Umuryango FPR-INKOTANYI ufata Imiyoborere myiza n\u2019Ubutabera nk\u2019ishingiro ry\u2019Igihugu gikomeye kandi gitekanye kandi bikaba ari ingobyi y\u2019iterambere ry\u2019umuturage n\u2019iry\u2019Igihugu muri rusange. Ni yo mpamvu, uhora uharanira kwimakaza imiyoborere myiza n\u2019ubutabera bibereye Abanyarwanda kandi bigera kuri bose.<\/p>\n
Uyu muryango ugaragaza ko imiyoborere myiza n\u2019ubutabera bizakomeza kwitabwaho mu 2017-2024, binyuze mu gushimangira ingingo zitandukanye nkuko byakozwe mu myaka yashize. Ibyo ni ugusigasira Ubumwe bw\u2019Abanyarwanda, Umutekano no kurinda Igihugu, Ububanyi n\u2019amahanga n\u2019ubutwererane, ubutabera butsura iterambere, kubaka inzego n\u2019 imikorere n\u2019imikoranire yazo n\u2019ibyiciro byihariye.<\/p>\n
Ibyagezweho mu miyoborere myiza n\u2019ubutabera mu 2010 -2017<\/strong> <\/p>\n Urwego rw\u2019 Imiyoborere myiza n\u2019Ubutabera rwakomeje kwiyubaka hagamijwe kwihutisha iterambere kuri bose.<\/p>\n Mu kubaka ubumwe bw\u2019Abanyarwanda n\u2019ubukangurambaga ku ndangagaciro zihutisha iterambere: Igipimo cy\u2019ubumwe n\u2019ubwiyunge bw\u2019Abanyarwanda cyarazamutse ndetse kirenga 92% mu 2016 kivuye kuri 82% mu 2010;<\/p>\n Hashyizweho gahunda ya \u00ab Ndi Umunyarwanda \u00bb n\u2019iy\u2019Abarinzi b\u2019Igihango, zafashije Abanyarwanda mu gushimangira ubumwe n\u2019ubwiyunge. Inzego z\u2019umutekano zose zongerewe ubushobozi, bituma zirushaho gukora neza no kugeza ku Banyarwanda umutekano usesuye:<\/p>\n Mu ruhando mpuzamahanga, u Rwanda ubu ruri ku mwanya wa mbere muri Afurika, rukaba urwa 5 ku Isi, mu kugira umutekano usesuye, haba ku manywa cyangwa n\u2019ijoro;<\/p>\n Igipimo cy\u2019uko Abanyarwanda bishimiye umutekano wabo n\u2019ibyabo cyariyongereye; ubu kiri kuri 92%. Icyizere Abanyarwanda bafitiye inzego z\u2019umutekano na cyo cyarazamutse : 99% ku ngabo z\u2019Igihugu na 97.6% kuri Polisi y\u2019Igihugu. Mu bubanyi n\u2019amahanga n\u2019ubutwererane:<\/p>\n Umubare w\u2019Ambasadi z\u2019 u Rwanda mu mahanga wikubye hafi kabiri; ziganjemo cyane cyane izo muri Afurika; Umubare wose w\u2019Ambasade ni 34 na Biro z\u2019abahagarariye inyungu z\u2019u Rwanda mu mahanga (consulates) ni 37 ;<\/p>\n U Rwanda ruri ku mwanya wa gatanu ku Isi mu bihugu byohereza ingabo zabyo mu kubungabunga amahoro ku isi;<\/p>\n RwandAir yaguye amarembo y\u2019 u Rwanda mu mahanga, ubu ikaba igera mu migi 21 yo ku Isi;<\/p>\n Abanyarwanda baba mu mahanga barushijeho kwiyumva mu Gihugu cyabo, binyujijwe muri gahunda zitandukanye, nka \u00ab Rwanda Day \u00bb na \u201cCome and see\u201d.<\/p>\n Mu butabera<\/strong> <\/p>\n Hongerewe imbaraga muri gahunda zo kwegereza abaturage ubutabera (Abunzi, Inteko z\u2019abaturage, MAJ), bituma abaturage bishimira serivisi z\u2019ubutabera biyongera, ubu akaba ari 76.7%;<\/p>\n Havugururwe amategeko menshi agamije kwihutisha iterambere n\u2019imibereho myiza y\u2019Abanyarwanda, harimo Itegeko rigenga Abantu n\u2019Umuryango, Itegeko rigamije guteza imbere no korohereza ishoramari, Itegeko rigenga Ubutaka mu Rwanda, n\u2019andi;<\/p>\n Hatangijwe uburyo bushya bw\u2019ikoranabuhanga bwo kwihutisha ubutabera ndetse u Rwanda rubihererwa igihembo ku rwego rw\u2019 Afurika;<\/p>\n Ibirarane by\u2019imanza mu nkiko byagabanutseho 70% kuva mu 2011\/12 kugeza mu 2015\/16. Mu mikorere n\u2019imikoranire:<\/p>\n U Rwanda ubu ni Igihugu cya mbere ku Isi cyakoze impinduka zirwanya ruswa. Ubu abaturage 87.9% bemeza ko batigeze bahura na ruswa mugihe cy\u2019umwaka wose ;<\/p>\n Gahunda yo kwegereza ubuyobozi n\u2019ubushobozi abaturage yongerewe imbaraga, Ingengo y\u2019imari izigenerwa yikubye inshuro zirenga 3, bituma abaturage barushaho kwihuta mu iterambere;<\/p>\n U Rwanda ruri mu bihugu biza ku isonga mu miyoborere izamura imibereho myiza y\u2019abaturage; u Rwanda ni urwa kabiri muri Afurika mu kugira amategeko yorohereza ishoramari, rukaba urwa karindwi ku isi mu kugira Leta ikora neza;<\/p>\n Ibizakorwa<\/strong> <\/p>\n Mu bumwe bw\u2019abanyarwanda<\/strong> <\/p>\n Hazashimangirwa ubumwe bw\u2019Abanyarwanda, baharanira kugira Igihugu gikomeye kandi gitekanye:<\/p>\n Hazashyirwa imbaraga mu gutoza no kwigisha mu mashuri no mu miryango, indangagaciro n\u2019umuco w\u2019ubunyangamugayo (integrity), ubwizerane, kwanga akarengane no kuzirana na ruswa mu Banyarwanda, cyane cyane abakiri bato.<\/p>\n Hazakomeza kwimakazwa ubumwe n\u2019ubwiyunge mu Banyarwanda, hashyirwa imbaraga muri gahunda ya \u00ab Ndi Umunyarwanda \u00bb, Abarinzi b\u2019Igihango no komora ibikomere byasizwe na Jenoside yakorewe Abatutsi.<\/p>\n Gahunda zo kurwanya ingengabitekerezo ya Jenoside mu Banyarwanda n\u2019ahandi hose igaragara zizakomeza kongerwamo imbaraga.<\/p>\n Izi mbaraga kandi ziazongerwa mu guteza imbere uburinganire hagati y\u2019abagore n\u2019abagabo, Abanyarwanda bahabwe amahirwe angana, hanatezwa imbere umuco wo kuzamura abafite intege nke. FPR ikomeza ivuga ko izubaka iigo cy\u2019Itorero ry\u2019Igihugu cy\u2019icyitegererezo ku rwego rw\u2019Igihugu, hanubakwe ikindi kigo-nyunganizi muri buri Ntara, kugira ngo bifashe kuzamura imyumvire itsura iterambere no kwigira<\/p>\n Umutekano no kurinda igihugu <\/strong> <\/p>\n Uyu muryango usezeranya guharanira kugira inzego z\u2019umutekano zifite ubushobozi bwo gukomeza guha Abanyarwanda umutekano usesuye, kurinda Igihugu no kugira uruhare mu iterambere ryacyo.<\/p>\n Imbaraga zindi zizongerwa mu kubaka ubushobozi bw\u2019inzego z\u2019umutekano zose (inzego za Gisirikare, iza Polisi n\u2019iza NISS), harimo no kuzishakira ubushobozi bwihariye, butuma zishobora kuzuza neza inshingano zazo.<\/p>\n Izo kandi zizongerwa mu mutekano w\u2019abantu n\u2019ibintu ushingiye ku baturage mu midugudu, ku bufatanye n\u2019inzego z\u2019umutekano.<\/p>\n Hazaharanirwa ko ingabo z\u2019Igihugu n\u2019izindi nzego z\u2019umutekano zongera uruhare rwazo mu bikorwa by\u2019iterambere, cyane cyane iterambere ry\u2019imigi yunganira Kigali, iry\u2019inganda, indi mishinga minini irebana n\u2019ubuhinzi n\u2019ubworozi bigezweho.<\/p>\n Muri uru rwego rwo kongera imbaraga bizakomeza bijyana no kwagura ubufatanye n\u2019izindi nzego z\u2019umutekano zo mu bindi bihugu, hibandwa mu gukumira no kurwanya ibyaha nyambukanyamipaka, kurwanya icuruzwa ry\u2019abantu, ibyaha by\u2019ikoranabuhanga binyunyuza ubukungu n\u2019icuruzwa ry\u2019ibiyobyabwenge<\/p>\n Hazongerwa imbaraga mu kubaka mu nzego z\u2019umutekano zose umuco n\u2019indangagaciro z\u2019ubudasumbwa mu gukunda Igihugu, mu kugikorera, kugihesha agaciro no gushyira imbere umuturage.<\/p>\n Ububanyi n\u2019amahanga n\u2019ubutwererane<\/strong> <\/p>\n Umuryango FPR Inkotanyi uzakomeza gushyira imbaraga muri dipolomasi itsura iterambere ry\u2019u Rwanda n\u2019iry\u2019 Afurika.<\/p>\n Mu bizakorwa hazashimangirwa ububanyi n\u2019amahanga n\u2019ubutwererane buteza imbere ishoramari, ubukerarugendo no kwagura isoko ry\u2019ibikorerwa mu Rwanda.<\/p>\n Uzongera kandi imbaraga mu gushishikariza Abanyarwanda batuye mu mahanga ubumwe n\u2019ubwiyunge, kwitabira ibikorwa biteza imbere u Rwanda, gukomeza kurushakira inshuti, no kwagura serivisi bahabwa.<\/p>\n Uzamenyekanisha umwimerere Nyarwanda mu kwishakamo ibisubizo, kugira ngo byifashishwe n\u2019ibindi bihugu by\u2019Afurika mu kwikemurira ibibazo.<\/p>\n Ubumwe bw\u2019Abanyafurika n\u2019iterambere ryabo rishingiye ku bufatanye, ubuhahirane biganisha ku kwigira no kugira ijambo kw\u2019Afurika mu ruhando rw\u2019amahanga bizakomeza guharanirwa.<\/p>\n Hazongerwa imbaraga mu gutanga umusanzu mu guharanira amahoro n\u2019iterambere muri Afurika no ku Isi, kandi haharanirwe ko abasirikare n\u2019abapolisi b\u2019u Rwanda bari mu butumwa bwo kurinda amahoro, bakomeza kuba indashyikirwa mu bikorwa by\u2019ubutabazi no kugarura amahoro aho bari.<\/p>\n UBUTABERA<\/strong> <\/p>\n Hazashyirwaho amategeko afasha kwihutisha iterambere, yubahirizwe, kugira ngo habeho inzego zikora neza, kandi zigirirwe icyizere kurushaho. Kuri iyi ngingo kandi hazashyirwaho, hanavugururwe amategeko ateza imbere imibanire myiza mu miryango y\u2019Abanyarwanda, ashingiye ku muco nyarwanda kandi ajyanye n\u2019igihe.<\/p>\n Uzongera imbaraga mu guca akarengane no gukemura ibibazo by\u2019abaturage, no kurangiza vuba imanza zaciriwe mu nkiko.<\/p>\n Ibyo bizajyana no gushyigikira umuco wo gukemurira ibibazo mu muryango, hashimangirwe ingamba zo gucyemura amakimbirane, bitanyuze mu nkiko, hifashishijwe inteko z\u2019abaturage, Abunzi na serivisi z\u2019ubujyanama mu by\u2019amategeko (MAJ).<\/p>\n Imbaraga zindi zizongerwa mu gukumira no guhana ibyaha bya ruswa no kunyereza umutungo w\u2019Igihugu ku buryo bwihanukiriye, kandi ibyo byaha ntibigire ubusaze.<\/p>\n Zizongerwa kandi mu kubaka inzego zikorana neza, kandi zishishikajwe no kwihutisha iterambere ry\u2019umuturage, mu kubaka ubushobozi bw\u2019inzego za Leta no kuziremamo umuco wo gushyashyanira abaturage n\u2019abazigana, hagamijwe gutanga serivisi zinoze kandi zihuse, mu kubaka uburyo bw\u2019ikoranabuhanga butuma hatangwa serivisi mu buryo bwihuse kandi bworohereza abaturage kugira uruhare muri politiki z\u2019Igihugu.<\/p>\n Urundi rwego ruzakomeza kongerwamo imbaraga ni mu kunoza imishinga mbere y\u2019uko ishyirwa mu bikorwa, hashyirweho uburyo buhoraho bw\u2019Ikurikiranabikorwa n\u2019ubw\u2019isuzumabikorwa.<\/p>\n Hazongererwa ubushobozi n\u2019ububasha inzego zishinzwe gukurikirana no gucunga umutungo wa Leta, gusuzuma ibikorwa no kunoza imikorere y\u2019inzego, kugira ngo zifashe mu kwihutisha iterambere.<\/p>\n Imikorere n\u2019imikoranire y\u2019inzego za Leta n\u2019ibyiciro byihariye<\/strong> <\/p>\n Uyu muryango uzakomeza kwimakaza umuco w\u2019ubufatanye mu Banyarwanda, hashyirwa imbere imikoranire myiza n\u2019ibyiciro byihariye, kugira ngo habeho iterambere ry\u2019Igihugu no ku kwigira k\u2019umuturage.<\/p>\n Abagore n\u2019urubyiruko bazashishikarizwa gukomeza kugira uruhare mu iterambere n\u2019imiyoborere by\u2019Igihugu, baharanira kwihangira imirimo no gufasha abandi Banyarwanda;<\/p>\n Hazanozwa imikoranire, hatezwe imbere ubufatanye hagati ya Leta, Abikorera, Itangazamakuru, Imiryango itari iya Leta n\u2019Imiryango ishingiye ku myemerere, hagamijwe kwihutisha iterambere ry\u2019Igihugu n\u2019imibereho myiza y\u2019abaturage.<\/p>\n Imbaraga zizongerwa mu guteza imbere umuco wo guharanira kwigira mu Banyarwanda, gukorera hamwe, no kwishakamo ibisubizo by\u2019ibibazo byabo.<\/p>\n Ikindi kizaharanirwa ni uko za koperative zigira imiyoborere n\u2019imikorere myiza, bizira ubuhemu kugira ngo azamure abaturage bayajyamo;<\/p>\n Imbaraga zindi zizongerwa mu guteza imbere ubushakashatsi butanga ibisubizo ku bibazo by\u2019imibereho y\u2019abaturage n\u2019ubukungu bw\u2019Igihugu kandi bigahinduka umuco<\/p>\n Gahunda y\u2019Urugerero mu Itorero ry\u2019Igihugu izavugururwa, hagamijwe kubaka urubyiruko rw\u2019Abanyarwanda rufite inyota yo kwigira, gukunda umurimo, kwigirira icyizere, kandi rushishikajwe no gutanga umusanzu mu gukemura ibibazo by\u2019Igihugu.<\/p>\n Uyu muryango ukomeza uvuga muri iyi myaka irindwi ishize, u Rwanda rwageze ku bikorwa byinshi bishimishije mu byiciro bine byubakiyeho gahunda za Leta, mu bukungu, Imibereho myiza y\u2019abaturage, Imiyoborere myiza n\u2019Ubutabera.<\/p>\n Ibi byose byagezweho bishingiye ku migabo n\u2019imigambi by\u2019Umuryango FPR-INKOTANYI ngo utigeze utezukaho, kandi wakomeje kuba ku isonga mu guharanira ko ibyo bikorwa bigerwaho. Ni yo mpamvu, muri iyi myaka irindwi iri imbere, Umuryango FPR-INKOTANYI uzakomeza kubakira ku migabo n\u2019imigambi yawo, kugira ngo ugeze ku Banyarwanda Iterambere ryihuse kandi rirambye.<\/p>\n Ibyo ngo bizakorwa hibandwa kugira Umunyarwanda ushoboye kandi ufite icyizere cyo kubaho, kandi urangwa n\u2019umuco wo kwihesha agaciro, kwigira no gusigasira ibyagezweho. Tugire Igihugu gitekanye, gikungahaye, cy\u2019Abaturage babayeho neza !!! Ntakirutimana Deus<\/strong> <\/p>\n","protected":false},"excerpt":{"rendered":" Umuryango FPR-INKOTANYI ufata Imiyoborere myiza n\u2019Ubutabera nk\u2019ishingiro ry\u2019Igihugu gikomeye kandi gitekanye kandi bikaba ari ingobyi y\u2019iterambere ry\u2019umuturage n\u2019iry\u2019Igihugu muri rusange. Ni yo mpamvu, uhora uharanira kwimakaza imiyoborere myiza n\u2019ubutabera bibereye Abanyarwanda kandi bigera kuri bose. Uyu muryango ugaragaza ko imiyoborere myiza n\u2019ubutabera bizakomeza kwitabwaho mu 2017-2024, binyuze mu gushimangira ingingo zitandukanye nkuko byakozwe mu myaka […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-6629","post","type-post","status-publish","format-standard","hentry","category-amakuru-rw"],"yoast_head":"\n
\n[xyz-ihs snippet=”google-pub”]<\/p>\n
\n\u00a0
\n Kanda hano ujye ubona amakuru yihuse kandi kugihe kuri Facebook <\/a>no kuri twitter<\/a><\/strong>
\n\u00a0<\/p>\n