Ingabo z\u2019u Rwanda ziri mu rugamba rwo kurwanya imitwe y\u2019iterabwoba mu ntara ya Cabo Delgado mu majyaruguru ya Mozambique, zafashije umugore wo muri iriya ntara kubyara nyuma y’iminsi ibiri yari amaze ku bise.<\/p>\n
RDF yabyarije uyu mubyeyi ku bitaro byayo biri Afungi, nyuma yo kumuha ubutabazi bw’ibanze no kumubaga.<\/p>\n
Uyu mubyeyi w’imyaka 24 y’amavuko witwa Zainabo Soumaile, ari mu baturage bakuwe mu byabo n\u2019ibyihebe byari bimaze igihe byarigaruriye Intara ya Cabo Delgado, akaba ari umwe mu baherutse gusubizwa mu byabo n\u2019Ingabo z\u2019u Rwanda ku bufatanye n\u2019iza Mozambique.<\/p>\n
Amakuru avuga ko yabyajwe n’ingabo za RDF ananiwe kandi arembye kubera igihe kirekire yari amaze ku bise.<\/p>\n
Nyuma yo kugezwa Afungi, ingabo za RDF zahise zimwitaho arabagwa yibaruka umwana w\u2019umukobwa upima 3,2kg, ndetse ubuzima bw\u2019umubyeyi n\u2019umwana bumeze neza nubwo batarasezererwa n\u2019abaganga nk’uko IGIHE yabitangaje.<\/p>\n
Uretse uruhare Ingabo z\u2019u Rwanda zigira mu kurwanya imitwe y\u2019iterabwoba, zinagira n\u2019uruhare mu kugeza serivisi z\u2019ubuzima ku baturage dore ko no muri ibi bitaro hari kuvurirwa umwana w\u2019umuhungu uherutse guturikanwa n\u2019igisasu.<\/p>\n
Mu ruzinduko Perezida Kagame Paul aherutse kugirira muri Mozambique yabwiye Ingabo n\u2019Abapolisi b\u2019u Rwanda ko bamaze gukora byinshi bikomeye ariko abibutsa ko akazi kagikomeje.<\/p>\n
Yababwiye ko nyuma yo guhashya ibi byihebe hakurikiyeho akazi ko kurinda aka gace no guharanira ko kongera kubakwa bushya.<\/p>\n