Umutoza Ole Gunnar Solskjaer w’Ikipe ya Manchester United, yavuze imyato Cristiano Ronaldo nyuma yo kongera kurokora iriya kipe muri UEFA Champions league.<\/p>\n
Cristiano yahetse Manchester ku mugongo we ayifasha kunganyiriza na Atalanta mu Butaliyani ibitego 2-2, mu mukino wa kane wo mu tsinda F.<\/p>\n
Atalanta yafunguye amazamu ku munota wa 12 w’umukino ibifashijwemo na Josip Ilicic, mbere y’uko Cristiano Ronaldo yishyurira Manchester United iki gitego mbere gato y’uko igice cya mbere kirangira.<\/p>\n
Atalanta yongeye kuyobora umukino ku munota wa 56 biciye kuri rutahizamu Duvan Zapata, gusa iki gitego nanone Cristiano aza kucyishyurira Manchester United mu minota y’inyongera.<\/p>\n
Igitego Cristiano yatsindiye Manchester United cyaje cyiyongera ku bindi nanone yatsindiye iyi kipe mu minota ya nyuma, mu mikino yayihuje na Villarreal na Atalanta.<\/p>\n
Kuri ubu Manchester United iyoboye itsinda F n’amanota arindwi, mbere yo guhura na Villarreal banganya amanota mu kwezi gutaha, mu mukino isabwa gutsinda ikagera muri 1\/8 cy’irangiza.<\/p>\n
Bijyanye n’uburyo uriya munya-Portugal akomeje kurokora Manchester United, umutoza we Ole Gunnar Solskjaer yamugereranyije na Michael Jordan wahoze akinira ikipe ya Chicago Bulls yo muri NBA.<\/p>\n
Aganira na BT Sport yagize ati: “Wari umukino ukomeye, ku mpande zombi…ariko Cristiano ntabwo asanzwe. Biriya ni byo akora. Iyo hari amahirwe uguyeho ku munota wa nyuma, ari amahirwe akomeye, ni we ugaragara.”<\/p>\n
“Cristiano kuri twe ameze nka Michael Jordan kuri Chicago Bulls. Ijisho rye ahora arihanze umupira, kandi tekiniki ze kuri kiriya gitego ntizisanzwe. Nta wugomba kwibaza ku miterere y’abakinnyi nka bariya, ntibacika intege kandi ntibarambirwa.”<\/p>\n
Michael Jordan Ole yagereranyije na Cristiano, afatwa nk’umukinnyi w’ibihe byose wabayeho mu mateka ya shampiyona ya Leta Zunze Ubumwe za Amerika y’umukino wa Basketball, dore ko yayihesheje ibikombe bitandatu by’iriya shampiyona.<\/p>\n","protected":false},"excerpt":{"rendered":"
Umutoza Ole Gunnar Solskjaer w’Ikipe ya Manchester United, yavuze imyato Cristiano Ronaldo nyuma yo kongera kurokora iriya kipe muri UEFA Champions league. Cristiano yahetse Manchester ku mugongo we ayifasha kunganyiriza na Atalanta mu Butaliyani ibitego 2-2, mu mukino wa kane wo mu tsinda F. Atalanta yafunguye amazamu ku munota wa 12 w’umukino ibifashijwemo na Josip […]<\/p>\n","protected":false},"author":17,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-41661","post","type-post","status-publish","format-standard","hentry","category-amakuru-rw"],"yoast_head":"\n