{"id":40153,"date":"2021-09-18T10:24:10","date_gmt":"2021-09-18T10:24:10","guid":{"rendered":"https:\/\/new.bwiza.com\/2021\/09\/18\/mico-the-best-yamaganye-amakuru-y-uko-yakubise-umugore-we-akamukura-amenyo\/"},"modified":"2021-09-18T10:24:10","modified_gmt":"2021-09-18T10:24:10","slug":"mico-the-best-yamaganye-amakuru-y-uko-yakubise-umugore-we-akamukura-amenyo","status":"publish","type":"post","link":"https:\/\/bwiza.com\/?p=40153","title":{"rendered":"Mico The Best yamaganye amakuru y’uko yakubise umugore we akamukura amenyo"},"content":{"rendered":"

Umuhanzi Turatsinze Nkiko Prosper uzwi mu muziki nyarwanda nka Mico The Best, yamaganye amakuru yari amaze iminsi avuga ko yakubise umugore we akamukura amenyo.<\/p>\n

Umuhanzi Mico yabigarutseho ejo ku wa Gatanu, ubwo label ya KIKAC Music asanzwe abarizwamo yerekanaga umuhanzikazi Bwiza uheruka kuyinjiramo.<\/p>\n

Ku mbuga nkoranyambaga hari hamaze iminsi hasakaye amakuru avuga ko Mico The Best aheruka gukubita umukunzi we uzwi ku mbuga nkoranyambaga nka Clarisse Khloe Dubnx akamukura amenyo.<\/p>\n

Byavugwaga kandi ko uyu muhanzi yaba afunze azira guhohotera umugore we.<\/p>\n

Uyu muhanzi yavuze ko atishimiye ibyamuvuzweho, avuga ko ababizamuye ari abamushakiraho amaramuko.<\/p>\n

Ati: “Naje gusanga hari abo ntunze njye ntazi, abo rero naje gufata icyemezo cyo kubareka bakiberaho.”<\/p>\n

Mico yakomeje agira ati: “Ibaze nawe uri kwitegura ubukwe mu cyumweru kimwe, warafashe irembo ugasezerana mu Murenge kwa Sobukwe bakumva ngo wakubise umukobwa wabo umukura amenyo? Urumva wabyakira gute?”<\/p>\n

Ku wa 19 Kanama ni bwo Mico The Best yasezeranye imbere y’amategeko na Clarisse Khloe Dubnx, nyuma y’uko muri Nyakanga yari yamwambitse impeta y’urukundo.<\/p>\n

Biteganyijwe ko aba bombi bazahamya isezerano ryabo imbere y’Imana mu cyumweru gitaha.<\/p>\n

Kurikira ibiganiro n\u2019amavidewo binyura kuri Bwiza TV->https:\/\/www.youtube.com\/channel\/UC_Wx4Sy2IawVLtp5-QMRhnQ]<\/p>\n