Mu mateka y\u2019ubwicanyi mu Rwanda, ijambo IMPERUKA y\u2019ABATUTSI ritavuzwe bwa mbere muri 1993. Perezida KAYIBANDA niwe wa mbere warikoresheje mu ijambo yavugiye kuri Radio Rwanda ku itariki 11 Werurwe 1964 abitewe n\u2019igitero cyari cyagabwe mu Bugesera ku wa 21 Ukuboza 1963 na bamwe mu mpunzi z\u2019Abanyarwanda bavuye i Burundi ; KAYIBANDA yaravuze ngo : \u00ab Niba Inyenzi zishoboye gufata Kigali, n\u2019ubwo bitazazorohera, izaba Imperuka yihuse y\u2019ubwoko bw\u2019Abatutsi.\u00bb Iki ni kimwe mu bimenyetso byerekana ko Jenoside yakorewe Abatutsi muri 1994 ifite amateka ya kera.<\/p>\n
soma igice cya mbere hano<\/a> Ukwezi kwa Mutarama 1994 kwaranzwe ku ruhande rumwe n\u2019ibyishimo bya bamwe mu Banyarwanda bari bishimiye ko abasilikare 600 b\u2019INKOTANYI n\u2019abanyapolitiki babo basesekaye i Kigali ku wa 28 Ukuboza 1993, aho bari biteguye kwinjira mu nzego z\u2019Inzibacyuho nkuko zateganywaga n\u2019amasezerano y\u2019amahoro y\u2019Arusha. Ku ruhande rwa Guverinoma y\u2019u Rwanda n\u2019ingabo zayo, bo ntibabyishimiye, maze batangira ibikorwa by\u2019ubukangurambaga bwa Jenoside harimo gukaza imyitozo y\u2019Interahamwe no kuziha intwaro babyita auto-d\u00e9fense civile. Ibi bikorwa byose bikaba byari bigamije gukangurira abaturage b\u2019Abahutu kumva ko Abatutsi bose ari abanzi b\u2019igihugu bagomba kwicwa. Mu mateka y\u2019ubwicanyi mu Rwanda, ijambo IMPERUKA y\u2019ABATUTSI ritavuzwe bwa mbere muri 1993. Perezida KAYIBANDA niwe wa mbere warikoresheje mu ijambo yavugiye kuri Radio Rwanda ku itariki 11 Werurwe 1964 abitewe n\u2019igitero cyari cyagabwe mu Bugesera ku wa 21 Ukuboza 1963 na bamwe mu mpunzi z\u2019Abanyarwanda bavuye i Burundi ; KAYIBANDA yaravuze ngo : \u00ab […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-4583","post","type-post","status-publish","format-standard","hentry","category-politiki-rw"],"yoast_head":"\n
\n b) Colonel BAGOSORA yashinze Ishyirahamwe ry\u2019ubwicanyi mu Ngabo z\u2019u RWANDA ryiswe AMASASU<\/strong>
\nColonel BAGOSORA akimara kugaruka i Kigali avuye Arusha ku wa 9 Mutarama 1993, yakoresheje inama zitandukanye na bagenzi be b\u2018intagondwa, barimo abasilikare bakuru nka Colonel Dr Laurent BARANSARITSE wayoboraga ibitaro bya gisilikare bya Kanombe, Liyetona Kolonel Anatole NSENGIYUMVA wayoboraga ingabo muri Gisenyi, Major Protais MPIRANYA wayoboraga abasilikare barindaga Perezida HABYARIMANA, Major Aloys NTABAKUZE wayoboraga batayo parakomando, Major Augustin NTIBIHORA wayoboraga serivisi yari ishinzwe ubwubatsi (B\u00e0\u00a2timents militaires), bashinga Ishyirahamwe ry\u2019abicanyi mu ngabo z\u2019u Rwanda baryita AMASASU. Babimenyesheje Perezida HABYARIMANA mu ibaruwa bamwandikiye ku itariki 20 Mutarama 1993. Iri shyirahamwe ryayoborwaga na BAGOSORA wihimbaga izina rya Komanda Mike TANGO, rikaba ryarabaye ku isonga yo gukwiza ingengabitekerezo ya jenoside mu ngabo z\u2019u Rwanda no gukangurira abasilikare kutazemera kubana n\u2019Inkotanyi, ahubwo bakitegura kurimbura Abatutsi kuko ngo Abatutsi bose bari ibyitso by\u2019INKOTANYI.
\nBAGOSORA n\u2019izo ntagondwa ntibemeraga kandi igice cy\u2019amasezerano y\u2019Arusha cyirebana no guhuza Ingabo cyateganyaga ko abasilikare ba Guverinoma n\u2019aba FPR-INKOTANYI bazahurizwa mu Mutwe umwe w\u2019Ingabo ugizwe n\u2019abantu 19.000 harimo abasilikare 13.000 n\u2019abajandarume 6.000 ; muri abo bose 60% bakaba abahoze ari abo mu ngabo za Guverinoma naho 40% bakaba abahoze ari aba FPR-INKOTANYI. Ayo masezerano kandi yateganyaga ko mu birebana n\u2019imyanya y\u2019ubuyobozi mu Ngabo nshya, buri ruhande rwagombaga guhabwa 50%. BAGOSORA na bagenzi be ntibemeye na gato ayo masezerano, babigaragariza Perezida HABYARIMANA muri iyo nyandiko yamumenyeshaga ishingwa ry\u2019ishyirahamwe ryabo, bavuga ko ryari rigamije kurwanya amasezerano y\u2019Arusha ryivuye inyuma ndetse ko abarigize batazanatinya kwica uwo ari we wese bazabona ari umugambanyi. Ku matariki ya 20-22 Mutarama 1993, iryo shyirahamwe AMASASU ryayoboye ubwicanyi bwibasiye Abatutsi mu bice bitandukanye by\u2019u Rwanda cyane cyane muri Perefegitura ya Gisenyi, Ruhengeri, Kibuye na Byumba.
\n[xyz-ihs snippet=”google-pub”]
\nMRND yakoresheje imyigaragambyo yo kurwanya amasezerano y\u2019amahoro bikurikirwa n\u2019ubwicanyi henshi mu gihugu
\nKu wa 19 Mutarama 1993, imyigaragambyo irangajwe imbere na MRND yabereye mu Mujyi wa Kigali. Ku itariki 21 Mutarama 1993, Matayo NGIRUMPATSE, Perezida wa MRND ku rwego rw\u2019igihugu, yatangaje ko MRND itemera ibyagezweho mu masezerano y\u2019amahoro birebana no gusangira ubutegetsi. Itangazo yasohoye ryahise rikurikirwa n\u2019ubundi bwicanyi bwongeye kwibasira Abatutsi mu Ruhengeri (Komini Mukingo na Kinigi), Gisenyi (Komini Gaseke, Giciye, Karago, na Mutura), Byumba (Komini Tumba) na Kibuye (Komini Rutsiro).
\n Itsinda ry\u2019impuguke mpuzamahanga ryerekanye ko ubwicanyi bwaberaga mu Rwanda bwari buyobowe n\u2019abategetsi bakuru<\/strong>
\nKu matariki ya 07-21 Mutarama 1993, itsinda ry\u2019impuguke mpuzamahanga ryari rigizwe na Jean CARBONARE (France), Dr Philippe DAHINDEN (Ubusuwisi), Prof. Ren\u00e9 DEGNI-SEGUI (C\u00f4te d\u2019Ivoire), Me Eric GILLET (Ububiligi), Dr Alison DES FORGES (USA), Dr Pol DODINVAL (Belgique), Rein ODINK (Ubuholandi), Halidou OUEDRAOGO (Burkina Faso), Andr\u00e9 PARADIS (Canada) na Prof. William SCHABAS (Canada) ryakoze iperereza mu Rwanda ku bwicanyi bahakorerwaga. Raporo yabo bayitangaje mu kwezi kwa Werurwe 1993 batangaza ko ubwicanyi bwakorerwaga Abatutsi n\u2019abataravugaga rumwe na Leta bwari buyobowe n\u2019abategetsi bakuru, harimo Perezida HABYARIMANA ubwe, abo mu muryango we, n\u2019abo bakoranaga bya hafi : \u00ab La responsabilit\u00e9 du Chef de l\u2019Etat et de son entourage imm\u00e9diat, entre autre familial, est lourdement engag\u00e9e dans les massacres et dans les exactions perp\u00e9tr\u00e9es \u00e0\u00a0 l\u2019encontre des Tutsi et des membres de l\u2019opposition. \u00bb
\nMUTARAMA 1994<\/p>\n\n
\nKu rwego rw\u2019Igihugu, ibikorwa bya Auto-d\u00e9fense civile byayoborwaga na Colonel Athanase GASAKE, ikagira n\u2019abandi bayobozi muri za Perefegitura. Mu Mujyi wa Kigali uwayobora auto-d\u00e9fense civile ni Komanda BIVAMVAGARA agafatanya na Perefe w\u2019Umujyi Colonel Tharcisse RENZAHO ; muri Kibungo yayoborwaga na Colonel Pierre C\u00e9l\u00e9stin RWAGAFIRITA ; muri Kigali Ngari ikayoborwa na Major Stanislas KINYONI ; i Cyangugu ikayoborwa na Colonel SINGIRANKABO, I Gitarama ikayoborwa na Major Jean-Damasc\u00e8ne UKURIKIYEYEZU, muri Butare na Gikongoro ikayoborwa na Colonel Aloyizi SIMBA wari ufite abamwungirije barimo Colonel Alphonse NTEZIRYAYO wagizwe perefe wa Butare mu gihe cya Jenoside. Muri Gisenyi na Ruhengeri auto-d\u00e9fense civile yayoborwaga n\u2019abakuru b\u2019ingabo muri izo Perefegitura aribo Colonel Anatole NSENGIYUMVA ku Gisenyi na Augustin BIZIMUNGU mu Ruhengeri.
\nMu mpera z\u2019ukwezi kwa Mutarama 1993 no mu ntangiriro za Gashyantare Colonel BAGOSORA yayoboye igikorwa cyo gutanga imbunda mu Nterahamwe zo mu Majyaruguru y\u2019igihugu. Muri Agenda ye yo muri 1993 yerekanywe nk\u2019ikimenyetso kimushinja mu rubanza rwe muri TPIR, hagaragajwe amapaji yanditseho ko muri Komini za Mutura, Giciye, Rubavu na Rwerere zari muri Perefegitura ya Gisenyi hatanzwe intwaro 500.
\n Imyigaragambyo y\u2019Interahamwe n\u2019Impuzamugambi n\u2019ubwicanyi mu Mujyi wa Kigali<\/strong>
\nKu itariki ya 8 mutarama 1994, Inzego z\u2019iperereza z\u2019Ububiligi zanditse inyandiko y\u2019ibanga yerekana ko ku itariki ya 7 hari inama yari yabereye ku cyicaro gikuru cya MRND yahuje Perezida wa MRND Matayo NGIRUMPATSE, Minisitiri w\u2019ingabo Augustin BIZIMANA, umugaba mukuru w\u2019ingabo Jenerali NSABIMANA Deogratias, umugaba mukuru wa jandarumori Jenerali Augustin NDINDIRIYIMANA, Robert KAJUGA umuyobozi w\u2019Interahamwe ku rwego rw\u2019igihugu n\u2019abandi bajandarume bakuru n\u2019abasilikare. Muri iyi nama hemejwe ko bagomba kutereka MINUAR aho intwaro zihishe, ko bagomba kuzimura zikajyanwa kubikwa mu ngo z\u2019abasilkare n\u2019abajandarume bakuru bibona muri MRND kandi Interahamwe. Banemeje ko bagomba gukora propagande mu baturage yo kubangisha MINUAR cyane cyane abasilikare b\u2019ababiligi bari mu bayigize.
\nIyo nama yakurikiwe n\u2019imyigaragambyo mibi cyane yabaye ku itariki 8 mutarama 1994 mu Mujyi wa Kigali yitabiriwe n\u2019abayobozi ba Perefegitura y\u2019Umujyi wa Kigali n\u2019abasilikare bambaye sivile bo mu barindaga Perezida HABYARIMANA, bakoreye urugomo abantu benshi mu Mujyi wa Kigali bakoresheje za Grenades. Iyo myigaragambyo yakurikiwe ku itariki ya 9 mutarama 1994 n\u2019ibiganiro simusiga byanyuze kuri RTLM byikoma MINUAR ko ngo irwanya Interahamwe n\u2019Impuzamugambi kandi ngo ikaba ifatanyije na FPR. Ku itariki 11 mutarama 1994 habaye indi myigaragambyo yahuje MRND na CDR initabirwa na ba Minisitiri Pauline NYIRAMASUHUKO na Callixte NZABONIMANA n\u2019abayobozi b\u2019Umujyi wa Kigali.
\nKu itariki 15 Mutarama Ambasaderi w\u2019Ububiligi MU Rwanda yanditse ibarwa igenewe Minisitiri w\u2019ububanyi n\u2019amahanga w\u2019Ububiligi imenyesha ko intwaro zikomeje guhabwa Interahamwe asaba ko MINUAR yagombye kwemererwa kuzifatira. Ku itariki ya 16 Mutarama 1994, habaye mitingi ikomeye yahuje abantu benshi bo mu mashyaka ahuriye kuri Hutu power ibera kuri Stade i Nyamirambo. Muri iyo mitingi, Justin MUGENZI wari ukuriye igice cya Hutu power mu Ishyaka rya P.L. yafashe ijambo asaba kwirinda Abatutsi n\u2019abasilikare b\u2019Ababiligi bo muri MINUAR. Muri iyo Mitingi kandi hatanzwe intwaro nyinshi zahawe aba Power bose bo mu mashyaka ya MRND, CDR, MDR, PSD, PDC na PL.
\nIbi bikorwa by\u2019urugomo no gutegura Jenoside byamaganywe icyo gihe n\u2019Imiryango nyarwanda y\u2019uburenganzira bwa muntu irimo PRO-FEMMES Twese Hamwe, CLADHO na CCOAIB. Raporo ya Sena y\u2019Ababiligi yakozwe muri 1997 yagaragaje inyandiko nyinshi zerekana uburyo muri mutarama 1994 Leta y\u2019u Rwanda yateguraga Jenoside.
\n[xyz-ihs snippet=”google-pub”]
\nMu ijoro ryo ku itariki ya 21-22 Mutarama 1994, indege yo mu bwoko bwa DC-8 y\u2019Ubufaransa yaguye mu ibanga ku kibuga cy\u2019indege cya Kanombe; MINUAR yarayisatse isangamo ibisanduku 90 byuzuyemo intwaro zigenewe ingabo z\u2019u Rwanda kandi amasezerano y\u2019Arusha yari yarabujije igurwa n\u2019itangwa ry\u2019intwaro. Ku itariki ya 27 mutarama 1994, RTLM yanyujijeho ibiganiro bibi cyane bihamagarira Abahutu bose kwishyira hamwe bakarwana kugeza ku wa nyuma ngo kuko abasilikare b\u2019Ababiligi ba MINUAR bari bafite umugambi wo gutanga igihugu bagiha Abatutsi. Ibyo biganiro byaje bikurikira inama yari yahuje abayobozi bakuru ba MRND barimo Joseph NZIRORERA, Edouard KAREMERA, Jean Pierre HABYARIMANA (umuhungu wa Perezida HABYARIMANA) na Robert KAJUGA wayoboraga Interahamwe ku rwego rw\u2019igihugu ; bakaba baremeje muri iyo nama gahunda yo gucengeza mu Nterahamwe amatwara yo kurwanya abasilikare b\u2019Ababiligi bo muri MINUAR. Hatanzwe n\u2019amabwiriza ko Interahamwe zitagomba kuzongera gukurukiza amabwiriza atanzwe n\u2019ingabo za MINUAR z\u2019Ababiligi, zikitegura guhangana nabo no kubangisha abaturage ku buryo bushoboka.
\nc) Imenyekanishwa ry\u2019itegurwa rya Jenoside muri LONI
\nKu itariki 11 Mutarama 1994, umwe mu bayobozi bakomeye b\u2019Interahamwe mu Mujyi wa Kigali witwaga TURATSINZE Abubakar, alias Jean Pierre, yabwiye mu ibanga Jenerali Romeo DALLAIRE wayoboraga ingabo za LONI mu Rwanda ko Interahamwe zamaze kwitegura kwica Abatutsi bagera ku bihumbi makumyabiri ku munsi, ko zifite intwaro zirunze i Gikondo kwa Kabuga, ko lisiti z\u2019Abatutsi zamaze gukorwa, ko kandi kuva MINUAR yagera mu Rwanda, Interahamwe zatojwe zigera ku 1700 ziyongera ku zindi nyinshi zari zisanzwe zarahawe imyitozo. Jenerali DALLAIRE yanditse inyandiko ayoherereza Umuryango w\u2019Abibumbye asaba uburenganzira bwo gufatira izo ntwaro no guhagarika ibikorwa b\u2019itegurwa rya Jenoside.
\nKu itariki 12 Mutarama 1994, DALLAIRE yahawe igisubizo cyasinyweho n\u2019umwe mu bayobozi bakuru ba LONI witwa Iqbal RIZA wari wungirije Koffi ANNAN wayoboraga serivisi ya LONI ishinzwe ibikorwa byo kubungabunga amahoro, abuza DALLAIRE kwinjiza MINUAR mu bikorwa byo gufatira intwaro. Iqbal RIZA yongeyeho ko icyo DALLAIRE yemerewe gukora ari ukuzabiganira na Perezida HABYARIMANA na ba Ambasaderi b\u2019Ububiligi, Ubufransa na Leta Zunze Ubumwe z\u2019Amerika. DALLAIRE yarekeye aho, Jenoside irinda ikorwa ihitana abaturage yari ashinzwe kurinda, byose bikorwa arebera.
\nUMWANZURO
\nIbi bimenyetso bike CNLG igaragaje muri iyi nyandiko birerekana ubukana bw\u2019itegurwa rya Jenoside yakorewe Abatutsi. Ntabwo Jenoside yabaye impanuka, ahubwo ni igikorwa cy\u2019ubwicanyi cyateguranywe ubuhanga na Guverinoma y\u2019u Rwanda n\u2019ingabo zayo, babifashijwemo n\u2019amahanga, cyane cyane abategetsi b\u2019Ubufaransa. Umuryango w\u2019Abibumbye nawo wamenye icyo gikorwa wanga gukora ibishoboka ngo uhagarike ishyirwa mu bikorwa ry\u2019umugambi wa Jenoside. Ni ikimwaro ku isi yose. Kubyibutsa ni ngombwa kuko abapfobya n\u2019abahakana Jenoside badahwema gukwiza ibinyoma byabo bigoreka ukuri, byangiza amateka kandi bigatesha agaciro inzirakarengane zishwe zizira uko zavutse cyangwa zihorwa kuba zaranze gufatanya n\u2019abicanyi.
\n SRC: CNLG<\/strong>
\n K<\/a>anda hano ujye ubona amakuru yihuse kandi kugihe kuri Facebook <\/a>no kuri twitter<\/a><\/strong>
\n Schadrack@bwiza.com<\/strong> <\/a><\/p>\n","protected":false},"excerpt":{"rendered":"