Urwego rw’Igihugu rw’Ubugenzacyaha (RIB) rwamaze gushyikiriza ubushinjacyaha bw’u Rwanda dosiye iregwamo umunyamakuru Bagirishya Jean de Dieu wamenyekanye nka Jado Castar, nyuma y’icyumweru yari amaze akorwaho iperereza.<\/p>\n
Ni nyuma yo gutabwa muri yombi ku wa Mbere tariki ya 20 Nzeri akekwaho gukoresha inyandiko mpimbano.<\/p>\n
Jado Castar usanzwe ari umuyobozi mukuru wa Radio B&B FM-Umwezi, anasanzwe ari Visi Perezida wa Kabiri ushinzwe Amarushanwa mu Ishyirahamwe Nyarwanda ry\u2019Umukino wa Volleyball (FRVB).<\/p>\n
Uyu mugabo umaze icyumweru afungiye kuri Sitasiyo ya RIB ya Kicukiro, “akurikiranyweho gukoresha inyandiko mpimbano mu gushyira mu bikorwa inshingano ze”, nk’uko byemejwe na Dr Murangira B. Thierry uvugira RIB.<\/p>\n
Ni icyaha gifitanye isano no kuba Ikipe y\u2019Igihugu ya Volleyball y\u2019abari n\u2019abategarugori yirukanwa muri shampiyona Nyafurika ya Volleyball yaberaga i Kigali mu minsi yashize.<\/p>\n
Byari nyuma y\u2019uko Impuzamashyirahamwe y\u2019umukino wa Volleyball ku Isi (FIVB) isanze u Rwanda rwarakinishaga muri iriya mikino abakinnyi bane b\u2019abanya-Br\u00e9sil, nyamara rwarabahaye ubwenegihugu mu buryo butemewe n\u2019amategeko.<\/p>\n
Aba barimo uwitwa Aline Siqueira, Apolinario Caroline Taiana, Mariana Da Silva na Moreira Bianca Gomes bagaragajwe nk\u2019abatujuje ibisabwa mbere gato y\u2019umukino u Rwanda rwari rugiye guhuriramo na Senegal mu cyumweru gishize.<\/p>\n
Nyuma y\u2019uko u Rwanda rwari rumaze gusezererwa muri ririya rushanwa, Minisiteri ya Siporo yatangaje ko yatangije iperereza ngo hamenyekane icyihishe inyuma y\u2019ibirego u Rwanda rwashyizweho na FIVB.<\/p>\n
Mu gihe Castar yaba ahamijwe icyaha cyo gukoresha inyandiko mpimbano, yahanishwa ingingo ya 276 y\u2019itegeko riteganya ibyaha n\u2019ibihano, agahabwa igifungo kitari munsi y\u2019imyaka itanu ariko kitarenze imyaka irindwi n\u2019ihazabu itari munsi ya Frw miliyoni 3 ariko itanarenze Frw miliyoni 5.<\/p>\n