Polisi ikorera mu Karere ka Kamonyi, ku Cyumweru tariki ya 3 Ukwakira yafashe abantu 27 bagize itsinda rikekwaho guhohotera no kwiba abaturage bitwaje intwaro gakondo zirimo imipanga.<\/p>\n
Ni nyuma y\u2019uko abaturage bari bamaze iminsi bagaragaje ko hari abantu babatega bitwaje imihoro bakabagirira nabi ndetse bakanabambura.<\/p>\n
Icyenda mu bafashwe bafatiwe mu Murenge wa Ngamba, abandi 18 bafatirwa mu wa Runda.<\/p>\n
Umuvugizi wa Polisi mu Ntara y\u2019Amajyapfo, SP Th\u00e9obald Kanamugire, yabwiye urubuga rwa Polisi y’Igihugu ko abafashwe byaturutse ku bufatanye n\u2019inzego z\u2019umutekano no kugahanahana amakuru n\u2019abaturage.<\/p>\n
Ati: “Twagejejweho amakuru ko mu Murenge wa Ngamba hari abantu bavugwaho guhohotera abaturage bakabambura ibyo bafite bitwaje imihoro. Iyo hagize umuturage wirwanaho cyangwa agatabaza bahita bamugirira nabi, bariya bafashwe 9 bari mu bacyekwaho ibyo bikorwa.”<\/p>\n
SP Kanamugire yakomeje avuga ko kuri iyo tariki ya 3 Ukwakira mu bikorwa bya Polisi byabereye mu Murenge wa Runda hafashwe abantu 18 bajyaga batega abantu bakabambura ndetse bakaba bategaga imodoka z\u2019itwara imitwaro bakazurira bakagenda bapakurura ibirimo.<\/p>\n
Aba bafashwe nyuma y\u2019aho mu cyumweru gishize nanone muri aka Karere ka Kamonyi hari hafashwe abandi bantu barindwi bacyekwaho gutega abaturage bakabambura bitwaje imipanga.<\/p>\n
Abafashwe bahise bashyikirizwa Urwego rushinzwe ubugenzacyaha (RIB) kugira ngo hatangire iperereza.<\/p>\n