{"id":40480,"date":"2021-09-29T08:10:58","date_gmt":"2021-09-29T08:10:58","guid":{"rendered":"https:\/\/new.bwiza.com\/2021\/09\/29\/koreya-ya-ruguru-yarashe-misile-impuguke-zivuga-ko-bigoye-kumenya-ubushobozi\/"},"modified":"2021-09-29T08:10:58","modified_gmt":"2021-09-29T08:10:58","slug":"koreya-ya-ruguru-yarashe-misile-impuguke-zivuga-ko-bigoye-kumenya-ubushobozi","status":"publish","type":"post","link":"https:\/\/bwiza.com\/?p=40480","title":{"rendered":"Koreya ya Ruguru yarashe misile impuguke zivuga ko bigoye kumenya ubushobozi bwayo"},"content":{"rendered":"

Korea ya ruguru ivuga ko kuwa kabiri yabashije kurasa mu igerageza misile nshya yiswe Hwasong-8 yo mu bwoko bw’izigendera ku muvuduko udasanzwe, zimwe mu mpuguke zikavuga ko bigoye kumenya neza ubushobozi bwacyo.
\n<\/h2>\n

Ikinyamakuru cya leta kivuga ko iyi misile nshya ari imwe “mu ntwaro eshanu nshya z’ingenzi kurusha izindi” isohowe mu mugambi w’imyaka itanu wo guteza imbere igisirikare.<\/p>\n

Ankit Panda, wo mu kigo Carnegie Endowment for International Peace, avuga ko ubu bigoye kumenya “neza neza ubushobozi” bw’iyo misile, ariko yongeraho ko “ishobora kuba ikibazo ku bwirinzi busanzwe bwa za misile ziraswa kure”.<\/p>\n

Panda avuga kandi ko iyi ntwaro nshya kuri Korea ya Rurugu yerekana “intambwe ikomeye” icyo gihugu kigezeho.<\/p>\n

Iyi misile nshya bayise “intwaro y’ingenzi” ibi ubusanzwe bisobanuye ko ifite ubushobozi kirimbuzi.<\/p>\n

Kugerageza iki gisasu kuwa kabiri kwabaye ikindi cyerekanye ko Pyongyang ikomeje guteza imbere ikoranabuhanga mu ntwaro nubwo iri mu bihano.<\/p>\n

Ikinyamakuru KCNA cya leta cyavuze ko “Uburyo bugezweho bw’intwaro…[bwazamuye] ubushobozi bw’igihugu mu kwirinda mu buryo bwose.”<\/p>\n

Iyi ni misile ya gatatu bagerageje muri uku kwezi. Iyi misile iri mu bwoko bw’izoroha cyane kuraswa kandi irihuta cyane bidasanzwe.<\/p>\n

Mu nama yabaye mu kwezi kwa mbere, Kim Jong-un utegeka Korea ya Ruguru yavuze ko abahanga “barangije ubushakashatsi” mu gukora imitwe y’ubumara ya misile za hypersonic, kuwa kabiri bwari ubwa mbere zigeragejwe.<\/p>\n

Panda avuga ko kuzigerageza atari ikintu gishya kuko Kim Jong-un yari yarabivuzeho muri Mutarama 2021.<\/p>\n