Umunyarwanda Isaak Kamali ukurikiranyweho ibyaha bya Jenoside yakorewe Abatutsi, yongeye gutumizwa n\u2019umugenzacyaha mu rukiko rw\u2019i Paris mu Bufaransa atangira gukorwaho iperereza ku byaha ashinjwa.<\/p>\n
Kamali wakoze muri Minisiteri y’Ubwikorezi, asanzwe ari muramu wa Col Theoneste Bagosora ushyirwa mu bimbere bacuze umugambi wa Jenoside yakorewe Abatutsi. Bagosora yakatiwe imyaka 35 y’igifungo nyuma yo guhamwa na biriya byaha.<\/p>\n
Amakuru avuga ko ibyaha Kamali w’imyaka 72 y’amavuko ibyaha ashinjwa yabikoreye mu yahoze ari Perefegitura ya Gitarama, ari na ho avuka.<\/p>\n
Amakuru y’uko yaba yatangiye gukorwaho iperereza ku byaha bya Jenoside n’ibyibasiye inyoko muntu, yemejwe n’Ubushinjacyaha bw\u2019u Bufaransa bushinzwe kurwanya ibyaha by\u2019iterabwoba (PNAT).<\/p>\n
Kamali Isaac yatangiye gukurikiranirwa guhera mu mwaka wa 2009 ubwo habonekaga amakuru y’uko yagize uruhare muri Jenoside yakorewe Abatutsi, gusa dosiye ye iza gusubikwa.<\/p>\n
Ubushinjacyaha buvuga ko Kamali yahakanye ibyaha ashinjwa ku nshuro ya mbere y\u2019ibazwa imbere y\u2019Umushinjacyaha.<\/p>\n
Perezida w\u2019Ishyirahamwe ry\u2019imiryango iharanira ko abakoze Jenoside mu Rwanda baburanishwa (Collectif des Parties Civiles Rwandaises-CPCR), Alain Gauthier, yagaragaje ko bishimiye ayo makuru y’isubukura rya Dosiye ya Kamali aje nyuma y\u2019imyaka imyinshi yarasinziriye.<\/p>\n
Yakomeje yibaza ati: \u201cEse iyi gahunda yaturutse ku isezerano rya Perezida Emmanuel Macron ryo gukurikirana abajenosideri bahungiye mu Bufaransa, ko ubutabera bugiye kwihutishwa? Uko byamera kose twe twishimiye ayo makuru nubwo tukiri kure yo kuba twagera mu rukiko rw\u2019ubujurire.\u201d<\/p>\n
Kubera uruhare rukomeye yagize mu bwicanyi bwakorewe Abatutsi b\u2019i Gitarama, Kamali Isaac yabanje gukatirwa igihano cy\u2019urupfu mu mwaka wa 2003 igihe cyari kitarakurwa mu mategeko y\u2019u Rwanda, ariko nyuma yo kugikura mu mategeko akatirwa burundu.<\/p>\n
Mu mwaka wa 2008, yafatiwe ku Kibuga cy\u2019Indege cy\u2019i Pari cyitiriwe Roissy-Charles-de-Gaulle, nyuma yo koherezwa na Leta Zunze Ubumwe z\u2019Amerika (USA) na zo zamutaye muri yombi igihe yari yitabiriye umuhango wo gushyingura umugore wa sewabo.<\/p>\n
Kuva yafatwa icyo gihe kugeza ubu u Rwanda ntirwigeze ruhwema gusaba ko yakoherezwa akaburanishirizwa aho ibyaha ashinjwa byakorewe, cyane ko ari mu bo u Rwanda rukurikirana kugira ngo bagezwe imbere y\u2019ubutabera kubera uruhare rukomeye muri Jenoside.<\/p>\n
Kurikira ibiganiro n\u2019amavidewo binyura kuri Bwiza TV->https:\/\/www.youtube.com\/channel\/UC_Wx4Sy2IawVLtp5-QMRhnQ]<\/p>\n