Umuyobozi w’akarere ka Bugesera, Mutabazi Richard, yatangaje ko mu minsi ishize ubwo yasagararirwaga n’umuturage akamukubita inkoni yirwanyeho, gusa avuga ko kuba yakubitwa n’umuturage ari ibintu bisanzwe.<\/p>\n
Mu mpera z’icyumweru gishize ni bwo hamenyekanye amakuru y’uko hari abantu babiri bafunzwe n’Urwego rw’Igihugu rw’Ubugenzacyaha (RIB), bazira gukubita umuyobozi w’akarere ka Bugesera.<\/p>\n
Aba barimo umusore w\u2019imyaka 23 y\u2019amavuko n\u2019umukuru w\u2019umudugudu w\u2019Ikoni uri mu yigize akarere ka Bugesera.<\/p>\n
Umusore watawe muri yombi akurikiranweho ibyaha birimo gukubita cyangwa kugirira urugomo abayobozi mu nzego za Leta, gukubita no gukomeretsa ku bushake no kwigomeka ku buyobozi, mu gihe mudugudu akurikiranweho ubufatanyacyaha.<\/p>\n
Meya Mutabazi Richard aganira na TV\/Radio1, yemeje koko ko uriya muturage yatinyutse kumukubitira mu ruhame.<\/p>\n
Ati: “Sinzi uko umuntu yabivuga ariko yarabitinyutse kandi mu ruhame, hanyuma navuga nti Imana ikinga akaboko cyangwa se nanjye sinamwemerera ko ankomeretsa nyine nk’uko yari yabigambiriye.”<\/p>\n
Abajijwe icyo yahise atekereza ubwo yamaraga gukubitwa, Meya Mutabazi yavuze ko nta kindi yatekereje kitari ukwirwanaho.<\/p>\n
Ati: “Kuba ndi umuyobozi ntabwo bivuze ko ntafite ubushobozi nk’umuntu bwo kwirwanaho; ku buryo wenda wankubita ugakubita mu jisho cyangwa ahandi hica. Rero nta byinshi natekereje, icya mbere natekereje ni ukwirwanaho kandi narabikoze, we ibyo yakoze ntacyo byantwaye, ntabwo byampagaritse mu kazi.”<\/p>\n
Abajijwe uko yaba yarirwanyeho, Meya wa Bugesera yavuze ko ari ibanga.<\/p>\n
Meya Mutabazi wavuze ko uburyo yirwanyeho ari ibanga, yahakanye ko yaba yaragiye mu mitsi n’uriya muturage bijyanye n’uko asanzwe azwiho kuba umusportif.<\/p>\n