Ikipe ya Tusker FC yo mu gihugu cya Kenya yikuye mu irushanwa rya CECAFA Kagame Cup riteganyijwe kubera muri Tanzania, mbere y’amasaha make ngo iri rushanwa ritangire.<\/p>\n
Tusker FC isanzwe ikinamo Umunyarwanda Mvuyekure Emery yavuze ko yikuye muri ririya rushanwa mu rwego rwo gushyira ingufu mu mikino ya shampiyona ya Kenya itararangira.<\/p>\n
Iyi kipe yikuye muri CECAFA ya 2021 nyuma ya APR FC ya hano mu Rwanda yanze kuyitabira kubera icyorezo cya COVID-19.<\/p>\n
Kwivana muri ririya rushanwa kwa Tusker byatumye habaho impinduka mu matsinda yaryo, asigara ari abiri aho kuba atatu nk’uko byari bimeze.<\/p>\n
Itsinda rya mbere ryahise rishyirwamo Young Africans yo muri Tanzania, Big Bullets (Malawi), Express (Uganda) na Atlabara yo muri Sudani y’Epfo.<\/p>\n
Iri tsinda rizakinira imikino yaryo kuri Stade yitiriwe Benjamin Mkapa i Dar es Salaam.<\/p>\n
Itsinda rya kabiri ririmo Azam FC yo muri Tanzania, KCCA yo muri Uganda inafite igikombe cy’irushanwa riheruka, Messager Ngozi y’i Burundi na KMKM yo muri Zanzibar.<\/p>\n
Umukino ufungura CECAFA uteganyijwe ku Cyumweru tariki ya 01 Kanama hagati y’ikipe ya Express FC yo muri Uganda na Atlabara yo muri Sudani y’Epfo.<\/p>\n
Uyu mukino uzakurikirwa n’uzahuza Young Africans na Big Bullets guhera saa kumi n’imwe z’i Kigali.<\/p>\n