{"id":6791,"date":"2017-08-12T11:52:32","date_gmt":"2017-08-12T11:52:32","guid":{"rendered":"https:\/\/new.bwiza.com\/2017\/08\/12\/imvururu-hagati-y-039-abanyerondo-abazunguzayi-na-dasso-ni-akabazo-gato-meya\/"},"modified":"2017-08-12T11:52:32","modified_gmt":"2017-08-12T11:52:32","slug":"imvururu-hagati-y-039-abanyerondo-abazunguzayi-na-dasso-ni-akabazo-gato-meya","status":"publish","type":"post","link":"https:\/\/bwiza.com\/?p=6791","title":{"rendered":"Imvururu hagati y'abanyerondo, abazunguzayi na Dasso, ni akabazo gato- Meya Kayisime"},"content":{"rendered":"

Ubuyobozi bw\u2019akarere ka Nyarugenge buratangaza ko ikibazo cy\u2019imvururu giherutse kuvugwa i Nyabugogo, cyahanganishije abakora irondo ry\u2019isuku, Dasso n\u2019abazunguzayi atari ikibazo gikomeye, dore ko ngo cyahise kinakemurwa mu maguru mashya.<\/p>\n

Umuyobozi w\u2019aka karere Kayisime Nzaramba yatangarije itangazamakuru ko nta mpamvu zo kuremereza icyo kibazo. Ni nyuma yuko ku mbuga nkoranyambaga hakwirakwijwe videwo igaragaza umusore uri gukubitwa n’abo mu rwego rushinzwe irondo ry’umwuga ndetse na Dasso, agerageza kubacika, ariko n’abaturage nabo bakagaragara bakubita abagize izi nzego.<\/p>\n

Nzaramba ati \u201cTubanze tubyite ko atari uguhangana, iki ni igihugu gifite ubuyobozi bufite amategeko n\u2019umutekano. Ni akabazo gato kabayeho kandi kahise gakemuka, kuko inzego zose zarahateraniye ikibazo kirakemuka, ariko ntabwo twavuga ngo habayeho imirwano, habayemo gushyamirana, ni induru zabaye, bavuzaga induru\u2026 , <\/strong> ntabwo twabyita guhangana, guhangana ni ikintu gikomeye cyane.\u201d
\n[xyz-ihs snippet=”google-pub”]<\/p>\n

Uyu muyobozi akomeza avuga ko iki kibazo cyakuruwe n\u2019umusore wacuruzaga isambusa wafashwe n\u2019abashinzwe irondo ry\u2019isuku, akabiyaka yirwanaho, ubwo haza abazunguzay benshi batangira kurwana n\u2019ushinzwe iryo rondo, bagenzi be baje nabo barahohoterwa.<\/p>\n

Batatu mu bakora irondo ry\u2019isuku baje gukomeretswa ku buryo umwe muri bo ari mu bitaro kuko ngo babaye nk\u2019abamumena umutwe, ku buryo icyakurikiyeho ari ugukurikirana ababigizemo uruhare.<\/p>\n

Ku ruhande rwa Polisi y\u2019u Rwanda, Umuvugizi wayo ACP Theos Badege yemeje ko iki kibazo kitari gisanzwe kimenyerewe ku buryo ngo kizavamo amasomo kuko amategeko n\u2019amabwiriza ngenderwaho bihari.<\/p>\n

Akomeza aburira abazunguzayi ko icyaha gito cyo gucururiza ku muhanda gishobora kuvamo icyo guhangana n\u2019inzego zubahiriza amategeko n\u2019umutekano.<\/p>\n

Abakekwaho kugira uruhare muri iki kibazo ngo bari gukurikiranwa, uretse ko no ku ruhande rw\u2019abo mu nzego z\u2019umutekano hazarebwa ni ba nta babigizemo uruhare cyangwa abashobora kuba bakoresheje imbaraga z\u2019umurengera.<\/p>\n

Ati \u201cBatatu bakuruye imvururu bari mu maboko ya polisi\u2026 \u00bb<\/p>\n

Kayisime asaba aba bacuruzi kujya mu masoko bubakiwe bakirinda kujya mu mihanda kuko hatemewe.
\n\u00a0<\/p>\n

Ku mugoroba wo kuwa Kane tariki ya 10 kanama i Nyabugogo habaye imirwano hagati y\u2019abacururiza ku muhanda, abashinzwe irondo ry\u2019isuku ndetse na Dasso.<\/p>\n

Abaturage babonye iyi mirwano bavuga ko yatewe n\u2019uko abashinzwe irondo ry\u2019isuku basabye amafaranga umusore wacuruzaga utuntu mu ndobo kugira ngo batamufata akayabima bigatuma barwana abari muri gare bose bagahurura buri wese akubita uwo abonye ndetse n\u2019amabuye akavuza ubuhuha.
\n

\"\"<\/a>

\nUmusore uvugwa ko yasabwe amafaranga<\/figcaption><\/figure><\/p>\n

Umwe mu bakorera Nyabugogo waganiriye na Loyal Tv yatangaje iyo nkuru yavuze ko abanyerondo batse uwo musore amafaranga akayabima baza gushyamirana.<\/p>\n

Ati\u201dAbanyerondo b\u2019isuku bari bavuye kunywa inzoga hanyuma babonye uriya musore wacuruzaga udusambusha mu ndobo bamwaka amafaranga 500 arayabima, bongeye guhura ibyo yacuruzaga yabimaze barongera barayamwaka arayabima batangira kurwana ubwo.\u201d<\/p>\n

[xyz-ihs snippet=”google-pub”]<\/p>\n

Aba baturage bavuga ko babangamiwe cyane n\u2019uburyo izo nzego zabashyiriweho zikora n\u2019uko zibafata kuko hari n\u2019igihe zihohotera abagenzi kandi nta cyo bazira kuko zipfa gusagarira uwo zibonye wese.<\/p>\n

Undi ati \u201c Hari igihe umugenzi utabimenyereye abona bakubita umuntu yabaza uko bigenze na we bagahita bamwadukira batitaye ku wo ari we cyangwa icyo ari cyo bakamukubita\u201d
\n

\"\"<\/a>

\nYishikanuza ashaka guciaka abashinzwe irondo ry’umwuga<\/figcaption><\/figure><\/p>\n

Aba bazunguzayi kandi bavuga ko batazi neza uko ibihano bacibwa biteganywa kuko usanga banabaha fagitire z\u2019ibinyabiziga kandi bo badatwara ibinyabiziga nk\u2019uko umwe muri bo yabikomojeho, \u201cujya kubona ukabona bakwandikiye konterivasiyo wareba n\u2019amafaranga ariho ukibaza icyo ugiye kwishyura bikakuyobera, bakwemeje ko ari amande bakandikaho amande ntibandikeho konterivasiyo ko tutari ibinyabiziga.\u201d<\/p>\n

\u201cAbazunguzayi twabaye bombo, baragufata bakumva ko bongeye bariye kuko ruswa banayise umurengezi. Bakwinjiza mu nzu ya bo abandi bakubona bakavuga ngo karibu kiriya (Client), twabaye abakiriya kuko baduca amafaranga uko biboneye.\u201d
\n

\"\"<\/a>

\nAbaturage bafashe mu mashati abakora irondo ry’umwuga i Nyabugogo<\/figcaption><\/figure><\/p>\n

Abazunguzayi bavugira icyarimwe, bemeza ko abanyerondo b\u2019isuku babakubitira mu biro bya bo ndetse bakabacuza utwo bafite twose, kubambika ubusa, ndetse bakanavuga ko hari abagore bakuramo inda kubera inkoni baba bakubiswe n\u2019aba banyerondo.<\/p>\n

Umwe yagize ati\u201dBaragufata bakaguhondagura, ntibagira isoni zo kukwambika ubusa amabere ugasanga ari hejuru ndetse n\u2019abagenzi bigendera barabakubita,\u2026\u201d
\n

\"\"<\/a>

\nGuhangana hagati y’impande zombi<\/figcaption><\/figure><\/p>\n

Ni kenshi aba bakozi bambaye imyenda y\u2019akazi bashyirwa mu majwi n\u2019abantu batandukanye ko bafite imikorere idahwitse, aho usanga bashinjwa gukubita no gukomeretsa ndetse no kwambura, ku rundi ruhande ariko Umujyi wa Kigali ukunze gutangariza abazunguzanyi bacururiza ku muhanda, muri gare n\u2019ahandi hahurira imbaga hatari mu masoko bagenewe ko hatemewe.<\/p>\n

[xyz-ihs snippet=”google-pub”]<\/p>\n

Amabwiriza y\u2019Umujyi wa Kigali agena amande y\u2019ibihumbi 10 ku muntu wese ufashwe agura n’umuzunguzayi.
\n Video igaragaza imirwano Meya Kayisime yita akabazo gato:<\/strong> <\/p>\n

\n
\"YouTube