{"id":38765,"date":"2021-08-03T09:00:00","date_gmt":"2021-08-03T09:00:00","guid":{"rendered":"https:\/\/new.bwiza.com\/2021\/08\/03\/u-rwanda-rwatanze-impapuro-z-agaciro-ka-miliyoni-620\/"},"modified":"2021-08-03T09:00:00","modified_gmt":"2021-08-03T09:00:00","slug":"u-rwanda-rwatanze-impapuro-z-agaciro-ka-miliyoni-620","status":"publish","type":"post","link":"https:\/\/bwiza.com\/?p=38765","title":{"rendered":"U Rwanda rwatanze impapuro z’agaciro ka miliyoni $ 620"},"content":{"rendered":"

Leta y’u Rwanda yashyize ku isoko ry’Iburayi impampuro z’agaciro (Eurobonds) ziyihesha umwenda wa miliyoni $620, nk’uko byatangajwe na minisiteri y’imari.
\n<\/h2>\n

Ni ubwa kabiri leta igurishije izi mpapuro kuri iri soko ry’abashoramari Iburayi, nyuma y’izo mu 2013 zayihesheje umwenda wa miliyoni $400 ugomba kwishyurwa bitarenze 2023.<\/p>\n

Izi mpapuro, ni amasezerano aha icyizere abashoramari bakaguriza leta imari nini mu mafaranga y’amahanga ikazishyura ishyizeho inyungu mu gihe kirekire, imyaka 10 kuzamura.<\/p>\n

Abanyarwanda bamwe bagaragaza impungenge z’ahazaza batewe n’izamuka ry’urugero rw’imyenda leta ifata, yo yizeza ko ubukungu bw’igihugu buzamuka neza ku rwego rutuma kuyishyura bishoboka.<\/p>\n

Uyu mwenda wa miliyoni $620 nawo uzishyurwa mu myaka 10, igice cyawo kizafasha kwishyura igice gisigaye ku mwenda wa 2013, nk’uko biri mu itangazo rya minisiteri y’imari.<\/p>\n

Iyi minisiteri ivuga ko “asigaye azafasha mu mishinga yihutirwa yo kuzahura ubukungu bwagushijwe n’icyorezo cya Covid-19”.<\/p>\n

Eurobonds nshya u Rwanda rwatanze zakuruye abashoramari bakubye hafi gatatu umwenda leta yashakaga, bageza kuri miliyari $1.6<\/p>\n

Minisiteri y’imari ivuga ko ibi byerekana icyizere abashoramari bafite mu bukungu bw’u Rwanda bwazamutse ku kigereraranyo cya 7.8% mu myaka irenga 20 ishize.<\/p>\n

Ikigega mpuzamahanga cy’imari, FMI\/IMF, kivuga ko ubukungu bw’u Rwanda bwitezwe kuzamuka kuri 5.1% mu 2021, mu gihe bwasubiye inyuma kuri 3.4% mu 2020 kubera Covid-19.<\/p>\n

Raporo ya FMI yo mu kwezi kwa gatanu ivuga ko imyenda y’u Rwanda izazamuka ikagera hejuru ya 80% by’umusaruro rusange w’igihugu (GDP) mu 2022, ivuye kuri 71.3% mu 2020.<\/p>\n

Nubwo ubwoba ko u Rwanda rwananirwa kwishyura imyenda byitezwe ko bukomeza kuba ku rugero rudakabije, IMF ivuga ko bwiyongereye kuko “ibyo koroshya ingaruka z’umwenda w’amahanga byagabanutse.”<\/p>\n