Umuryango w’Ibihugu bya Afurika y’Iburengerazuba (CEDEAO) wafatiye ibihano abasirikare barangajwe imbere na Lt Col Mamady Doumbouya baheruka guhirika ubutegetsi bwa Alpha Cond\u00e9 wahoze ari Perezida wa Guin\u00e9e-Conakry.<\/p>\n
Ni nyuma y’inama idasanzwe y’abakuru b’ibihugu byo muri uriya muryango yateraniye i Accra muri Ghana, ku mugoroba w’ejo ku wa Kane.<\/p>\n
Imyanzuro itandatu ni yo yafatiwe muri iriya nama, irimo uwa mbere w’uko Guin\u00e9e ihagaritswe mu nzego zose z’uriya muryango kugeza igihe itegekonshinga ryayo rizongera kubahirizwa.<\/p>\n
Undi mwanzuro nk’uko AFP yabitangaje ni uko abagize CNRD (Comit\u00e9 national du rassemblement et du d\u00e9veloppement) kuri ubu iyoboye Guin\u00e9e mu buryo bw’inzibacyuho n’abagize imiryango yabo batemerewe gukorera ingendo mu bihugu bigize uriya muryango, ndetse imitungo yabo y’amafaranga ikaba igomba gufatirwa.<\/p>\n
Biteganyijwe ko Perezida wa Ghana, Nana Akuffo-Addo unasanzwe ayoboye CEDEAO agomba kugirira uruzinduko i Conakry mu masaha 48 ari imbere, mu rwego rwo gusaba irekurwa ry’ako kanya rya Alpha Cond\u00e9 ufungiye ahantu hatazwi nyuma yo guhirikwa ku butegetsi.<\/p>\n
Mu biba bijyanye Perezida wa Ghana i Conakry kandi harimo kandi bgushyikiriza imyanzuro y’inama ya CEDEAO abayobozi bashya ba Guin\u00e9e.<\/p>\n
Iyi nama kandi yanakomoje ku nzibacyuho muri Guin\u00e9e, ivuga ko itagomba kurenza amezi atandatu. Ni inzibacyuho igomba kuyoborwa na Col Mamady Doumbouya, akungirizwa na Minisitiri w’Intebe w’umusivile.<\/p>\n
Ku bwa Jean-Claude Kassi Brou, Perezida wa Komisiyo ya CEDEAO, Guin\u00e9e igomba gusubira ku itegeko nshinga vuba bishoboka.<\/p>\n
Yagize ati: “Basobanuye neza ko inzibacyuho yatangiye igomba kuba ngufi. Ndetse bageze kure cyane, bavuga ko iyi nzibacyuho itagomba kurenza amezi atandatu.”<\/p>\n
Kurikira ibiganiro n\u2019amavidewo binyura kuri Bwiza TV->https:\/\/www.youtube.com\/channel\/UC_Wx4Sy2IawVLtp5-QMRhnQ]<\/p>\n