{"id":6888,"date":"2017-08-17T11:01:16","date_gmt":"2017-08-17T11:01:16","guid":{"rendered":"https:\/\/new.bwiza.com\/2017\/08\/17\/buravan-nta-nshuti-y-umukobwa-agira-nubwo-akundwa-na-benshi-ikiganiro-kirambuye\/"},"modified":"2025-02-03T01:51:08","modified_gmt":"2025-02-02T23:51:08","slug":"buravan-nta-nshuti-y-umukobwa-agira-nubwo-akundwa-na-benshi-ikiganiro-kirambuye","status":"publish","type":"post","link":"https:\/\/bwiza.com\/?p=6888","title":{"rendered":"Buravan nta nshuti y\u2019umukobwa agira nubwo akundwa na benshi- Ikiganiro kirambuye"},"content":{"rendered":"

Abakunzi ba Bwiza.com, bagenda badusaba kuganiriza bamwe mu byamamare bakunda, kuri iyi nshuro twaganiriye n\u2019umuhanzi Buravan uzwi cyane mu ndirimbo Malaika, Bindimo, n\u2019izindi agira byinshi avuga ku buzima bwe.<\/strong>
\n Kurikirana ikiganiro kirambuye twagiranye:<\/strong>
\n Bwiza: <\/strong> Uratangira utwibwira?
\n Bravan: <\/strong> Nitwa Dushime Burabyo Ivan, navutse tariki ya 27 Mata 1995, mvuka mu muryango w\u2019abana 6 ndi umuhererezi.
\n Bwiza: <\/strong> Watangiye kumva urukundo rw\u2019umuziki muri wowe ryari?
\n Buravan: <\/strong> Nykri muto mfite imyaka 4 gusa, mukuru wanjye yanguriye agapiyano gato, nkajya ngacuranga, nkagakunda cyane, ariko na none nkakunda umupira byabindi by\u2019abana, ariko na none nkiri umwana nabwo nagiye muri chorale y\u2019abana, nyikuriramo bituma ngenda nkunda kuririmba, ubwo ngize imyaka 14 hari sosiyete y\u2019itumanaho yari yakoresheje amarushanwa yo kuririmba ndayitabira ndayatsinda numva bahamagaye izina ryanjye ku mwanya wa 2 bampemba 1.200.000 frw , icyo gihe nahise mbona ko umuziki ari impano yanjye.
\n Bwiza: <\/strong> Watangiye gukora muzika nk\u2019umunyamwuga ryari?
\n Buravan: <\/strong> Ubwo nyine nyuma y\u2019amarushanwa nitabiriye nakubwiye haruguru, yatumye numva ko nshobora gukora umuziki, hanyuma ngize imyaka 20 ubwo nizihizaga isabukuru y\u2019amavuko, natumiye inshuti zanjye nzigezaho ikifuzo mbabwira ko ntakabuza ninjiye mu ruhando rw\u2019umuziki, nibwo natangiye gutunganya indirimbo yanjye ya mbere.
\n Bwiza: <\/strong> Umuziki wawe wibanda mu buhe butumwa?
\n Buravan: <\/strong> Akenshi nibanda ku rukundo cyane, kuko nicyo kintu abantu benshi bahuriyeho ikindi umuziki ni ibiryo by\u2019urukundo.
\n[xyz-ihs snippet=”google-pub”]
\n Bwiza: <\/strong> Ufite iyihe ntego?
\n Buravan: <\/strong> Igihe umuziki wanjye uzaba ari wo uhagarariye u Rwanda ku ruhando mpuzamahanga, nzaba nakabije ibyo nifuzaga, nk\u2019uko Uganda twumva Chameleon, Nigeria ukumva Davido, Tanzania ukumva Diamond, igihe nanjye bazaba bavuga u Rwanda bakumva Buravan nzaba nageze ku byo nifuza.
\n Bwiza: <\/strong> Ufite abafana benshi b\u2019igitsina gore ubyitwaramo gute ngo batakuyobya?
\n Buravan: <\/strong> Ibyo biterwa n\u2019ibyemezo by\u2019umuntu kugiti cye n\u2019uburyo imico ye imeze, kuri njye ntakibazo, ntacyo bintwara kandi ntibyankururira mu ngeso mbi, ndabyishimira kuba abafana banjye benshi ari igitsina gore, icyo umugore ashaka n\u2019Imana iba igishaka.
\n Bwiza: <\/strong> Utekereza iki ku muco?
\n Buravan: <\/strong> Burya agahugu katagira umuco karacika, nkanjye ndi umunyamuziki ariko ndi n\u2019intore, umuco rero icyo navuga buryo mu muco hakubiyemo ibintu byinshi, ururimi, indangagaciro n\u2019ibindi, nzi agaciro kawo, ibitaraza ni byinshi umuco nawo nkushyira imbere mu bikorwa byanjye bya muzika, mu minsi iri imbere abafana banjye bazabibona.
\n Bwiza: <\/strong> Buravan ahagaze ate mu rukundo?
\n Buravan: <\/strong> Njye nta nshuti y\u2019umukobwa mfite, ntabwo biraba ndacyategereje ko bingeraho.
\n Bwiza: <\/strong> Kumenyekana vuba wabyakiriye ute? Ese ntibyagutunguye?
\n Buravan: <\/strong> Nagiye ngira inshuti nyinshi mu muziki zamamaye bagiye bangira inama, kuburyo ntakintu cyantunguye kuko ibyinshi nabaga mbizi narabibwiwe n\u2019inshuti.
\n Bwiza: <\/strong> N\u2019iki ufata nkaho cyagutunguye niba gihari?
\n Buravan: <\/strong> Ni umunsi wa mbere nsohora indirimbo narwaye umutwe kubera uburyo nirukanse njya ku ma radio nyikwirakwiza naharwariye umutwe mpita mbona ko ari akazi kagoye.
\n Bwiza: <\/strong> Muri studio ni iki kikugora?
\n Buravan: <\/strong> Ibintu byose kuri njye bihera mu rugo, ndabanza nkakora indirimbo nkabanza nkayikunda, namara kuyikunda nkahamagara uyitunganya, nabona nawe ayikunze nkareba abandi bantu bazi ibya muzika nkabagisha inama bayikunda nabo nkahita njya kuyitunganya nkayirangizanya na Producer, ubundi yayisoza akayimpa nkayijyanya mu bitangazamakuru, abanyarwanda bakayinkunda, ntakintu kingora cyane.
\n Bwiza: <\/strong> Ninde muhanzi ukunda ku buryo mukoranye indirimbo byagushimisha?
\n Buravan:<\/strong> Kera nakundaga Michel Jackson, ariko nyuma y\u2019aho apfiriye umuhanzi nkunda ni Bruno Mars, ndamutse nkoranye nawe byanshimisha cyane.
\n Bwiza: <\/strong> Dusoza ni iki wabwira abakunzi bawe
\n Buravan: <\/strong> Ndabashimira uruhare bagira ku muziki wanjye, ndabakunda kandi bakomeze banshigikire.
\n Bwiza: <\/strong> Urakoze cyane
\n Buravan: <\/strong> Namwe ndabashimiye!<\/p>\n

\n
\"YouTube