Mu rwego rwo gukomeza Kwibuka ku nshuro ya 23 Jenoside yakorewe Abatutsi muri iki cyumweru cy\u2019icyunamo hateguwe gahunda yo gusura inzibutso za Jenoside zitandukanye hirya no hino mu Gihugu hagamijwe Kwibuka no gusobanukirwa neza amateka ya Jenoside yakorewe Abatutsi kuri izo nzibutso no mu duce ziherereyemo.<\/p>\n
Ni muri urwo rwego kuri uyu wa 08 Mata 2017, ari kumwe na minisitiri w\u2019Ubuhinzi n\u2019Ubworozi Dr Mukeshimana Gerardine, Umunyamabanga wa Leta muri Minisiteri y\u2019Ubutegetsi bw\u2019Igihugu Munyeshaka Vincent n\u2019 abandi bayobozi batandukanye, Perezida w\u2019Urukiko rw\u2019Ikirenga Prof. Rugege Sam basuye urwibutso rwa Jenoside rwa Nyarubuye ruherereye mu Murenge wa Nyarubuye, Akarere ka Kirehe, mu Ntara y\u2019Uburasirazuba, yifatanya n\u2019abaturage baho mu kwibuka abazize Jenoside bashyinguye mu rwibutso rwa Jenoside rwa Nyarubuye.<\/p>\n
Jenoside yakorewe Abatutsi mu 1994 yahitanye abasaga miliyoni imwe . Urwibutso rwa Jenoside rwa Nyarubuye rushyinguyemo Abatutsi bagera ku 58, 387, bazize Jenoside.<\/p>\n
Mu buhamya bwabo, Mukanoheri Th\u00e9opiste warokokeye i Nyarubuye na Mfashingabo Matayo wagize uruhare runini mu kurokora abatutsi benshi b\u2019i Nyarubuye, bagarutse ku nzira y\u2019umusaraba Abatutsi b\u2019i Nyarubuye baciyemo nk’uko iyi nkuru dukesha urubuga rwa CNLG ikomeza ivuga.<\/p>\n
Mukanoheri yagize ati: \u201cnyuma y\u2019ihanurwa ry\u2019indege y\u2019uwari Perezida w\u2019u Rwanda, nanjye kimwe n\u2019abandi batutsi benshi ba Nyarubuye nanjye nahungiye kuri Kiliziya ya Nyarubuye, kuko twari twarabwiwe ko iyo uhungiye mu nzu y\u2019Imana ntawahagusanga ngo akwice ;nyuma Gacumbitsi Sylvestre wari Burugumesitiri wa Komini Rukira yaje kubara Abatutsi bari bahungiye i Nyarubuye, icyo gihe twibwiraga ko ari ukugira ngo abone uko aduha imfashanyo nyamara we yarashakaga kumenya umubare w\u2019Interahamwe zikenewe mu kutwica.<\/p>\n
[xyz-ihs snippet=”google-pub”]<\/p>\n
Ariko kubera ko nakomezaga kumva amasasu, naje kubona ko nta mutekano uhari mpita mpava nigira kwihisha mu rufunzo nyuma naje kumenya amakuru ko Abatutsi bari ku Kiliziya ya Nyarubuye bose bishwe. Nyuma naje kujya kwihisha mu rugo rw\u2019umugabo wari utuye hafi aho ,naho Interahamwe zinsangayo, agerageza kundwanaho ariko biba iby\u2019ubusa zirantwara zinjyana ahantu hari icyobo mpasanga abandi batutsi bagera kuri 40, zatangiye kutwica umwe umwe zijugunya muri cya cyobo, uwari ufite agafuni angezeho yanga kunyica kubera ko nari narigeze kumugurira isegereti ikamuvura ikirungurira.<\/p>\n
Hanyuma imwe muri inzo nterahamwe ivuga ko injyana ikangira umugore wayo, nuko turagenda dukomeza umuhanda tugeze imbere zibona imodoka zikanga ko ari iy\u2019Inkotanyi zirambwira ngo ninkomeze umuhanda wose turahurira imbere,nuko nzicika ntyo, nyuma nza kurokorwa n\u2019ingabo za FPR\u201d<\/p>\n
Naho Mfashingabo wigeze no kuba umwungiriza wa burugumesitiri mu 1990 yagarutse ku mateka y’ivangura cyane cyane mu mashuri, aho bahagurutsaga abana mu mashuri bashingiye ku moko, n’ibindi birimo kubita inzoka. Yavuze ko impamvu i Nyarubuye habaye ubwicanyi bw\u2019indengakamere ari uko hari ku nzira y\u2019interahamwe ziturutse mu tundi duce zanyuragamo zihunga zerekeza muri Tanzaniya zahagera nazo zigafatanya n\u2019iz\u2019i Nyarubuye kwica Abatutsi.<\/p>\n
Yavuze ko yafashe umwanzuro wo kurokora Abatutsi afatanyije n\u2019abo bari kumwe mu ishyirahamwe bakajya babambutsa bakoresheje ubwato bakaberekeza muri Tanzaniya. Yavuze ko bitari byoroshye kuko Interahamwe zamenye ko bahungisha Abatutsi maze nabo zitangira kubahiga ndetse bamwe baricwa.<\/p>\n
Prof Sam Rugege wari umushyitsi yavuze ko kwibuka bihesha agaciro abatuvuyemo kandi bikatwubakamo imbaraga zo kwiteza imbere no gukomeza kwiyubakira Igihugu. Yashishikarije buri munyarwanda wese gutanga amakuru ku ngengabitekerezo ya Jenoside kabone n\u2019aho uwo igaragayeho yaba ari umuvandimwe wawe.<\/p>\n
Yibukije ko ari inshingano ya buri wese gufata neza inzibutso kuko zibitse abacu tukabona aho tuzahora tubibukira, anavuga ko ari umwihariko wo kugaragaza amateka mabi twanyuzemo kugira ngo abavutse nyuma ya 1994 n\u2019abanyamahanga bamenye ibyabaye.<\/p>\n
Uyu mwaka, Kwibuka Jenoside yakorewe Abatutsi bigendera ku nsanganyamatsiko igira iti: \u201cTwibuke Jenoside yakorewe Abatutsi, turwanya ingengabitekerezo ya Jenoside, dushyigikira ibyiza twagezeho\u201d.<\/p>\n
Abakeneye ko bwiza.com yazabasura, n\u2019igihe mukeneye ko hari ibitangazwa mu binyamakuru byayo wakwandika kuri E-mail ya meckypro@gmail.com, <\/a>cyangwa mugahamagara kuri 0784685981.<\/em> <\/strong> Mu rwego rwo gukomeza Kwibuka ku nshuro ya 23 Jenoside yakorewe Abatutsi muri iki cyumweru cy\u2019icyunamo hateguwe gahunda yo gusura inzibutso za Jenoside zitandukanye hirya no hino mu Gihugu hagamijwe Kwibuka no gusobanukirwa neza amateka ya Jenoside yakorewe Abatutsi kuri izo nzibutso no mu duce ziherereyemo. Ni muri urwo rwego kuri uyu wa 08 Mata […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-5691","post","type-post","status-publish","format-standard","hentry","category-politiki-rw"],"yoast_head":"\n
\n K<\/a>anda hano ujye ubona amakuru yihuse kandi kugihe kuri Facebook <\/a>no kuri twitter<\/a><\/strong>
\n @bwiza.com<\/strong> <\/em> <\/p>\n","protected":false},"excerpt":{"rendered":"