Perezida Yoweri Kaguta Museveni wa Uganda yavuze ko yizeye kuzageza ku myaka 100, nyuma y’uko abakobwa be avuga ko bari bagiye gutuma atayigezaho bisubiyeho bakareka kotsa imisatsi yabo.<\/p>\n
Museveni yabigarutseho ejo ku wa Gatatu ubwo yizihizaga imyaka 77 y’amavuko.<\/p>\n
Ibi bivuze ko uyu mukuru w’Igihugu cya Uganda abura imyaka 23 akuzuza imyaka 100, ya yindi urubyiruko rw’ubu rwamaze kwishyiramo ko kuyigezaho ari ibidashoboka.<\/p>\n
Bitandukanye n’ibyo abenshi mu rubyiruko rwinshi bibwira, Museveni we yavuze ko hari icyizere cy’uko azageza kuri iriya myaka nyuma y’uko abakobwa be bari bagiye gutuma yicwa n’agahinda bisubiyeho.<\/p>\n
Ashimira abamugeneye ubutumwa bumwifuriza isabukuru nziza yagize ati: “Mwakoze nshuti ku kunyifuriza ibyiza, ku butumwa bwiza ku isabukuru yanjye y’amavuko.”<\/p>\n