{"id":6372,"date":"2017-06-17T09:25:49","date_gmt":"2017-06-17T09:25:49","guid":{"rendered":"https:\/\/new.bwiza.com\/2017\/06\/17\/umurundi-yahaye-perezida-kagame-inka-anamushimira-kwihanganira-imbonerakure\/"},"modified":"2025-02-12T16:00:03","modified_gmt":"2025-02-12T14:00:03","slug":"umurundi-yahaye-perezida-kagame-inka-anamushimira-kwihanganira-imbonerakure","status":"publish","type":"post","link":"https:\/\/bwiza.com\/?p=6372","title":{"rendered":"Umurundi yahaye Perezida Kagame inka, anamushimira kwihanganira Imbonerakure zihigira kuzamumesa"},"content":{"rendered":"

Umugabo ukomoka mu Burundi yijeje Perezida Kagame kuzamuha inka, anamushimira uburyo yakiriye impunzi z\u2019Abarundi, n\u2019uburyo yihanganira ubushotoranyi akorerwa.<\/em> <\/strong> <\/p>\n

Ubwo Perezida Kagame yakiraga ibibazo n\u2019ibitekerezo by\u2019abari bitabiriye Rwanda day 2017, mu Bubiligi, ku wa Gatandatu tariki ya 10 Kamena 2017, nibwo Umurundi yamushimiye anamwizeza kuzamuha inyana.<\/p>\n

Rugambarara Adrien wari wakomeje kuzamura akaboko agaragaza ko hari icyo ashaka kubaza, yambaye idarapo ry\u2019u Burundi ndetse anafite mu ntoki iry\u2019u Rwanda, uyu mugabo yabanje gushima Perezida Kagame, mu gihe nawe yari abanje kumusaba kutamujyana muri Politiki z\u2019i Burundi.<\/p>\n

Ati \u201cMbere na mbere mbanje kubashimira, ubundi njyewe ndi umugenzi w\u2019Abarundi, mubonye n\u2019imyambaro nambaye, murabona ko nkunda Abanyarwanda cyane, nshaka gushimira umukuru w\u2019igihugu cy\u2019u Rwanda kuba yarabashije kuba yarashoboye kwakira impunzi z\u2019Abarundi kandi no kubafasha abakiri bato bakajya mu mashuli.
\n

\"\"<\/a>
Rugambarara Adrien, ashimira Perezida Kagame<\/em> <\/strong><\/figcaption><\/figure><\/p>\n

Yakomeje agira ati \u201cTurasaba ko mwafasha n\u2019abandi kuko ni Burundi bw\u2019ejo [\u2026], hanyuma ndashaka kubashimira bivuye ku mutima, ku bwitonzi mugira murebye abantu bo hafi mubana mu Burundi bagenda ku mipaka bagakoronga ngo bazobamesa. Mwarashoboye kwihangana turabibashimira cyane\u201d.<\/p>\n

Uyu mugabo yijeje Perezida Kagame kuzamuha inka, umunsi azaba yasubiye iwabo i Burundi, ati \u201cMugabo, iwacu turatanga inka, mugabo kuko nkiri impunzi, mu gihe iwacu hazaboneka amahoro, nzabatwara i Burundi mbahe inyana [ amashyi menshi cyane<\/em> ]. Perezida Kagame n\u2019ibitwenge byinshi ati \u201cNkuye ubwatsi\u201d.
\n[xyz-ihs snippet=”google-pub”]<\/p>\n

Kutumvikana hagati y\u2019ubutegetsi bw\u2019u Burundi n\u2019u Rwanda byatangiranye no kongera kwiyamamaza kwa Perezida Nkurunziza kuri manda ya gatatu (2015), ibi byarakomeje kugera aho mu Burundi hagiye haba imyigaragambyo mu bice bitandukanye bamwamagana ariko birangira atsinze amatora.<\/p>\n

Nyuma y’amatora imyigaragambyo yarakomeje y’abamushyigikiye [Nkurunziza] bamagana abarwanya ubutegetsi bwe ari naho bazanagamo n’u Rwanda, rimwe na rimwe imyigaragambyo ikagera mu bice bihana imbibi n\u2019u Rwanda, Imbonerakure, urubyiruko rw\u2019ishyaka CNDD FDD riri ku butegetsi baririmba indirimbo zifitiye urwango u Rwanda na Perezida Kagame.<\/p>\n

Muri izo ndirimbo z\u2019Imbonerakure, niho hagiye humvikana amagambo akarishye, aho bavugaga ko bazasanga impunzi z\u2019Abarundi zahungiye mu Rwanda zitavuga rumwe n\u2019ubutegetsi buriho mu Burundi bakazimesa, bakongeraho ko bazomesa na Perezida w\u2019u Rwanda.<\/p>\n

Perezida Kagame yahakanye kenshi ko u Rwanda ntaho ruhuriye n\u2019ibibazo by\u2019u Burundi, ko ibyo Abarundi bavuga atari ukuri, ko ari bo ubwabo ba nyirabayazana w’ibibazo bafite, yanagarutse ku myigaragambyo aba baturanyi bakoze bamwamagana bavuga ko bazomumesa, Perezida Kagame yavuze ko ibyo ari ukwivugira ati \u201cBagomba kuba babizi, ubwo ni za mbibi ziba zitararengwa\u201d.<\/p>\n

Ijambo kumesa, mu kirundi risobanura kwica<\/strong> <\/p>\n

Nubwo Abarundi bagiye bakoresha iyi mvugo, ntabwo yanejeje Abanyarwanda, mu gihe Abarundi n\u2019Abanyarwanda bamwe bafata abandi nk\u2019abavandimwe.<\/p>\n

Ingabo z\u2019u Rwanda nazo ntabwo zishimira ubu bushotoranyi, aho Umuyobozi w\u2019ingabo z\u2019u Rwanda mu karere ka Nyarugenge na Gasabo, Lt Col Mutembe Frank, yatangaje ko abibwira ko bahungabanya umutekano w\u2019u Rwanda bishuka.
\n

\"\"<\/a>
Lt Col Mutembe Frank<\/em> <\/strong><\/figcaption><\/figure><\/p>\n

Muri Gashyantare uyu mwaka, mu muhango wo kwizihiza umunsi w\u2019Intwari mu Rwanda, mu karere ka Nyarugenge, Lt Col Mutembe yagize ati \u201cba bandi bajya bibibeshya ngo bazatumesa, bazibeshye tubamese ari twe nibwo bazabimenya ko tudakinishwa\u201d.<\/p>\n

Lt Col Mutembe yakomeje avuga ko nta na rimwe umwanzi w\u2019igihugu azigera akigeramo ahubwo ko ingabo z\u2019u Rwanda ari zo zizamutanga zikamusanga aho agomba guturuka ariko umutekano ukarindwa.<\/p>\n

Imvururu zatangiye mu gihugu cy’u Burundi kuva mu mwaka wa 2015, ubwo ishyaka CNDD FDD ryatangaga Perezida Nkurunziza nk’umukandida uzarihagararira mu matora, hakurikiyeho imyigaragambyo yo kumwamagana, bamwe bashaka no guhirika ubutegetsi ku ngufu, abaturage bamwe barishwe ababashije guhunga baragenda, ku buryo ubu impunzi z’Abarundi ziri mu Rwanda zisaga ibihumbi 44.<\/p>\n

\n
\"YouTube