![\"burundi-grenade-explosion-economy\"](\"http:\/\/www.bwiza.com\/wp-content\/uploads\/2017\/03\/burundi-grenade-explosion-economy.jpg\")
<\/a><\/p>\n Ese iyi mitwe irarwanira iki?<\/strong> <\/p>\n Mu gihe ibiganiro byubaka bikomeje kutagira icyo bigeraho, iyi mitwe ivuga ko yashinze igisirikare igamije kurinda abaturage. Iyi mitwe yaniyemeje gukura ku butegetsi perezida Nkurunziza igashyiraho guverinoma y\u2019inzibacyuho izageza igihugu ku matora yo mu bwisanzure kandi yizewe.<\/p>\n Usibye guhangana kwa hato na hato mu murwa mukuru, Bujumbura, imitwe ya FOREBU na RED-Tabara inashinjwa kuba inyuma y\u2019ibitero bya grenade bikunze kugabwa ku birindiro bya gisirikare.<\/p>\n Umwe mu baganiriye na IBTimes utarifuje ko umwirondoro we ujya ahagaragara, yavuze ko iyi mitwe ikora ariko ibikorwa byayo nta musaruro biratanga kuko bakiri kwisuganya. Yagize ati: \u201c Baracyahari kandi bari kwisuganya, ntabwo barambika intwaro hasi. Twiteguye intambara<\/em> .\u201d<\/p>\n RED-Tabara<\/strong> <\/p>\n RED-Tabara igizwe n\u2019abahoze mu gisirikare n\u2019igipolisi kandi biganjemo urubyiruko babarirwa mu 2000. Uyu mutwe ariko ngo ufite amahirwe yo kubona urundi rubyiruko rwaba abasirikare cyangwa abasivili ku buryo ushobora kugeza ku barwanyi hagati y\u201920,000 na 30,000, ariko ngo ntibazabikora bazatangirana abo bafite nibabona ibikoresho bihagije nk\u2019uko umwe mu bavuganye n\u2019iki kinyamakuru dukesha iyi nkuru yakomeje avuga.<\/p>\n FOREBU<\/strong> <\/p>\n Naho Forebu, bivugwa ko igifite umubare muto w\u2019abarwanyi babarirwa mu 100 ukaba uyobowe na Gen Godefroid Niyombare, wari uyoboye umugambi wapfubye wo guhirika Nkurunziza ku butegetsi muri Gicurasi 2015, yo ngo yongereye umubare w\u2019abasirikare bakuru bayiyunzeho, barimo Gen Philbert Habarugira, ari nawe mugaba mukuru, na Col Gilles Ndihokubwayo wari umugaba mukuru mu mwaka ushize.<\/p>\n Uyu mutwe wa FOREBU iyi nkuru iravuga ko wiganjemo abasirikare bakuru bahoze mu gisirikare cya leta (FDN), abenshi bakaba baragiyemo nyuma y\u2019uwo mugambi wapfubye wo guhirika ubutegetsi mu gihe abandi bakomeje kuwiyungaho.<\/p>\n RED-Tabara na FOREBU ni imitwe ibiri nayo ubwayo itavuga rumwe<\/strong> <\/p>\n Amakimbirane ari hagati y\u2019iyi mitwe, kugeza ubu yananiwe gushyira hamwe, ashingiye ku buyobozi. Amakuru avuga ko aba basirikare bakuru bo muri FOREBU bashaka kuyobora abarwanyi ba RED-Tabara dore ko FOREBU yo nta barwanyi bahagije ifite, ariko RED-Tabara ikaba ngo yarabwiye FOREBU ko bashobora kuyifasha mu rugamba ariko ko batazemera kuyoborwa nayo.<\/p>\n Usibye ikibazo cy\u2019ukwiye kuyobora abandi mu rugamba, iyi mitwe inafite ikibazo cyo kugenda mu gihugu, aho baba bashaka gushinga ibirindiro byo gutorezamo abarwanyi, bikaba byaratumye bashinga inkambi mu mashyamba yo muri Repubulika iharanira Demokarasi ya Congo.<\/p>\n Ikibazo gikomeye ariko ni ukumenya igihe bizafata kuko iyi mitwe ikomeje guhura n\u2019ikibazo cyo kubona ibikoresho biyoroheye kandi ikaba idafite amafaranga yo kugaburira ibihumbi by\u2019abarwanyi kuko ngo bashobora kugaburira gusa byibuze ababarirwa muri magana ari nayo mpamvu bifuza kuba bagumanye umubare muto w\u2019abarwanyi.<\/p>\n Ikibazo cy\u2019ibura ry\u2019abaterankunga<\/strong> <\/p>\n Kubura inkunga ngo biterwa nuko ibihugu byo mu karere bidafasha iyi mitwe. Nk\u2019uko uwaganiriye na IBTimes yayibwiye, ngo urugamba iyi mitwe itegura rwashoboka gusa ifashijwe n\u2019ibihugu byo mu karere nka Tanzania, Repubulika iharanira Demokarasi ya Congo cyangwa u Rwanda, kandi ngo ibi bihugu kugeza ubu byakomeje kwirinda kwivanga mu bibazo biri mu Burundi ku mpamvu zitandukanye.<\/p>\n Nko ku birebana na Tanzania, bamwe mu barwanya ubutegetsi bavuga ko Tanzania ifite inyungu mu butegetsi bwa Nkurunziza kuko hari Abatanzaniya benshi bari mu myanya ikomeye y\u2019ubukungu bw\u2019igihugu mu Burundi nko mu bijyanye n\u2019ubwikorezi, itumanaho ndetse no mu bijyanye no kugura intwaro kandi ngo ntibiteguye guhara inyungu bahavana.<\/p>\n Naho ngo Repubulika iharanira Demokarasi ya Congo, ntishobora kwirasa ku kirenge kuko nayo ifite ibibazo nk\u2019iby\u2019u Burundi. Perezida Kabila amaze igihe ashinjwa gushaka kuguma ku butegetsi muri manda ya gatatu nayo abamurwanya bavuga ko atemerewe ndetse bikaba bimaze iminsi biteza amakimbirane mu gihe igihugu cyitegura kujya mu matora y\u2019umukuru w\u2019igihugu. Perezida Kabila rero ngo udashaka kuva ku butegetsi, ntuzamubona ashyigikira abarwanya mugenzi we wakoze nk\u2019ibyo ashaka gukora.<\/p>\n Ku birebana n\u2019u Rwanda, ngo mu gihe perezida Nkurunziza avugwaho kuba afitanye umubano n\u2019abarwanya ubutegetsi bw\u2019u Rwanda, u Rwanda rwo ngo kuva mu 1994 rufite ibindi bibazo biruhangayikishije rugomba kwitaho, ku buryo nubwo iki kibazo cyo kuba Nkurunziza yaba akorana n\u2019abarurwanya kiruhangayikishije, kidashobora gutuma Guverinoma y\u2019u Rwanda ifata iya mbere.<\/p>\n Umwe mu baganiriye na IBTimes aha yagize ati: \u201c Abanyarwanda bahangayikishijwe no guteza imbere igihugu, kandi barashaka kuba igihugu cy\u2019igihangange mu bukungu mu karere. Abarundi ntabwo ari cyo cyihutirwa kuri bo. Nibyo ibibazo byo mu Burundi byateje ibibazo bikomeye ku mipaka yo mu majyepfo y\u2019u Rwanda, ariko bashobora kubikemura bativanze. Ntibashobora kwemera gutakarizwa icyizere no guhagarikirwa inkunga n\u2019amahanga<\/em> .\u201d<\/p>\n [xyz-ihs snippet=”google-pub”]<\/p>\n Uruhare rw\u2019imitwe yitwaje ibirwanisho mu biganiro bihuza Abarundi<\/strong> <\/p>\n Uyu muntu wakomeje kuganira na IBTimes avuga ko kuba iyi mitwe itaragira ibikorwa bya gisirikare bifatika mu Burundi ari yo ntandaro yo kuba ibiganiro bigamije guhuza Abarundi ntacyo bigeraho.<\/p>\n Yavuze ko bigaragara neza ko mu gihe abatavuga rumwe n\u2019ubutegetsi bazaba badafite ibirwanisho kandi batarwana bizakomeza kunanirana kugira uruhare rungana mu biganiro.<\/p>\n Yavuze ko umuhuza Mkapa ari ku ruhande rwa guverinoma kuko ikangisha gutanga umutekano kandi ngo Mkapa nawe arashaka gufasha Nkurunziza gutambutsa igitekerezo cya guverinoma y\u2019ubumwe bw\u2019igihugu.<\/p>\n Ibi rero ngo ntacyo bizamara kuko bacye mu batavuga rumwe n\u2019ubutegetsi bashobora guhabwa imyanya ndetse u Burundi bukongera kugirana amasezerano n\u2019Umuryango Mpuzamahanga ubufatanye bugasubukurwa ubuzima bugakomeza kugeza ku matora ya 2020 ndetse ngo Nkurunziza akaba ashobora no kwiyamamariza manda ya kane akazategura amatora akiba amajwi akayatsinda.<\/p>\n Kugeza ubu Abarundi basaga 300,000 bahunze igihugu kuva amakimbirane yatangira muri Mata 2015. Imiryango iharanira uburenganzira bwa muntu mu Burundi yemeza ko buri cyumweru byibuze mu gihugu abantu 50 bicwa. Iyi mibare ariko yaje gusubirwamo abahagarariye sosiyete sivile n\u2019abatavuga rumwe n\u2019ubutegetsi bemeza ko ku munsi hicwa abantu 30 byibuze. Ishami ry\u2019Umuryango w\u2019Abibumbye ryita ku Mpunzi (HCR) ryo rikaba rivuga ko muri uyu mwaka wa 2017 impunzi z\u2019Abarundi zishobora kwiyongera zikagera ku 500,000.<\/p>\n K<\/a>anda hano ujye ubona amakuru yihuse kandi kugihe kuri Facebook <\/a>no kuri twitter<\/a><\/em> <\/strong> <\/p>\n Dennis Ns.\/Bwiza.com<\/strong> <\/p>\n","protected":false},"excerpt":{"rendered":" Mu gihe hashize amezi agera kuri 20 amakimbirane ashingiye kuri politiki mu gihugu cy\u2019u Burundi atangiye, ikinyamakuru IBTimes cyo mu Bwongereza cyagiranye ikiganiro n\u2019umwe mu b\u2019ingenzi bayoboye umutwe witwaje ibirwanisho ukorera mu gihugu agira byinshi agitangariza ku cyo barwanira, aho yatangaje ko biteguye urugamba rwo gukura perezida Nkurunziza ku butegetsi ndetse n\u2019uburyo bagiye kubikoramo. Aya […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-5182","post","type-post","status-publish","format-standard","hentry","category-politiki-rw"],"yoast_head":"\n<\/a><\/p>\n<\/a>