Kuri uyu wa Gatanu tariki ya 07\/04\/2017, Akarere ka Nyarugenge kifatanyije n\u2019Abanyarwanda bose muri rusange gutangiza icyumweru cy\u2019icyunamo twunamira ku nshuro ya 23 inzirakarengane zazize Jenoside yakorewe Abatutsi mu Rwanda mu 1994. Ku rwego rw\u2019Akarere ka Nyarugenge umuhango wo gutangiza icyunamo wabereye mu Murenge wa Mageragere, mu Kagari ka Kankuba ahahurijwe abaturage batuye Imidugudu ya Kankuba na Rugendabari.<\/p>\n
Uyu muhango witabiriwe n\u2019abaturage bakabakaba 3000 ndetse n\u2019abayobozi batandukanye barimo Hon. BARIKANA Eugene wari Umushyitsi mukuru, Hon. Agnes MUKAZIBERA, na Hon. Edda MUKABAGWIZA. Hari kandi Umuyobozi w\u2019Umujyi wa Kigali wungirije ushinzwe imibereho myiza y\u2019abaturage, Umuyobozi w\u2019Akarere ka Nyarugenge, Abayobozi b\u2019Akarere ka Nyarugenge bugirije bombi, Umuyobozi w\u2019Inama Njyanama y\u2019Akarere, Bamwe mu bagize Inama Njyanama y\u2019Akarere, Umuyobozi wa IBUKA mu Karere, Abayobozi b\u2019inzego z\u2019umutekano ku rwego rw\u2019Akarere, abayobozi batandukanye ku rwego rw\u2019Umurenge wa Mageragere, abakozi batandukanye b\u2019Akarere ka Nyarugenge, etc<\/p>\n
Uyu muhango watangiye Umuyobozi w\u2019Akarere ka Nyarugenge Madamu KAYISIME NZARAMBA ageza ku bari aho ijambo ry\u2019ikaze kandi anahumuriza abacitse ku icumu baba abatuye mu Murenge wa Mageragere ndetse no mu yindi Mirenge igize Akarere ka Nyarugenge, abasezeranya ko ubuyobozi bw\u2019Akarere buzakomeza gukora uko bushoboye mu rwego rwo kubaba hafi mu buzima bwabo bwa buri munsi.<\/p>\n
Hakurikiyeho amasengesho yayobowe n\u2019abayobozi b\u2019amadini ari bo: Padiri NSHAGAYIMANA Gerald – Padiri mukuru wa Paroisse yitirwe Mutagatifu Karoli Lwanga y\u2019I Nyamirambo, Bishop NZEYIMANA Innocent – Umuyobozi w\u2019Ihuriro ry\u2019amatorero n\u2019amadini mu Karere ka Nyarugenge, na Imam HAGUMIMANA Issa, wasenze mu Izina ry\u2019Abayoboke b\u2019Idini ya Islam. Bose bakaba bahuriye ku gushimira Imana yarinze abanyarwanda mu bihe bibi banyuzemo banayisaba kudukomereza amahoro dufite no gukomeza kurinda igihugu cyacu n\u2019abayobozi bacyo.<\/p>\n
Mu buhamya bwatanzwe n\u2019uwacitse ku icumu wakuriye aho akanahakorera ari umwarimu, Bwana KABANDA Ildephonse, yagaragaje inzira y\u2019umusaraba Abatutsi bo mu cyahoze ari Komine Butamwa (Umurenge wa Mageragere uyu munsi) banyuzemo mu gihe cya Jenoside, agaragaza n\u2019uruhare ubuyobozi bw\u2019icyo gihe bwabigizemo aho kubarengera.<\/p>\n
Mu ijambo umuyobozi wa IBUKA mu Karere ka Nyarugenge yagejeje ku bari aho, nawe yihanganishije abacitse ku icumu ariko mu izina ry\u2019Abacitse ku icumu rya Jenoside yakorewe Abatutsi bo mu Karere ka Nyarugenge ashima byimazeyo izahoze ari ingabo za RPF-INKOTANYI kuko ari zo bakesha kurokoka ubwicanyi bakorewe. Yanaboneyeho umwanya wo gushimira LETA ku nkunga igenera abacitse ku icumu mu rwego rwo kubagarurira icyizere cyo kubaho aho yagaragaje ko mu Murenge wa Mageragere honyine LETA yubakiye imiryango irenga 100, ibi kandi bikaba byarakozwe no mu yindi Mirenge igize Akarere ka Nyarugenge.<\/p>\n
Ikiganiro cyatanzwe ni Ikiganiro cy\u2019amateka n\u2019ishyirwa mu bikorwa rya Jenoside yakorewe Abatutsi cyatanzwe na Hon. Edda MUKABAGWIZA<\/b> wagaragaje mu nshamake imibanire y\u2019abanyarwanda mu bihe bitandukanye, uko amacakubiri yaje, uko Jenoside yateguwe, uko yashyizwe mu bikorwa, ndetse agaragaza amateka yakurikiye Jenoside kugeza uyu munsi.<\/p>\n
Umushyitsi mukuru, Hon. Eugene BARIKANA mu ijambo rye yihanganishije abaturage bo mu Murenge wa Mageragere by\u2019umwihariko abacitse ku icumu. Yashimiye abacitse ku icumu ukuntu bagize uruhare rukomeye mu nzira igoranye y\u2019ubumwe n\u2019ubwiyunge ariko akomeza ashishikariza abagize uruhare muri Jenoside kwegera abo bahemukiye bakabasaba imbabazi bityo Abanyarwanda bose bakubaka igihugu kizira amacakubiri n\u2019umwiryane.<\/p>\n
Uyu muhango wanaranzwe kandi n\u2019indirimbo zo kwibuka z\u2019abahanzi batandukanye barimo Umuhanzi SENDERI Eric na Mutimawurugo Claire na bo bahawe umwanya bagatanga ubutumwa bwabo buhumuriza abacitse ku icumu binyuze mu bihangano byabo. Uyu muhango wasojwe abawitabiriye bakurikirana kuri Radio ubutumwa Umukuru w\u2019Igihugu yageneye uyu munsi bwatangiwe ku rwibutso rwa Jenoside rwa Kigali ku Gisozi.<\/p>\n
Mageragere iri mu cyahoze ari Komini Butamwa. Kimwe n\u2019ahandi mu Rwanda, iki gice cyaberemo ubwicanyi ndengakamere bwakorewe Abatutsi. Ni yo Jenoside yakorewe abatutsi mu 1994. Gusa iki gice gifite umwihariko (nk\u2019uko byagaragaye mu buhamya bwatanzwe) kuko abenshi mu batutsi bishwe bajugunywe mu Mugezi wa Nyabarongo wagabanyaga Komini Butamwa na Komini Runda (Uyu munsi uwo mugezi ugabanya Akarere ka Nyarugenge n\u2019Akarere ka Kamonyi). Mu Murenge wa Mageragere kandi ni hamwe mu Karere ka Nyarugenge hubatswe urwibutso rw\u2019abazize Jenoside yakorewe abatutsi.<\/p>\n
Src:nyarugenge.gov.rw<\/p>\n
Abakeneye ko bwiza.com yazabasura, n\u2019igihe mukeneye ko hari ibitangazwa mu binyamakuru byayo wakwandika kuri E-mail ya meckypro@gmail.com,<\/a>cyangwa mugahamagara kuri 0784685981.<\/em> <\/strong> Kuri uyu wa Gatanu tariki ya 07\/04\/2017, Akarere ka Nyarugenge kifatanyije n\u2019Abanyarwanda bose muri rusange gutangiza icyumweru cy\u2019icyunamo twunamira ku nshuro ya 23 inzirakarengane zazize Jenoside yakorewe Abatutsi mu Rwanda mu 1994. Ku rwego rw\u2019Akarere ka Nyarugenge umuhango wo gutangiza icyunamo wabereye mu Murenge wa Mageragere, mu Kagari ka Kankuba ahahurijwe abaturage batuye Imidugudu ya […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-5660","post","type-post","status-publish","format-standard","hentry","category-politiki-rw"],"yoast_head":"\n
\n\u00a0
\n K<\/a>anda hano ujye ubona amakuru yihuse kandi kugihe kuri Facebook <\/a>no kuri twitter<\/a><\/strong>
\n\u00a0
\n @bwiza.com<\/em> <\/strong> <\/p>\n","protected":false},"excerpt":{"rendered":"