{"id":38710,"date":"2021-08-02T06:00:00","date_gmt":"2021-08-02T06:00:00","guid":{"rendered":"https:\/\/new.bwiza.com\/2021\/08\/02\/gen-min-hlaing-yigize-min-w-intebe-ashinja-abamurwanya-gukwirakwiza-covid19\/"},"modified":"2021-08-02T06:00:00","modified_gmt":"2021-08-02T06:00:00","slug":"gen-min-hlaing-yigize-min-w-intebe-ashinja-abamurwanya-gukwirakwiza-covid19","status":"publish","type":"post","link":"https:\/\/bwiza.com\/?p=38710","title":{"rendered":"Gen Min Hlaing yigize Min. w’intebe, ashinja abamurwanya gukwirakwiza Covid19"},"content":{"rendered":"

Gen Min Aung Hlaing, wafashe ubutegetsi mu kwezi kwa kabiri ahiritse ubwari buriho muri Myanmar, yigize Minisitiri w’intebe anavuga ko abamurwanya bakwirakwiza Covid19 mu gihugu.
\n<\/h2>\n

Uyu mutegetsi kandi yongereye ubutegetsi bwo mu bihe bidasanzwe ubu bushobora kugeza mu kwezi kwa munani mu 2023.<\/p>\n

Mu ijambo ryamaze isaha imwe, Gen Min Aung Hlaing yasezeranyije gukoresha “amatora anyuze mu bwisanzure no mucyo ahuriwemo n’amashyaka menshi”, ariko yanise ishyaka yahiritse ku butegetsi “abaterabwoba”.<\/p>\n

Abantu babarirwa mu magana bapfiriye mu myigaragambyo ikomeje kuba mu gihugu yo kwamagana ihirikwa ry’ubutegetsi ryakozwe n’igisirikare.<\/p>\n

Abigaragambya benshi bakoraga mu rwego rw’ubuvuzi, ubu rwasenyutse mu gihe hari ubwiyongere bwinshi bw’ubwandu bwa Covid-19.<\/p>\n

Kuri televiziyo y’igihugu, Gen Hlaing, yashinje abamagana kuba yarahiritse ubutegetsi, avuga ko barimo gukwirakwiza Covid-19 ku bushake.<\/p>\n

Yavuze ku “makuru y’ibinyoma n’amakuru ayobya ku mbuga nkoranyambaga” ku ngamba za leta ye zijyanye na Covid-19, avuga ko ari “igikoresho cy’iterabwoba rishingiye ku dukoko twanduza”.<\/p>\n

Umunyamakuru wa BBC Jonathan Head uri i Bangkok mu murwa mukuru wa Thailand, avuga ko ibi bikubiye mu ijambo ridasanzwe, yanavuzemo ko hacyenewe guhinga ipamba kurushaho n’ibitunguru, anamagana abagerageza gusenya leta n’imigenzo ya Myanmar.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n