Ingabo z\u2019u Rwanda (RDF) zifatanyije n\u2019iza Mozambique (FADM), zabohoje abakobwa n\u2019abagore bari bamaze imyaka ibiri barafashwe bugwate n\u2019umutwe w\u2019iterabwoba wari warigaruriye Cabo Delgado.<\/p>\n
VOA Portugu\u00eas yavuze ko aba bagore n\u2019abakobwa babohowe mu cyumweru gishize, nyuma y\u2019imirwano yabereye mu duce dutandukanye tugize Cabo Delgado.<\/p>\n
Itsinda rya mbere rigizwe n\u2019abakobwa icyenda barimo abashimutiwe Muidumbe ho muri Chitunda ku wa 7 Mata 2019 ryabohojwe ku wa Mbere tariki 12 Nzeri 2021 nyuma yo kwamburwa abarwanyi bakoreraga mu majyepfo ya Moc\u00edmboa da Praia.<\/p>\n
Irindi tsinda ry\u2019abagore n\u2019abakobwa barimo n\u2019abatewe inda naryo ryabohowe ku wa 15 Nzeri 2021, ndetse riza kugera mu mujyi wa Macomia nyuma y\u2019iminsi rigenda mu mashyamba.<\/p>\n
Umwe mu bakozi b\u2019imiryango yita ku burenganzira bwa muntu muri Mozambique, Sulemane Rachid, yabwiye VOA ko abenshi muri aba bakobwa bakorewe ihohoterwa rishingiye ku gitsina.<\/p>\n
Ati: “Nahuye n\u2019umwe muri aba bakobwa ufite imyaka icyenda. Yambwiye ko yari afite umugabo mukuru mu ishyamba. Abenshi muri aba bakobwa bakorewe ihohoterwa rishingiye ku gitsina n\u2019izi nyeshyamba.\u201d<\/p>\n
Mu ntangiriro za 2021 nibwo uyu mutwe w\u2019iterabwoba wiyitirira Al-Shabab wakajije ibikorwa byo gushimuta abana, aho abahungu binjizwaga mu bikorwa byo kurwana, abakobwa bakagirwa abagore ari nako bakorerwa ibi bikorwa bitandukanye by\u2019ihohotera rishingiye ku gitsina.<\/p>\n
Croix Rouge yavugaga ko hagati ya Nzeri 2020 na Mata 2021 hari hamaze gushimutwa abantu barenga 2 600.<\/p>\n
Bamwe muri aba bakobwa bagiye barekurwa kubera igitutu inyeshyamba zashyirwangaho n\u2019Ingabo z\u2019u Rwanda n\u2019iza Mozambique bakabona batari bubashe kubahungana.<\/p>\n
Kugeza ubu ibice byinshi bya Cabo Delgado byamaze kubohorwa, gusa Ingabo z\u2019u Rwanda n\u2019iza Mozambique ziracyakomeje ibikorwa byo guhiga no kwirukana abarwanyi b\u2019uyu mutwe w\u2019iterabwoba mu bice bahungiyemo byiganjemo amashyamba.<\/p>\n
Abaturage bari barahungiye mu bice bitandukanye byiganjemo inkambi ya Quitunda basubijwe mu byabo ndetse bahabwa n\u2019ubufasha bw\u2019ibanze ngo babashe kongera gutangira ubuzima.<\/p>\n
Kurikira ibiganiro n\u2019amavidewo binyura kuri Bwiza TV->https:\/\/www.youtube.com\/channel\/UC_Wx4Sy2IawVLtp5-QMRhnQ]<\/p>\n