{"id":38781,"date":"2021-08-03T14:15:00","date_gmt":"2021-08-03T14:15:00","guid":{"rendered":"https:\/\/new.bwiza.com\/2021\/08\/03\/perezida-kagame-yasezeye-samia-suluhu-wasoje-uruzinduko-rwe-mu-rwanda\/"},"modified":"2021-08-03T14:15:00","modified_gmt":"2021-08-03T14:15:00","slug":"perezida-kagame-yasezeye-samia-suluhu-wasoje-uruzinduko-rwe-mu-rwanda","status":"publish","type":"post","link":"https:\/\/bwiza.com\/?p=38781","title":{"rendered":"Perezida Kagame yasezeye Samia Suluhu wasoje uruzinduko rwe mu Rwanda"},"content":{"rendered":"

Perezida wa Repububulika, Paul Kagame, ku gicamunsi cyo kuri wa Kabiri yasezeye kuri Samia Suluhu Hassan wa Repububulika yunze Ubumwe ya Tanzania wasoje uruzinduko rw’iminsi ibiri yagiriraga mu Rwanda.<\/strong> <\/em><\/p>\n

Mu gitondo cyo ku wa Mbere Tariki ya 02 Kanama ni bwo Perezida Samia yageze mu Rwanda yasuraga ku nshuro ya mbere, yakirwa ku kibuga cy’indege na Minisitiri w’Ububanyi n’Amahanga, Dr Vincent Biruta.<\/p>\n

Perezida Samia yahise akomereza urugendo kuri Village Urugwiro ku Kacyiru, yakirwa na Perezida wa Repububulika, Paul Kagame.<\/p>\n

Abakuru b’ibihugu byombi bagiranye ibiganiro byihariye, byibanze ku bufatanye bukwiye gukomeza kuranga impande zombi mu bijyanye n\u2019ubucuruzi ndetse n\u2019ibindi bitandukanye.<\/p>\n

Nyuma y\u2019ibiganiro, abakuru b\u2019ibihugu byombi bakurikijeho umuhango w\u2019isinywa ry\u2019amasezerano atanu agamije kunoza imibanire.<\/p>\n

Amasezerano yasinywe arimo ay\u2019ubufatanye mu ikoranabuhanga n\u2019itumanaho, ay\u2019ubufatanye mu bijyanye n\u2019urujya n\u2019uruza rw\u2019abantu n\u2019ibintu, uburezi n\u2019amabwiriza agenga ibijyanye n\u2019imiti.<\/p>\n

Perezida Samia kandi yanasuye Urwibutso rwa Jenoside rwa Kigali ku Gisozi, yunamira Abatutsi basaga ibihumbi 250 barushyinguwemo.<\/p>\n

Umunsi wa mbere w’uruzinduko rwe wasojwe n’umuhango wo kumwakira ku meza wabereye muri Kigali Convention Center.<\/p>\n

Kuri uyu wa Kabiri mbere y’uko Perezida wa Tanzania asoza uruzinduko rwe, ari kumwe na Perezida Kagame basuye icyanya cyahariwe inganda cy’i Masoro mu karere ka Gasabo, bareba ibikorwa bitandukanye.<\/p>\n

Inganda basuye zirimo urwa Mara Phones Rwanda rukora terefoni zigezweho ndetse n’urwa Volkswagen ruteranya imodoka z’amoko atandukanye.<\/p>\n

Perezida Samia ari kumwe na Perezida Kagame kandi bari basuye uruganda rwa Inyange Industries Limited rwubatse mu murenge wa Masaka mu karere ka Kicukiro.<\/p>\n

Perezida Kagame waherekeje Samia ku kibuga cy’indege, ku munsi w’ejo yavuze ko u Rwanda na Tanzania ari ibihugu by\u2019inshuti bisangiye ibirenze umupaka.<\/p>\n

Ati: \u201cU Rwanda na Tanzania bisangiye ibirenze umupaka, igihango gikomeye dufitanye mu bijyanye n\u2019amateka n\u2019ubushake duhuriyeho bwo gutanga ibyiza ku baturage bacu bwagiye buba izingiro ry\u2019ubufatanye bwacu.”<\/p>\n

Yakomeje avuga ko aya masezerano yasinywe agaragaza ubushake bw\u2019ibihugu byombi mu kurushaho guteza imbere umubano ubyara inyungu.<\/p>\n

Yunzemo ko “U Rwanda rwiteguye gukorana bya hafi n\u2019abavandimwe bacu bo muri Tanzania mu bijyanye n\u2019Umuryango wa Afurika y\u2019Iburasizuba no mu bindi.”<\/p>\n

Perezida Samia Suluhu yashimiye Perezida Kagame ku bw\u2019ubutumire, avuga ko amufata nk\u2019umuvandimwe kandi byamweretse ko u Rwanda ruba hafi ya Tanzania.<\/p>\n

Ati: “Nashakaga gushimira musaza wanjye Perezida Paul Kagame kuba yarantumiye ngo nze mu Rwanda, iri ni ishema rikomeye cyane kuri twe biratwereka ko u Rwanda ruri hafi ya Tanzania, Tanzania nayo ikaba iri hafi y\u2019u Rwanda.\u201d<\/p>\n

Yashimye uburyo Abanyarwanda babaye hafi y\u2019Abanya-Tanzania ubwo bapfushaga Perezida, Dr John Pombe Magufuli muri Werurwe uyu mwaka.<\/p>\n