Umuryango FPR Inkotanyi ugaragaza ko mu bikorwa politiki byawo bizashyirwa mu bikorwa kuva mu mwaka wa 2017 kugeza mu wa 2024 , izateza imbere uburezi bufite ireme, bugera kuri bose, mu gihe abaturage bose bazafashwa kwivuza neza kandi bagahabwa n\u2019ubuvuzi bwihariye.<\/p>\n
Uyu muryango ugaragaza ko uzageza ku Banyarwanda izi serivisi ibicishije muri gahunda y\u2019imibereho myiza, izubakira ku bindi wagiye ugeraho.
\n[xyz-ihs snippet=”google-pub”]<\/p>\n
Ibyo wakoze muri manda ishize ya 2010- 2017 byari byashyizwe muri Manifesto yawo<\/strong> <\/p>\n Guverinoma y\u2019u Rwanda iyobowe n\u2019Umuryango FPR-INKOTANYI, yashyizeho ibyangombwa by\u2019ibanze kugira ngo Umunyarwanda abeho neza. Aho u Rwanda rugeze ubu, ni ngombwa ko haterwa indi ntambwe iganisha ku Munyarwanda ushoboye, ufite ubumenyi, ubuzima bwiza, kandi ubayeho neza, mu muryango utekanye. Iyi akaba ari yo ntego FPR INKOTANYI ifite muri iyi Manifesto ya 2017-2024.<\/p>\n Mu Burezi<\/strong> <\/p>\n Mu burezi, hashyizweho gahunda y\u2019uburezi bw\u2019ibanze kuri bose (12 YBE), hongerewe umubare w\u2019ibyumba by\u2019amashuri, hatangijwe gahunda y\u2019amashuri y\u2019imyuga (TVETs) ku rwego rw\u2019Igihugu, hanavugururwa imfashanyigisho bigamije guhuza inyigisho n\u2019ibikenewe ku isoko ry\u2019umurimo.Umubare w\u2019amashuri makuru na Kaminuza wariyongereye.<\/p>\n Mu buzima<\/strong> <\/p>\n Hashyizweho gahunda zifatika zo guteza imbere ubuzima, harimo gushyira imbaraga mu bwisungane mu kwivuza, aho 84% y\u2019Abanyarwanda bafite ubwisungane mu kwivuza. Serivisi z\u2019ubuzima zakomeje kwegerezwa abaturage, ku buryo mu gihugu cyose, umubare w\u2019ibigo by\u2019ubuvuzi wavuye kuri 579 mu 2010 ugera kuri 905 mu 2015.<\/p>\n Umubare w\u2019abaforomo wavuye kuri 8,049 mu 2010 ugera kuri 8,898 mu 2015, na ho uw\u2019abaganga wavuye kuri 604 mu 2010 ugera kuri 709 mu 2015. Hanashyizweho kandi abajyanama b\u2019ubuzima mu midugudu yose.<\/p>\n Impfu z\u2019abana zaragabanutse ziva kuri 76 ku 1,000 zigera kuri 50 ku1,000. Iz\u2019 ababyeyi bapfa babyara, nazo zaragabanutse ziva kuri 476 ku bihumbi 100 zigera kuri 210. Ibi byose byagezweho byagezweho hagati ya 2010-2014.<\/p>\n Ababana n\u2019ubwandu bwa SIDA bose babona imiti igabanya ubukana, bagiye babumbirwa no muri za koperative zitandukanye zituma bakomeza kwisungana no kwiteza imbere.<\/p>\n Abanyarwanda bakomeje kwitabira gahunda yo kuboneza urubyaro, ku buryo umubare w\u2019abana bavuka ku mugore wagabanutse kuva kuri 4.6 kugeza kuri 4.2.<\/p>\n Hashyizweho Ikigega cy\u2019ubwishingizi gifasha abagore bakorera umushahara, babyaye, kubona umushahara wabo wose mu gihe cy\u2019ikiruhuko cy\u2019ababyeyi cy\u2019amezi atatu.<\/p>\n Hakomeje kandi gushyirwa imbaraga mu gukangurira Abanyarwanda bose kugira isuku.<\/p>\n Ibyakozwe mu gufasha abatishoboye no guteza imbere imibereho myiza y\u2019abaturage<\/strong> <\/p>\n Gahunda ya Girinka yakomeje gushyirwa mu bikorwa, ifasha mu kugabanya ikibazo cy\u2019imirire mibi cyane cyane mu bana.<\/p>\n Abaturage bari batuye muri Nyakatsi bafashijwe gutura heza, gahunda ya VUP yashyizwe mu bikorwa mu mirenge yose 416, aho mu mwaka wa 2010 yari mu mirenge 60.<\/p>\n Ingengo y\u2019imari yo gufasha abatishoboye yikubye inshuro zirenze ebyiri. Na ho umubare w\u2019abatishoboye babona inkunga y\u2019ingoboka wavuye ku ngo 9,692 ugera kuri 85,899. Inguzanyo ziciriritse ku baturage bo mu cyaro zatanzwe mu rwego rwa VUP zingana na miliyari 25 z\u2019amafaranga y\u2019u Rwanda zahawe imishinga mito ingana na 93,962 irimo abaturage 366,558.<\/p>\n Ibi byose byagize uruhare mu gukura abaturage mu bukene bukabije, bityo bashobora kuzamura impuzandengo y\u2019imyaka yo kubaho y\u2019Umunyarwanda, aho yavuye ku myaka 62 mu 2010 ikagera ku myaka 67 mu 2016.<\/p>\n Ibiteganyijwe muri 2017-2024 <\/strong> <\/p>\n Nubwo uyu muryango wemeza ko wafashije Abanyarwanda kugera kuri byinshi ngo gahunda z\u2019imibereho myiza ziracyafite intambwe zigomba gutera, kugira ngo Umunyarwanda arusheho kubaho neza. Ni yo mpamvu, Umuryango FPR-INKOTANYI uzibanda kuri izi gahunda zikurikira.<\/p>\n Uzubaka uburezi bufite ireme, bugera kuri bose, kandi buteza imbere ubukungu bushingiye ku bumenyi. Ibyo bizajyana no gushyiraho uburyo bunoze bwo guteza imbere ubuzima buzira umuze, hirindwa indwara, habonezwa urubyaro, hanigishwa ubuzima bw\u2019imyororokere kuri bose, no mu rubyiruko by\u2019umyihariko.<\/p>\n Uzashyiraho uburyo buhamye bwo kurengera abatishoboye no guteza imbere imibereho y\u2019abaturage, hagamijwe kurandura ubukene bukabije no kubaka umuco wo kwigira. Kugira umuryango nyarwanda wishoboye, uha agaciro umugore n\u2019umwana, kandi ukaba ipfundo ry\u2019umuco n\u2019iterambere by\u2019Igihugu.<\/p>\n Uzihatira gutanga serivisi z\u2019ubuzima zifite ireme kuri bose, kandi zishyira imbere inyungu z\u2019umuturage. Kugira Umunyarwanda ushoboye, ufite ubumenyi, ubuzima bwiza, kandi ubayeho neza mu muryango.<\/p>\n Uyu muryango ugamije kugira Umunyarwanda ushoboye, ufite ubumenyi, ubuzima bwiza, kandi ubayeho neza mu muryango utekanye. Ku bw\u2019izo mpamvu, hazakorwa ibikorwa bitandukanye.<\/p>\n Uti “Hazashyirwaho uburezi bufite ireme, bugera kuri bose, kandi buteza imbere ubukungu bushingiye ku bumenyi. Hazaharanirwa uburezi bwa bose, by\u2019umwihariko ku rwego rw\u2019amashuri y\u2019incuke, n\u2019urw\u2019abafite ubumuga.”<\/p>\n Ingufu zizakomeza kwongerwa mu guhangana n\u2019ikibazo cy\u2019abana bata ishuri; Hazongerwa ireme ry\u2019 uburezi mu bufatanye n\u2019 abikorera, hazamurwe ubumenyi n\u2019imibereho myiza by\u2019abarezi, abanyeshuri bagezweho ibikoresho bakeneye.Hazongerwa umubare w\u2019amashuri y\u2019ubumenyi rusange n\u2019ay\u2019imyuga, yongererwe ubushobozi, hibandwa ku bumenyi n\u2019ubumenyingiro, bijyanye n\u2019isoko ry\u2019umurimo no kwihangira imirimo.<\/p>\n Hazubakwa urwego rw\u2019ikoranabuhanga mu burezi mu byiciro by\u2019amashuri byose, hagamijwe kugira uburezi bw\u2019indashyikirwa. Hazongerwa umubare w\u2019amashuri y\u2019icyitegererezo, harimo n\u2019ay\u2019abikorera, bigamije kwigishiriza mu Rwanda abashaka amashuri meza hanze.<\/p>\n Umuryango uvuga ko uzubaka Serivisi z\u2019ubuzima zifite ireme kuri bose kandi zishyira imbere inyungu z\u2019umuturage.<\/p>\n Uti “Hazashyirwaho uburyo butuma abaturage bose bashobora kwivuza neza bakabona ubuvuzi bwihariye , kandi havugururwe ubwishingizi mu buvuzi.”<\/p>\n Izo mbaraga kandi zizongerwa u mirire myiza y\u2019abana, hanagabanywe impfu z\u2019abana n\u2019ababyeyi bapfa babyara.<\/p>\n Umubare w\u2019abaganga, abaforomo, abaganga b\u2019inzobere, n\u2019 abayobozi b\u2019ibitaro uzongerwa, hanazamurwa ireme ry\u2019 imyigishirize yabo.<\/p>\n Umuco wo kwirinda indwara muri rusange, iz\u2019ibyorezo n\u2019izitandura by\u2019umwihariko nazo uzatezwa imbere hagamijwe kugira abaturage bafite ubuzima bwiza n\u2019ingufu zo gukorera igihugu.<\/p>\n Mu bindi, hazashyirwaho ibigo by\u2019ubuvuzi bw\u2019icyitegererezo, birimo n\u2019iby\u2019abikorera, hagamijwe kuvurira mu gihugu Abanyarwanda n\u2019abanyamahanga.<\/p>\n Hazatezwa imbere inganda zikora imiti n\u2019ibikoresho byo kwa muganga, kandi hashyirwe imbaraga mu bushakashatsi bujyanye n\u2019ubuvuzi.<\/p>\n Ibyo bizajyana no gushyiraho uburyo bunoze bwo guteza imbere ubuzima buzira umuze, hirindwa indwara, habonezwa urubyaro, hanigishwa ubuzima bw\u2019imyororokere kuri bose, no mu rubyiruko by\u2019umwihariko.<\/p>\n Uyu muryango uvuga ko uzimakaza umuco w\u2019isuku n\u2019isukura mu baturage, hubakwe uburyo buhoraho bwo gukurikirana ishyirwa mu bikorwa mu nzego zose.<\/p>\n Hazashyirwaho uburyo bunoze butuma siporo kuri bose, imikino n\u2019imyidagaduro biba umuco n\u2019umwuga mu Banyarwanda.<\/p>\n Uburyo bukoreshwa mu guteza imbere siporo buzavugururwa, hashyirwa imbara mu mikino n\u2019imyidagaduro mu mashuri no kwigisha ubuzima bw\u2019imyororokere, hagamijwe guca inda zitateganyijwe n\u2019indwara zandura mu rubyiruko, no gukangurira Abanyarwanda gahunda yo kuboneza urubyaro.<\/p>\n Hazashyirwaho uburyo buhamye bwo kurengera abatishoboye hatezwe imbere imibereho y\u2019abaturage, hagamijwe kurandura ubukene bukabije no kubaka umuco wo kwigira. Hazanozwa imikorere ya gahunda zifasha abatishoboye, hagamijwe kubatoza imyumvire yo kwigira.<\/p>\n FPR Inkotanyi izanoza imikoranire ihamye hagati y\u2019inzego za Leta, imiryango itari iya Leta, amadini n\u2019amatorero n\u2019abikorera, hagamijwe kurandura ubukene bukabije.<\/p>\n Hazashyirwaho uburyo bwihariye kandi bushingiye ku muco nyarwanda bwo kwita ku bageze mu zabukuru n\u2019abafite ubumuga batishoboye.<\/p>\n Mu bindi hazashyirwa imbaraga mu buryo bwo gufasha imiryango ikennye kubona amatungo magufi, no muri gahunda ya Girinka, hananozwe imicungire yayo.<\/p>\n Ingingo yindi ni uguharanira kugira umuryango nyarwanda wishoboye, uha agaciro umugore n\u2019umwana, kandi ukaba ipfundo ry\u2019umuco n\u2019iterambere by\u2019Igihugu, abagore n\u2019urubyiruko bakomeza kugira uruhare rugaragara mu iterambere ry\u2019Igihugu, binyuze mu kubaka ubushobozi, gukorera mu makoperative no gukoresha neza ibigo by\u2019imari n\u2019ikoranabuhanga.<\/p>\n Izindi ngamba zizashyirwaho kandi zihoraho zigamije guhashya ihohoterwa rishingiye ku gitsina n\u2019irikorerwa abana, hashingiwe ku gukumira, guhana abarikora no gufasha abarikorewe.<\/p>\n Hazakomezwa gahunda yo kurerera abana b\u2019imfubyi mu muryango. Hazanozwa gahunda nyinshi zikorerwa ku rwego rw\u2019umudugudu, kugira ngo zitange umusaruro.<\/p>\n Icuruzwa n\u2019ikoreshwa ry\u2019ibiyobyabwenge mu byiciro byose by\u2019abaturage bizakomeza gukumirwa , himakazwa n\u2019indangagaciro z\u2019umuco nyarwanda, inzego zibishinzwe zikangurirwe gushaka no gutunganya ibibuga bya siporo mu tugari n\u2019inzu z\u2019urubyiruko ku murenge, ku bufatanye bw\u2019abaturage, abikorera n\u2019 imiryango itari iya Leta, hagamijwe guteza imbere impano ziboneka mu rubyiruko no mu bahanzi by\u2019umwihariko.<\/p>\n Ikinyarwanda n\u2019umuco nyarwanda bizigishwa mu buryo buhamye bwo kwigisha ku Banyarwanda bo mu mahanga n\u2019ab\u2019imbere mu gihugu, hakoreshejwe ikoranabuhanga, n\u2019itorero ku mudugudu. Umuryango FPR Inkotanyi ugaragaza ko mu bikorwa politiki byawo bizashyirwa mu bikorwa kuva mu mwaka wa 2017 kugeza mu wa 2024 , izateza imbere uburezi bufite ireme, bugera kuri bose, mu gihe abaturage bose bazafashwa kwivuza neza kandi bagahabwa n\u2019ubuvuzi bwihariye. Uyu muryango ugaragaza ko uzageza ku Banyarwanda izi serivisi ibicishije muri gahunda y\u2019imibereho myiza, […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-6512","post","type-post","status-publish","format-standard","hentry","category-amakuru-rw"],"yoast_head":"\n
\n\u00a0
\n Kanda hano ujye ubona amakuru yihuse kandi kugihe kuri Facebook <\/a>no kuri twitter<\/a><\/strong>
\n\u00a0
\n Ntakirutimana Deus<\/strong> <\/p>\n","protected":false},"excerpt":{"rendered":"