{"id":39237,"date":"2021-08-18T07:14:20","date_gmt":"2021-08-18T07:14:20","guid":{"rendered":"https:\/\/new.bwiza.com\/2021\/08\/18\/abiyita-abuzukuru-ba-shitani-bazengereje-ab-i-rubavu\/"},"modified":"2021-08-18T07:14:20","modified_gmt":"2021-08-18T07:14:20","slug":"abiyita-abuzukuru-ba-shitani-bazengereje-ab-i-rubavu","status":"publish","type":"post","link":"https:\/\/bwiza.com\/?p=39237","title":{"rendered":"Abiyita abuzukuru ba Shitani bazengereje ab’ i Rubavu"},"content":{"rendered":"

Abana bagizwe n’abataye ishuri n’abo mu muhanda biyita abuzukuru ba Shitani babangamiye abaturage bo mu Mujyi wa Rubavu bavuga ko babambura ndetse bakaba bitwaza intwaro gakondo bakoresha mu gukomeretsa bamwe.<\/h2>\n

Umwe mu bahatuye, yabwiye TV1 dukesha iyi nkuru ko ” Abo bana babangamiye abatuye uyu mujyi kuko bariba, barambura n’andi mabi yose kuko na we urabizi ko Shitani ari mbi, bakora ubugome cyane.”<\/p>\n

Uyu mugabo avuga ko aba bana baba bafite inzembe, inkoni n’ibindi kandi ngo batera abantu ubwoba. Ati ” Hari ahantu nk’abagore batanyura muri iki gihe, bahita babambura. Ubuyobozi na polisi barabizi ariko ngo bamwe ni bato cyane ntibabafunga. Umuntu akebye umuntu aramukomerekeje, ngo ntabwo yakurikiranwa.”<\/p>\n

Mugenzi we avuga ko byakajije umurego muri ibi bihe Rubavu yahuye n’ibyorezo birimo Coronavirus n’imitingito wayibasiye bitewe n’iruka rya Nyiragongo. Ati ” Ubu noneho n’uburyo bw’imibereho iragoranye kubera ibyorezo byateye ino aha. Bariya bana babangamiye abaturage kuko uranika imyenda bakyitwara.”<\/p>\n

Undi muturage we ashinja ubuyobozi kubatererana kuri iki kibazo. Aba baturage bose bahuriza ku gusaba ko aba bana bakurikiranwa, bagasubizwa mu buzima busanzwe.<\/p>\n

Visi-Meya (FED) wa Rubavu, Deogratias Nzabonimpa, avuga ko iby’iki kibazo bagiye gufatanya n’inzego zose bakagikurikirana.<\/p>\n