Urukiko Rukuru rwa Dar es Salaam rwateye utwatsi ikirego umunyamakuru Erick Kabendera yareze ikigo cy\u2019itumanaho cya Vodacom Tanzania.<\/p>\n
Icyemezo cyo gutesha agaciro iki kirego cyafashwe kuri uyu wa Kabiri, itariki 10 Nzeri 2024 n\u2019Umwanditsi w\u2019urukiko wungirije mu izina ry\u2019Umucamanza Mukuru, Salma Maghimbi, nyuma y\u2019ubujurire bwazamuwe na Vodacom.<\/p>\n
Mu kirego cye, umunyamakuru Kabendera yasabaga impozamarira ya miliyoni 10$ (Miliyari 27 z\u2019Amashilingi ya Tanzania), avuga ko iki kigo cyoroheje itabwa muri yombi rye na polisi, igikorwa yasobanuye nko gushimutwa cyakurikiwe n\u2019ibirego byo kubangamira ubukungu mu 2019.<\/p>\n
Mu kirego numero 12799\/2024, Kabendera yavugaga ko nyuma yo gushimutwa no gushinjwa ibyaha, yagezweho n\u2019ibibazo by\u2019ubukungu n\u2019ibindi bitari iby\u2019ubukungu birimo iby\u2019imibanire, ibyo mu mutwe n\u2019amarangamutima, kubura ibyishimo by\u2019ubuzima, kubangamira iterambere rye no guhindanya igihagararo cye muri sosiyete n\u2019ubunyamwuga bwe.<\/p>\n
Kubera izo mpamvu, nk\u2019uko bitangazwa n\u2019ikinyamakuru The Citizen, yasabye Vodacom impozamarira ya miliyoni 10$ (Sh27 billion) kubw\u2019igihombo yatewe kongeraho inyungu zizajya zitangwa kuva igihe icyemezo cyafatirwa kugeza ubwishyu bwose butanzwe.<\/p>\n
Vodacom ariko inyuze mu munyamategeko wayo, Gaspar Nyika, yanditse yamagana ibi mu gusubiza ihamagarwa n\u2019urukiko ryo ku itariki 9 Nyakanga 2024.<\/p>\n
Mu kwiregura kwabo mu itangazo The Citizen yabonye, Vodacom yateye utwatsi ibirego byose bya Kabendera bijyanye n\u2019uruhare rwayo mu gutabwa muri yombi kwe na polisi, we yita ishimutwa.<\/p>\n
Vodacom yasabye urukiko gutera twatsi iki kirego rutiriwe runacyumva, ivuga ko cyatanzwe nyuma y\u2019igihe cyagenwe (beyond statutory limitation period).<\/p>\n
Umucamanza Maghimbi nyuma yafashe umwanzuro wemeranya na Vodacom avuga ko ikirego cyageze imbere y\u2019urukiko mu buryo butemewe n\u2019amategeko kuko cyatanzwe nyuma y\u2019igihe kigenwa n\u2019amategeko.<\/p>\n
Umucamanza yavuze ko amategeko asaba ko ibirego nk\u2019ibi bitangwa mu gihe kitarenze imyaka 3, uhereye igihe ibiregerwa byabereye, ariko Kabendera yatanze ikirego icyo gihe cyararenze.<\/p>\n
Kabendera yatawe muri yombi na polisi afatiwe iwe muri Mbweni ku itariki 29 Nyakanga 2019, afungwa icyumweru. Yaje kugaragara mu rukiko rwa Kisutu kuwa 5 Kanama 2019 ashinjwa ibyaha byo kuvangira ubukungu bw\u2019igihugu.<\/p>\n
Yashinjwe ibyaha bitatu byo gutegura no gukorana n\u2019agatsiko k\u2019abagizi ba nabi. Ibindi birego Kabendera yashinjwe birimo gukwepa imisoro igera muri miliyoni 173 z\u2019amashilingi ndetse n\u2019iyezandonke. Bivugwa ko hagati ya Mutarama 2015 na Nyakanga 2019 yahaye ubufasha agatsiko k\u2019abagizi ba nabi ku nyungu z\u2019amafaranga.<\/p>\n
Ku kirego cy\u2019iyezandonke ashinjwa koza miliyoni zigera ku 173 mu bice bitandukanye i Dar es Salaam. Kweza indonke ni ugufata amafaranga wabonye mu buryo butemewe n\u2019amategeko ukayeza uyanyujije mu bikorwa bizwi byanditse bibyara inyungu bisa nk\u2019aho ari ho yavuye.<\/p>\n","protected":false},"excerpt":{"rendered":"
Urukiko Rukuru rwa Dar es Salaam rwateye utwatsi ikirego umunyamakuru Erick Kabendera yareze ikigo cy\u2019itumanaho cya Vodacom Tanzania. Icyemezo cyo gutesha agaciro iki kirego cyafashwe kuri uyu wa Kabiri, itariki 10 Nzeri 2024 n\u2019Umwanditsi w\u2019urukiko wungirije mu izina ry\u2019Umucamanza Mukuru, Salma Maghimbi, nyuma y\u2019ubujurire bwazamuwe na Vodacom. Mu kirego cye, umunyamakuru Kabendera yasabaga impozamarira ya […]<\/p>\n","protected":false},"author":4,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-71190","post","type-post","status-publish","format-standard","hentry","category-amakuru-rw"],"yoast_head":"\n