p>\n

Ku cyaha cyo kugira umutungo utagaragarizwa inkomoko, ubushinjacyaha bwavuze ko Karasira yafatanwe amafaranga menshi mu rugo iwe ntiyagaragaza inkomoko yayo.<\/p>\n

Ni amafaranga abarirwa muri Frw miliyoni 40.<\/p>\n

Karasira ubwo yahabwaga ijambo n’umucamanza, yahakanye ibyaha byose aregwa.<\/p>\n

Yabwiye urukiko ko ibyo yavuze atari mu bihe bye byiza byo gutekereza kuko afite ibibazo byo mu mutwe kandi ko yari amaze igihe atabona imiti imworohereza.<\/p>\n

Yabajijwe niba nta kibazo abona mu magambo ye muri iki gihe, avuga ko hari ibyo yari kuvuga ukundi cyangwa akagabanya amagambo iyo aza kuba yari mu bihe bye byiza.<\/p>\n

Yabwiye umucamanza ko ibyo yavuze birimo n’ukuri n’ubwo ngo atari byiza kukuvuga buri gihe.<\/p>\n

Avuga ku mafaranga yafatanwe, Karasira yavuze ko hari ayo yahawe n’inshuti ze zamugiriye impuhwe kubera ibibazo yahuye na byo ubwo yirukanwaga na Kaminuza y’u Rwanda.<\/p>\n

Yavuze ko hari n’andi menshi yishyuwe na YouTube kubera inkuru zanyuraga kuri shene ye.<\/p>\n

Karasira kandi yavuze yavuze ko hari n’andi mafaranga asaga miliyoni yahawe n’umwe mu bakozi b’urwego rw’Igihugu rw’ubugenzacyaha (RIB) bamusaba kuvuga nabi abo u Rwanda rufata nk’abanzi barwo.<\/p>\n

Abamwunganira Evode Kayitana na Gatera Gashabana na bo bavuze ko Karasira arwaye kandi ko bidakwiye gufunga cyangwa kuburanisha umurwayi.<\/p>\n

Raporo ya muganga yasabwe n’ubushinjacyaha yerekanye ko Karasira afite ibibazo byo mu mutwe kandi ko amaze igihe abyivuza, n’ubwo ivuga ko ibibazo afite bitamwambuye ubushobozi bwo gutekereza.<\/p>\n

Abunganizi ba Karasira bavuga ku mutungo adashobora kugaragaza inkomoko, babwiye urukiko ko afite uburenganzira bwo kwakira impano kabone n’ubwo zaba zivuye ku bo Leta itishimiye.<\/p>\n

Basabye ko umukiriya wabo akurikiranwa n’abaganga ndetse byaba ngombwa agashyirwa mu bitaro.<\/p>\n

Bavuze kandi ko akwiye kurekurwa urubanza rutabaye kuko ibyo aregwa byakozwe n’umuntu udafite ubushobozi bwo gutekereza neza.<\/p>\n

Mu iburanisha kandi Karasira yagaragaje ko adafite icyizere cyo guhabwa ubutabera, ngo kuko mu Rwanda amabwiriza aremera kurusha amategeko.<\/p>\n

Yavuze ko hari ababishaka n’ejo akarara afunguwe, batabishaka akamara imyaka nk’iyo Nelson Mandela yamaze muri gereza.<\/p>\n

Biteganijwe ko umwanzuro w’urukiko uzatangazwa kuwa kabiri w’icyumweru gitaha.<\/p>\n