{"id":54037,"date":"2022-12-01T09:55:08","date_gmt":"2022-12-01T09:55:08","guid":{"rendered":"https:\/\/new.bwiza.com\/2022\/12\/01\/rdb-yatumije-inama-idasanzwe-y-abagize-kampani-ya-sdu-ivugwamo-umwiryanye\/"},"modified":"2022-12-01T09:55:08","modified_gmt":"2022-12-01T09:55:08","slug":"rdb-yatumije-inama-idasanzwe-y-abagize-kampani-ya-sdu-ivugwamo-umwiryanye","status":"publish","type":"post","link":"https:\/\/bwiza.com\/?p=54037","title":{"rendered":"RDB yatumije inama idasanzwe y\u2019abagize kampani ya SDU ivugwamo umwiryanye"},"content":{"rendered":"

Urwego rw\u2019igihugu rushinzwe iterambere (RDB) rwatumije inama idasanzwe y\u2019abanyamuryango ba kampani ya SDU (Special Drivers United) itanga serivisi yo gutwara abantu n\u2019ibintu, nyuma y\u2019umwuka mubi umaze igihe uvugwamo.<\/strong><\/p>\n

Bitewe n\u2019uyu mwuka mubi, Umwanditsi Mukuru wa RDB, Kayibanda Richard, tariki ya 18 Ugushyingo 2022, yandikiye Umuyobozi w\u2019inama y\u2019ubutegetsi wa SDU, Sibomana Jovithe, amusaba kumumenyesha igihe n\u2019aho iyi nama izabera.<\/p>\n

Yagize ati: “Nkwandikiye ngusaba gutegura icyumba cy\u2019inama kizaberamo Inama y\u2019Inteko rusange idasanzwe ya SPECIAL DRIVERS UNITED (SDU) LTD ukaba wahamenyesheje mu nyandiko bitarenze ku wa 21\/11\/2022 kugira ngo mbone uko ntumiza iyo nama.”<\/p>\n

Sibomana mu itangazo yageneye abanyamigabane ba SDU rishingiye ku busabe bwa RDB n\u2019umwanzuro w\u2019inama y\u2019Inama y\u2019Ubutegetsi yateranye tariki ya 19 Ugushyingo, yabamenyesheje ko iyi nama izaba tariki ya 20 Ukuboza 2022, ikazabera mu murenge wa Kimironko mu karere ka Gasabo.<\/p>\n

Amakuru ava mu banyamigabane na SDU avuga Inama y’Ubutegetsi y’iyi kampani yaje gutanga imbogamizi yuko byagorana ko abanyamigabane baboneka mu nama tariki ya 20 kuko ari umunsi w’imibyizi, iyimurira tariki ya 11 Ukuboza, inabimenyesha Umwanditsi Mukuru wa RDB, arabyemera.<\/p>\n

Bamwe muri aba banyamigabane batangaje ko baje kumenya ko icyumba cy’inama bagombaga guhuriramo muri iyi nama rusange cyakodeshejwe n’abandi bantu kuko inama y’ubutegetsi itari yakacyishyuye cyangwa ngo itange avansi (avance).<\/p>\n

Kugeza uyu munsi ntabwo aho iyi nama izabera haramenyekana nyuma y’aho iki cyumba kiri mu murenge wa Kimironko gifashwe n’abandi, gusa hari amakuru y’uko Inama y’Ubutegetsi ya SDU yaba iri gushaka ikindi, ariko hari n’impungenge y’uko itariki impande zose zemeranyijeho ishobora guhinduka.<\/p>\n

Ibibazo bivugwa muri SDU birimo imicungire mibi y\u2019abagize kampani n\u2019umutungo wabo. Byagejejwe mu itangazamakuru na bamwe mu banyamigabane 15 bavuga ko birukanwemo mu buryo butemewe n\u2019amategeko, bazira kubaza ibitagenda neza. <\/p>\n

Inkuru zabanje https:\/\/bwiza.com\/?Bomboribombori-muri-SDU-Umwiryane-ushingiye-ku-miyoborere-mibi-n-inyerezwa-ry<\/p>\n

Ahabanza<\/a><\/p><\/blockquote>\n