Hon. Fabien Banciryanino wahoze ari umudepite mu nteko ishinga amategeko y’u Burundi, yarekuwe kuri uyu wa Gatanu nyuma y’umwaka yari amaze afunzwe.<\/p>\n
Ku itariki ya 08 Ukwakira 2020 ni bwo uyu mugabo yari yatawe muri yombi, mbere yo kujya gufungirwa muri gereza ya Mpimba.<\/p>\n
Uyu mushingamategeko yashinjwaga ibyaha bitatu birimo kwigomeka, gushaka guhungabanya umutekano w’igihugu, no kuvuga amagambo mabi cyane ahungabanya undi muntu.<\/p>\n
Ni ibyaha yashinjwe nyuma y’uko ubwo yari akiri umudepite yari yarakunze kumvikana avuga ko abategetsi bishe abantu mu gihe cy’ubutegetsi bwa Pierre Nkurunziza.<\/p>\n
Perezida Nkurunziza ubwo yatangazaga ko atazongera kwiyamamariza kuyobora u Burundi, inteko ishinga amategeko ya kiriya gihugu yemeje umushinga w’itegeko rimugira Umuyobozi w’Ikirenga w’igihugu.<\/p>\n
Hon. Banciryanino ari mu babirwanyije yivuye inyuma, avuga ko aho kugira ngo Nkurunziza ahabwe icyo cyubahiro “akwiye gushyikirizwa ubutabera” kugira ngo asobanure amabi yakozwe mu gihe cy’ubutegetsi bwe.<\/p>\n
Akiri umudepite kandi yanditse amabaruwa menshi amenyesha Leta y’u Burundi urutonde rw’abantu bafunzwe ndetse n’abishwe, agasaba ko hakorwa amaperereza adafite aho abogamiye.<\/p>\n
Ni ibyaha atashoboraga gukurikiranwaho akiri umudepite, biba ngombwa ko hategerezwa ko manda y’abagize inteko irangira.<\/p>\n
Ku ya 19 Werurwe uyu mwaka Fabien Banciryanino yari yagejejwe imbere y’Urukiko Rwisumbuye rwa Ntahangwa, atangira kuburanishwa ku byaha ashinjwa.<\/p>\n
Ku wa 07 Gicurasi ni bwo Urukiko rwamukatiye umwaka umwe w’igifungo, runamuca ihazabu y’ibihumbi 100 by’amafaranga y’Amarundi.<\/p>\n