{"id":39291,"date":"2021-08-19T10:45:27","date_gmt":"2021-08-19T10:45:27","guid":{"rendered":"https:\/\/new.bwiza.com\/2021\/08\/19\/rdf-na-fadm-bagabye-igitero-gikomeye-ku-byihebe-byahungiye-mu-mashyamba-ya-mbau\/"},"modified":"2021-08-19T10:45:27","modified_gmt":"2021-08-19T10:45:27","slug":"rdf-na-fadm-bagabye-igitero-gikomeye-ku-byihebe-byahungiye-mu-mashyamba-ya-mbau","status":"publish","type":"post","link":"https:\/\/bwiza.com\/?p=39291","title":{"rendered":"RDF na FADM bagabye igitero gikomeye ku byihebe byahungiye mu mashyamba ya Mbau"},"content":{"rendered":"

Ingabo z\u2019u Rwanda zifatanyije n\u2019iza Mozambique, zagabye igitero gikomeye ku barwanyi bo mu mutwe w\u2019iterabwoba wa Islamic State bo mu Ntara ya Cabo Delgado, bahungiye mu mashyamba y\u2019ahitwa Mbau nyuma yo kwamburwa ibirindiro byabo bikuru mu gace ka Moc\u00edmboa da Praia.<\/strong> <\/em><\/p>\n

Amakuru avuga ko nyuma yo kwigarurira aka gace kari hafi y’inyanja y’Abahinde, RDF na FADM batangiye kugaba ibitero mu bice izo nyeshyamba zahungiyemo.<\/p>\n

Mu cyumweru gishize Umugaba Mukuru w’Ingabo za Mozambique, Maj-Gen Cristov\u00e3o Chume, yari yatangaje ko nyuma yo kwigarurira Mocimboa da Praia, Ingabo z\u2019u Rwanda n\u2019iza Mozambique zari zigiye gukurikirana ibyihebe mu duce twa Mbau na Siri I tugizwe n\u2019amashyamba y\u2019inzitane.<\/p>\n

Ni uduce twombi dufatwa nk\u2019igicaro gikuru cya ziriya nyeshyamba zivuga ko zigendera ku mahame y\u2019idini ya Islam.<\/p>\n

Gen Cristov\u00e3o yavuze ko kuri ubu RDF n\u2019ingabo z\u2019igihugu cye bari kwifashisha kajugujugu z\u2019intambara mu guhiga ziriya nyeshyamba, ndetse bakaba baniteguye kugota ibice byose ziherereyemo kugira ngo zitabona aho zisohokera ngo zihunge.<\/p>\n

Amakuru avuga ko Ingabo za RDF n’iza FADM zijya gutera Mbau ku wa Kabiri w’iki cyumweru, zaturutse mu bice bya Moc\u00edmboa da Praia, izindi zituruka Mueda ahari ibirindiro by\u2019ingabo z\u2019u Rwanda.<\/p>\n

Izi ngabo ngo kuba zaraturutse mu byerekezo bibiri bitandukanye byazifashishije gutangatanga bariya barwanyi.<\/p>\n

Bivugwa ko mbere y\u2019igitero cyo gikomeye cyabaye ejo ku wa Gatatu, habanje ibitero bya kajugujugu muri iryo shyamba bigamije gutatanya izo nyeshyamba mbere yo kuziminjaho urufaya rw’amasasu, mu rwego rwo kuzitsinsura byoroshye.<\/p>\n

Magingo aya ntiharamenyekana umubare w’ibyihebe byo mu mutwe wa Islamic State byaba byaguye muri kiriya gitero karundura.<\/p>\n