Ikipe ya APR FC igomba guhagararira u Rwanda mu irushanwa nyafurika rya CAF Champions league, yatomboye na Mogadishu City Club yo muri Somalia mu ijonjora ry’ibanze rya ririya rushanwa.<\/p>\n
APR FC yabonye itike yo guhagararira u Rwanda muri iriya mikino nyuma yo kwegukana Igikombe cya shampiyona ya 2020\/21 idatsinzwe umukino n’umwe.<\/p>\n
Mu gihe iyi kipe y’Ingabo z’Igihugu yaba isezereye iriya kipe yo mu murwa mukuru wa Somalia, yazahura na Etoile Sportive du Sahel yo muri Tunisia, mu ijonjora rya kabiri.<\/p>\n
AS Kigali yo yatomboye ikipe yo mu birwa bya Comores<\/strong><\/p>\n Uretse APR FC izahagararira u Rwanda mu mikino ya CAF Champions league, ikipe ya AS Kigali yo izaruhagararira mu mikino ya CAF Confederation Cup nyuma yo kuba iya kabiri muri shampiyona y’umwaka ushize.<\/p>\n AS Kigali mu ijonjora ry’ibanze izahura na Olympique de Missiri yo mu Birwa bya Comores.<\/p>\n Mu gihe iyi kipe y’abanyamujyi yaba irenze ijonjora ry’ibanze, yazahura mu rya kabiri na Darling Club Motema Pembe yo muri Repubulika Iharanira Demokarasi ya Congo.<\/p>\n Imikino ibanza mu ijonjora ry’ibanze rya CAF Champions league iteganyijwe hagati y’itariki ya 10 na 12 Nzeri, mu gihe iyo kwishyura iteganyijwe hagati y’itariki ya 17 n’iya 19 Nzeri.<\/p>\n Imikino ibanza y’ijonjora rya kabiri ry’iri rushanwa yo iteganyijwe hagati y’itariki ya 15 n’iya 17 Ukwakira, mu gihe iyo kwishyura iteganyijwe hagati y’itariki ya 22 n’iya 24 Ukwakira.<\/p>\n Muri CAF Confederation Cup ho bazakina imikino ibanza y’ijonjora ry’ibanze hagati y’itariki ya 10 n’iya 12 Nzeri, iyo kwishyura bayikine hagati y’itariki ya 17 n’iya 19 Nzeri.<\/p>\n Imikino ibanza y’ijonjora rya kabiri iteganyijwe hagati y’itariki ya 15 n’iya 17 Ukwakira, iyo kwishyura ibe nyuma y’icyumweru kimwe.<\/p>\n