{"id":4637,"date":"2017-01-24T09:14:25","date_gmt":"2017-01-24T09:14:25","guid":{"rendered":"https:\/\/new.bwiza.com\/2017\/01\/24\/abavuga-ngo-perezida-uriho-aragapfa-nabo-baragapfa-mpayimana-phillipe-video\/"},"modified":"2025-02-12T17:09:53","modified_gmt":"2025-02-12T15:09:53","slug":"abavuga-ngo-perezida-uriho-aragapfa-nabo-baragapfa-mpayimana-phillipe-video","status":"publish","type":"post","link":"https:\/\/bwiza.com\/?p=4637","title":{"rendered":"\u201cAbavuga ngo perezida uriho aragapfa nabo baragapfa\u201d Mpayimana Phillipe(VIDEO)"},"content":{"rendered":"

Mpayimana Phillipe watangaje ko aziyamamariza kuyobora u Rwanda yavuze impamvu yamuteye gufata icyemezo cyo kuziyamamariza ku myanya w\u2019umukuru w\u2019u Rwanda kuri uyu wa 24 Mutarama 2017, uyu mugabo ubarizwa mu mahanga yavuze ko ashaka kugira u Rwanda igihugu kirangwamo ihererekanya ry\u2019ubutegetsi ritarimo kwikubira.<\/strong>
\nVideo Mpayimana yashyize ku rubuga rwe rwa youtube ikubiyemo impamvu nyamukuru yamuteye gufata icyemezo cyo kuziyamamariza kuyobora u Rwanda nk\u2019umukandida wigenga, muri iyo video uyu mugabo yasabaga abanyarwanda baba mu Bubiligi kumutuma bakamuha n\u2019ibindi byifuzo bifuza ko yazabahindurira mu Rwanda namara kuba perezida.
\nMpayimana Phillipe avuga ko kuba manda ebyiri za perezida wa repubulika zarongerewe bigaragaza ko n\u2019ubutaha zishobora kuzakomeza kongerwa bityo ihererekanya ry\u2019ubutegetsi ntirizabeho, Mpayimana ngo ntiyemeranywa nabahora bavuga ko nta wundi muyobozi washobora u Rwanda.
\nMpayimana yagize ati \u201cNi uguharanira ko igihugu cyacu kitahoramo imena maraso ry\u2019abayobozi, dore imyaka ibaye 120 tutarigera tugira umuyobozi uhererekanya ubutegetsi ngo abuhe undi, niba manda ebyiri zirangiye tukaba dutangiye iya gatatu, ni iki kizatubwira ko iya kane izarangira neza, iya gatanu izarangira neza niba tudatangiye uyu munsi tubisaba?\u201d
\n[xyz-ihs snippet=”google-pub”]
\nAkomeza agira ati \u201c Abavuga ngo perezida uriho aragapfa, No. Nabo baragapfa kuko ntabwo ari byo nshaka njyewe, ni uko ahubwo nawe ubwe yakwemera ko ataribyo dukeneye, sibyo by\u2019imbere. Nizere ko aho tubyumvikanaho rwose, eehhh hariho abakabya. Aho igihugu kivuye ni kure n\u2019aho kigeze hasa n\u2019ahashimishije, nibiduhe ububasha rero bwo kwifuza ko kijya ku rutonde rw\u2019ibihugu byateye intambwe muri demokarasi, n\u2019ubwo bidafite amateka amwe nk\u2019ayacu\u201d
\nMpayimana avuga ko hari ibihugu by\u2019Afurika byafatirwaho urugero rwa demokarasi nka Senegal, Ghana, Ibirwa bya Maurice, Tanzaniya, Benin n\u2019ibindi. Ati \u201cIbyo kuvuga ngo oya nta wundi oya ntawundi biri mu byampaye impamvu yo kubakangura banyarwanda banyarwandakazi, dusabe rero ko umukuru w\u2019igihugu yakwitegura gusubiza ubutegetsi abaturage tutamushwishwibikanije, tutamwokeje igitutu ariko nyine tubisabe mu nzira za demokarasi ni cyo ibereyeho\u201d
\nMu bindi ngo byatumwe uyu mugabo yiyemeza kuziyamamariza kuyobora u Rwanda ngo ni ukugirango ibibazo by\u2019igihugu bigirweho impaka muri demokarasi, ibi avuga ko birimo ikibazo kuko kuri ibibazo ngo biganirirwa mu cyitwa ubwumvikane bw\u2019amashyaka bityo ngo bikaba byerekana ko amashyaka yose aba yabaye ishyaka rimwe, Mpayimana kandi yanagarutse ku kibazo cye n\u2019abandi banyarwanda baba mu mahanga avuga ko ashaka ko igihugu cy\u2019u Rwanda kigirana umubano mwiza n\u2019abanyarwanda baba hanze.
\nMpayimana Phillipe yabaye umunyamakuru kuva mu mwaka wa 1990 aho yari umwe mu banyamakuru ngenderwaho ba televisiyo y\u2019igihugu cy\u2019u Rwanda, yize amasomo y\u2019itangazamakuru mu ishuri rikuru ry\u2019itangazamakuru rya Paris mu Bufaransa. Mpayimana Philippe yavutse mu mwaka wa 1970, ku wa 01 Mutarama 2017 nibwo uyu mugabo uba mu gihugu cy\u2019Ubufaransa yatangaje ko aziyamamariza kuyobora u Rwanda mu matora ategerejwe muri Kanama 2017.
\n[xyz-ihs snippet=”google-pub”]
\n REBA VIEDO YA MPAYIMANA ASOBANURA ICYAMUTEYE KUZIYAMAMAZA<\/strong> <\/p>\n

\n
\"YouTube