Umukobwa w’imyaka 20 y’amavuko bivugwa ko akomoka hano mu Rwanda, ni we waguye mu iturika ry’igisasu ryabereye mu gace ka Komamboga gaherereye muri Diviziyo ya Kawempe i Kampala.<\/p>\n
Mu ijoro ryo ku wa Gatandatu w’icyumweru gishize ni bwo mu kabari ko muri kariya gace hagabwe igitero, kigwamo umuntu umwe mu gihe abandi benshi bakomeretse.<\/p>\n
Emily Nyiraneza w’imyaka 20 y’amavuko inshuti ze zivuga ko akomoka hano mu Rwanda, ni we waguye muri kiriya gitero cyigambwe n’umutwe w’iterabwoba wa ISIS.<\/p>\n
Ejo ku wa Kabiri ni bwo Nyiraneza yashyinguwe n’ubuyobozi bw’Umujyi wa Kampala mu irimbi rya Kirinya-Bweyogerere, nyuma y’uko ubuyobozi n’inshuti ze bari bananiwe kubona bene we.<\/p>\n
Uyu mukobwa yakoraga mu kabari kitwa Digida kokerezwamo akabenzi katurikirijwemo kiriya gisasu.<\/p>\n
Mu muhango wo kumushyingura, inshuti ze n’abagiraneza bashinje Leta ya Uganda kudatanga ubufasha mu kumushyingura cyangwa ngo ihahinguke.<\/p>\n
Umwe mu bamushyinguye witwa Gerald Kateregga yagize ati: “Tubabajwe no kuba Guverinoma yaratereranye uwahitanwe n’iturika ry’igisasu, ndetse n’inshuti ze zishyuye fagitire zose z’uburuhukiro bw’ibitaro, gutwara umurambo, gutegura ikiriyo ndetse no kwishyura aho yashyinguwe mu irimbi.”<\/p>\n
Nyiraneza yaguye muri kiriya gitero, mu gihe u Bwongereza n’u Bufaransa byaherukaga kuburira Uganda ko Ishobora kwibasirwa n’ibitero by’iterabwoba.<\/p>\n
Polisi ya Uganda iheruka kunyomoza ibyatangajwe na ISIS, yo ikavuga ko kiriya gitero cyagabwe n’abantu basanzwe baba imbere muri Uganda.<\/p>\n
Yavuze ko iperereza ryakozwe n’itsinda ryayo rishinzwe ibisasu ryagaragaje ko igisasu cyatewe muri kariya gace cyateranyirijwe muri Uganda hifashishijwe ibikoresho birimo imisumari n’ibindi byuma.<\/p>\n
Kugeza ubu Polisi ya Uganda ivuga ko ikomeje guhiga abari inyuma ya kiriya gitero.<\/p>\n","protected":false},"excerpt":{"rendered":"
Umukobwa w’imyaka 20 y’amavuko bivugwa ko akomoka hano mu Rwanda, ni we waguye mu iturika ry’igisasu ryabereye mu gace ka Komamboga gaherereye muri Diviziyo ya Kawempe i Kampala. Mu ijoro ryo ku wa Gatandatu w’icyumweru gishize ni bwo mu kabari ko muri kariya gace hagabwe igitero, kigwamo umuntu umwe mu gihe abandi benshi bakomeretse. Emily […]<\/p>\n","protected":false},"author":17,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-41389","post","type-post","status-publish","format-standard","hentry","category-amakuru-rw"],"yoast_head":"\n