{"id":38457,"date":"2021-07-24T18:52:51","date_gmt":"2021-07-24T18:52:51","guid":{"rendered":"https:\/\/new.bwiza.com\/2021\/07\/24\/nyagatare-abantu-19-bafatiwe-mu-rwuri-bari-bamaze-umwaka-basengeramo\/"},"modified":"2021-07-24T18:52:51","modified_gmt":"2021-07-24T18:52:51","slug":"nyagatare-abantu-19-bafatiwe-mu-rwuri-bari-bamaze-umwaka-basengeramo","status":"publish","type":"post","link":"https:\/\/bwiza.com\/?p=38457","title":{"rendered":"Nyagatare: Abantu 19 bafatiwe mu rwuri bari bamaze umwaka basengeramo"},"content":{"rendered":"

Abantu 19 basengera mu itorero ry\u2019Abagorozi ryiyomoye ku itorero ry\u2019Abadivantisiti b\u2019Umunsi wa Karindwi, bafatiwe mu Karere ka Nyagatare mu Murenge wa Karangazi basenga, nyuma y’umwaka basengera aho hantu mu ibanga.<\/strong> <\/em><\/p>\n

Bafatiwe mu Kagari ka Mbare mu Murenge wa Karangazi mu rwuri rw\u2019umuturage, bakaba biganjemo abo mu karere ka Ngoma.<\/p>\n

Umunyamabanga Nshingwabikorwa w\u2019Umurenge wa Karangazi, Ndamage Andrew, yavuze ko bariya bantu bafashwe ku manywa yo kuri uyu wa Gatandatu nyuma yo kubasanga basenga barenze ku mabwiriza yo kwirinda COVID-19.<\/p>\n

Uyu muyobozi yavuze ko ibya bariya baturage bigitangira baje ari babiri bacumbikirwa na nyir’urwuri bafatiwemo, nyuma abandi bagenda baza aho ngo babwiye ubuyobozi ko Imana ariyo yahabayoboye ngo kuko ariho bakwiriye gusengera hizewe.<\/p>\n

Yavuze ko aba baturage nta n\u2019umwe ugira ubwisungane mu kwivuza, nta ndangamuntu bagira, ntibambara udupfukamunwa, abana babo ntibiga ndetse ntibanashaka no gupimwa COVID-19 ngo kuko batayemera.<\/p>\n

Gitifu wa Karangazi yunzemo ko bose bararaga hanze mu ihema abana babo ngo nibo barara mu nzu mu gihe bamaze umwaka urenga bibera muri uru rwuri.<\/p>\n

Bariya baturage bafashwe mu gihe abandi baturage bo mu Karere ka Nyagatare bari muri gahunda ya Guma mu Rugo, mu rwego rwo kwirinda ikwirakwira rya COVID-19.<\/p>\n

Ndamage yavuze ko bitandukanye n’abandi baturage, bariya bafashwe basenga bo badakozwa ibyo kwirinda iki cyorezo kuko batambara udupfukamunwa kandi ntibanemere ko gihari.<\/p>\n

Uyu muyobozi yavuze ko “Kubabwira Coronavirus bahita bakubwira ko ari ibyago byateye ngo kandi abantu barindwa n\u2019Imana.”<\/p>\n

Uyu muyobozi yavuze ko kuri ubu bagiye kubatwara kuri Polisi ya Nyagatare kugira ngo bakomeze kwigishwa ngo kuko imyumvire bafite iteye inkeke.<\/p>\n

Ati: “Tugiye kubanza tubigishe kuko bageze ku rwego rwo hejuru mu buyobe, tugiye kubanza tubigishe imyumvire bafite mu gusenga ihinduke kuko hari abataye abagore, abataye abagabo n\u2019abandi benshi bataye imiryango yabo ngo kuko aribwo butumwa bafite.”<\/p>\n

Bariya baturage b’i Nyagatare si bo bari bafashwe bwa mbere basenga ariko barenze ku mabwiriza yo kwirinda COVID-19, kuko nko muri uku kwezi ku musozi wa Kanyarira wo mu karere ka Ruhango na ho haheruka gufatirwa abarenga 100 barenze ku mabwiriza yo kwirinda COVID-19.<\/p>\n